Ibhuku Elabhalwa Kudala Elisasebenza Lalamuhla
Abantu abanengi bayalihlonipha iBhayibhili ngoba lingcwele. Lisitshela ngokukhonza uNkulunkulu futhi lisinika lamacebo asinceda nsuku zonke.
Abanye abancedwe ngabakubala eBhayibhilini bathi:
“Impilo yami isingcono khathesi. Sengihlalisekile futhi sengithokoza.”—UFiona.
“Ukufunda iBhayibhili kwenze impilo yami yaba lenjongo.”—UGnitko.
“Sengilempilo engcono kakhulu. Angisatshoneli ukusebenza kuphela kodwa sengithola lesikhathi esinengi sokuba lemuli yami.”—U-Andrew.
Ngeke sibabale sibaqede abantu abancedwe liBhayibhili.
Asixoxeni ngokuthi iBhayibhili lingasinceda njani kokulandelayo:
Ukuba lempilakahle
Ukuhlaliseka
Emulini lasekubeni labangane
Endabeni zemali
Ekubeni ngabangane bakaNkulunkulu
Izihloko ezilandelayo zizatshengisa ukuthi iBhayibhili libhuku elivela kuNkulunkulu elingakunceda ngezindlela ezitshiyeneyo.
