Sonke vele asilaso isikhathi esinengi sokutaditsha. Manje singasisebenzisa njani isikhathi esincane esilaso? Okokuqala okumele ukwenze yikuzinika isikhathi eseneleyo sokutaditsha. Kungakunceda kakhulu ukubala izinto ezilutshwana kuhle kuhle uzwisise kulokuthi ubale izinto ezinengi ugijima.

Ngemva kwalokho, khetha ongakubala kuqala. (Efe. 5:15, 16) Nanku okunye ongakwenza:

• Bala iBhayibhili nsuku zonke. (Hubo. 1:2) Uhlelo lwethu lwaphakathi kweviki olokubala iBhayibhili maviki wonke lungakunceda kakhulu ukuthi uqalise ukulibala nsuku zonke.

• Lungiselela isifundo se-Nqabayokulinda kanye lomhlangano waphakathi kweviki. Lungiselela kuhle ukuze uphendule. —Hubo. 22:22.

• Nxa ulesikhathi, zama ukubala ezinye izinto esiziphiwayo ezisiqinisa ukholo, ngokwesibonelo ungabala iNqabayokulinda kazulu wonke le-Vukani!, ubukele amavidiyo kanye lokunye okuphuma ku-jw.org.

• Zama ukuchwayisisa ngendaba ethile obona angathi ingakunceda. Ngokwesibonelo, ungachwayisisa ngohlupho ongabe ulalo, umbuzo olawo kumbe eyinye indaba eseBhayibhilini ongafisa ukuyizwisisa ngcono. Ukuze uthole okunye ongakwenza, hamba ku-jw.org engxenyeni ethi “Funda Ezindabeni EziseBhayibhilini.”