IZaga 20:1-30
20 Iwayini liyalulaza,+ lotshwala buletha ukuxokozela,+Loba ngubani ophanjulwa yizinto lezi kahlakaniphanga.+
2 Inkosi iyesabeka njengokubhonga kwesilwane,+Loba ngubani ovusa ulaka lwayo ufaka impilo yakhe engozini.+
3 Obalekela ingxabano+ ufanele ukuphiwa udumo,Kodwa isiphukuphuku sibizwa sisabele nxa kulengxabano.+
4 Ivila kalilimi ngesikhathi sebusika,Yikho lizahamba licela ngesikhathi sokuvuna ngoba liyabe lingelalutho.*+
5 Imicabango esenhliziyweni yomuntu injengamanzi* asendaweni etshonayo,Kodwa umuntu oqedisisayo uyayikhipha.
6 Abantu abanengi bazitshela ukuthi balothando oluqotho,Kodwa ngubani ongamthola umuntu othembekileyo?
7 Olungileyo uhamba ngobuqotho bakhe.+
Bayathokoza abantwabakhe abalandela ngemva kwakhe.+
8 Nxa inkosi ihlezi esihlalweni sobukhosi ukuze yahlulele,+Iyakuhlungula* konke okubi ngamehlo ayo.+
9 Kambe ngubani ongathi: “Sengiyihlambululile inhliziyo yami,+Ngimsulwa esonweni sami”?+
10 Izilinganiso zobuqili kanye lezikali zamanga,*UJehova uyakwenyanya kokubili.+
11 Lomntwana* waziwa ngezenzo zakheUkuthi umsulwa lokuthi ulungile.+
12 Indlebe ezwayo lelihlo elibonayo,Konke kwenziwe nguJehova.+
13 Ungabothanda ukulala, uzacina usungumyanga.+
Vula amehlo uvuke khona uzathola ukudla okunengi.+
14 Othengayo uthi, “Kubi lokhu, kubi lokhu!”
Ngemva kwalokho uhamba ezitshaya isifuba.+
15 Kulegolide kanye lamakhorali* amanengi,Kodwa izindebe ezilolwazi ziligugu.+
16 Thatha isigqoko salowo othembisa ukuthi uzabhadalela umuntu angamaziyo isikwelede,+Mthathele abambise ngakho nxa lokho ekwenzele owesifazana wesinye isizwe.+
17 Isinkwa esizuzwe ngobuqili simnandi emuntwini,Kodwa ekucineni umlomo wakhe uzagcwala ukhethe.+
18 Nxa kuboniswana, amacebo ayaphumelela.*+
Nxa usempini, sebenzisa amacebo alobungcitshi.*+
19 Onyundiselayo uhamba eveza indaba eziyimfihlo;+Ungazwanani lomuntu othanda ukunyeya.
20 Loba ngubani othuka uyise lonina,Isibane sakhe sizacitshwa nxa kungafika ubumnyama.+
21 Ilifa elitholwe ngobuhwaba ekuqaliseni,Alisoze libe yisibusiso ekucineni.+
22 Ungabokuthi: “Ngizaphindisela ngokubi!”+
Themba uJehova,+ yena uzakusindisa.+
23 UJehova uyazenyanya izilinganiso zobuqili,*Lezikali zamanga kazilunganga.
24 Izinyathelo zomuntu ziqondiswa nguJehova,+Pho umuntu angayizwisisa njani indlela okumele ahambe ngayo?
25 Yikuzithiya ngomjibila ukuthi umuntu aphange amemeze athi, “Kungcwele!”+
Ngemva kwesikhathi abesecabangisisa ngalokho akufungileyo.+
26 Inkosi ehlakaniphileyo iyabahlungula* abenza okubi,+Ibisihambisa isileyi sokubhula* phezu kwabo.+
27 Amazwi omuntu anjengesibane* sikaJehova,Esihlola ingaphakathi yomuntu.
28 Uthando oluqotho kanye lokuthembeka kuyayivikela inkosi,+Iqinisa isihlalo sayo sobukhosi ngothando oluqotho.+
29 Udumo lwabasakhulayo ngamandla abo,+Lobukhazikhazi balabo asebeluphele zinwele zabo ezimhlophe.+
30 Imvimvinya lamanxeba kuyabususa ububi,+Lokutshaywa kuyayihlambulula ingaphakathi yomuntu.
Amabala angaphansi
^ Ezinye inguqulo zithi, “Lizadinga ngesikhathi sokuvuna lingatholi lutho.”
^ Kumbe, “Izinhloso ezisenhliziyweni yomuntu zinjengamanzi.”
^ Kumbe, “Iyakucenga; Iyakwela.”
^ Kumbe, “Amatshe ezilinganiso ezimbili ezitshiyeneyo lama-efa amabili ehlukeneyo.”
^ Kumbe, “Lomfana.”
^ Khangela iNgcazelo Yamabala.
^ Kumbe, “ayaqiniswa.”
^ Kumbe, “avela emuntwini oyingcitshi.”
^ Kumbe, “uyawenyanya amatshe ezilinganiso ezimbili ezehlukeneyo.”
^ Kumbe, “iyabacenga.”
^ Khangela iNgcazelo Yamabala ebaleni elithi, “Ukubhula; Indawo yokubhulela.”
^ Kumbe, “Umoya womuntu unjengesibane.”
