IHubo 115:1-18
115 Unganiki thina inkazimulo,* awu Jehova.
Ungayiniki thina,* inike ibizo lakho+Ngoba ulothando oluqotho njalo uthembekile.+
2 Kungani kumele izizwe zicine zisithi:
“Ungaphi uNkulunkulu wabo?”+
3 UNkulunkulu wethu usezulwini,Wenza loba yini ayifunayo.
4 Izithombe zabo zenziwe ngesiliva langegolide,Zenziwe ngabantu.+
5 Zilomlomo kodwa azikhulumi,+Zilamehlo kodwa aziboni.
6 Zilendlebe kodwa azenelisi ukuzwa,Zilamakhala kodwa azenelisi ukuhogela.
7 Zilezandla kodwa azenelisi ukubamba,Zilenyawo kodwa azihambi.+
Akulamsindo ophuma emphinjeni yazo.+
8 Abazenzayo bazafanana lazo,+Bonke abathembela kuzo bazakuba njengazo.+
9 Awu bantu bako-Israyeli thembani uJehova,+Ungumsizi wenu lehawu lenu.+
10 Lina abendlu ka-Aroni,+ thembani uJehova,Ungumsizi wenu lehawu lenu.
11 Thembani uJehova lina elesaba uJehova,+Ungumsizi wenu lehawu lenu.+
12 UJehova uyasikhumbula futhi uzasibusisa.
Uzababusisa abendlu ka-Israyeli,+Abusise labendlu ka-Aroni.
13 Uzababusisa labo abesaba uJehova,Abancane labakhulu.
14 UJehova uzalenza lande,Lina labantwabenu.+
15 Kwangathi lingabusiswa nguJehova,+UMenzi wezulu lomhlaba.+
16 Amazulu ngakaJehova,+Kodwa umhlaba uwunike abantu.+
17 Abafileyo abamdumisi uJah,+Bonke abehlela phansi ekuthuleni abamdumisi.+
18 Kodwa thina sizamdumisa uJahKusukela khathesi kuze kube nini lanini.
Dumisani uJah!*
Amabala angaphansi
^ Kumbe, “Thina asilalutho.”
^ Kumbe, “Thina asilalutho.”
^ Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
