U-Isaya 55:1-13
55 Wozani lina lonke elomileyo,+ wozani emanzini.+
Lina elingelamali wozani lizothenga lidle.
Wozani sibili lithenge iwayini lochago+ lingakhiphanga mali loba imbadalo.+
2 Kungani liqhubeka likhipha imali lithenga lokho okungasikudla?*Kungani liqedela iholo lenu* entweni engasuthisiyo?
Ngilalelisisani lidle okuhle,+Likholise kakhulu ukudla izibiliboco.*+
3 Thiyani indlebe libuye kimi.+
Lalelani liqhubeke liphila.
Ngizakwenza isivumelwano esingapheliyo lani,+Esimayelana lothando oluqotho engalutshengisa uDavida, futhi sona sithembekile.+
4 Ngamenza waba ngufakazi+ ezizweni,Waba ngumkhokheli+ lomlawuli+ wezizwe.
5 Uzabiza isizwe ongasaziyo,Labantu besizwe ebesingakwazi bazagijimela kuwe,Ngenxa kaJehova uNkulunkulu wakho,+ oNgcwele ka-Israyeli,Ngoba uzakupha udumo.+
6 Dingani uJehova esatholakala.+
Mbizeni eseseduze.+
7 Owenza okubi katshiye indlela yakhe,+Loxhwalileyo atshiye imicabango yakhe,Kabuyele kuJehova, yena uzakuba lesihawu kuye,+Abuyele kuNkulunkulu wethu ngoba uzamthethelela ngendlela enkulu.*+
8 “Imicabango yami kayifanani leyenu,+Lezindlela zami zitshiyene lezenu,” kutsho uJehova.
9 “Njengoba amazulu ephakeme kulomhlaba,Izindlela zami ziphakeme kulezenu,Lemicabango yami iphakeme kuleyenu.+
10 Njengoba nje izulu longqwaqwane okwehla kuvela phezuluKungabuyeli kungazange kuwumanzise umhlaba, kwawenza wahluma futhi wathela,Kwanika lomhlanyeli inhlanyelo kanye lokudla kulowo odlayo,
11 Lizakuba njalo lelizwi eliphuma emlonyeni wami.+
Kalisoze liphenduke kimi lingafezanga lutho,+Kodwa lizakwenza loba yini engiyifunayo.*+Loba sekutheni, ilizwi lami lizaphumelela kulokho engilithuma ukuthi likwenze.
12 Lizaphuma lithokoza lina bantu,+Libuyiselwe ngokuthula.+
Izintaba lamaqaqa kuzajabula phambi kwenu, kumemeze ngentokozo,+Zonke izihlahla zeganga zizaqakeza izandla.+
13 Endaweni yezihlahla zameva kuzamila isihlahla somjunipha,+Lalapho obekulokhula oluhlabayo kuzamila isihlahla sommethile.
Lokhu kuzakwenza uJehova athole udumo,+Kube yisibonakaliso saphakade esingasoze sitshabalale.”
Amabala angaphansi
^ Kumbe, “okungasisinkwa.”
^ Kumbe, “iholo lenu elilisebenzele nzima.”
^ Kumbe, “okwakha umzimba.”
^ Kumbe, “ngesihle.”
^ Kumbe, “engiyithandayo.”
