ITlaixpantijkauan Jehová moyekanaj ika principios bíblicos tlen kijtouaj tlen moneki kichiuaskej akinmej yomonamiktijkej uan akinmej kinekij mokajkauaskej inmixpan tekiuajkej. ToTajtsin Dios okichi matimonamiktikan uan okinekiaya tlakatl uan isiua nochipa san sekan mayetokan. Biblia kijtoua uelis mokajkauaskej inmixpan tekiuajkej tla se oauilnenki (Mateo 19:5, 6, 9).

 Kema. Nikan kajki seki tlamantli tlen ika kinpaleuiaj:

•   Amatlajkuilolmej. Nonmej amatlajkuilolmej kipiaj miakej tlamachtilmej tlen kinpaleuis akinmej yomonamiktijkej. Noijki kinpaleuis akinmej yikinekij mokajkauaskej. Xikintlajtolti ninmej tlamachtilmej: “Cómo fortalecer el sentido del compromiso en el matrimonio”, “Cómo perdonar” uan “Cómo recuperar la confianza perdida”.

•   Nechikolmej. Tejuan timonechikouaj ome uelta sejse semana uan tikinpiaj uejueyij nechikolmej. Ompa timomachtiaj ken kinpaleuia Biblia akinmej yomonamiktijkej.

•   Tlayekankej. Tlayekankej tlen kiyekanaj tlanechikol, kinpaleuiaj akinmej yomonamiktijkej uan kinmititiaj tlen kijtoua Biblia. Kinmititiaj tlen kijtoua Efesios 5:22-25 uan okseki textos bíblicos.

 Amo. Tlayekankej kinpaleuiaj akinmej yomonamiktijkej makiyektlalikan ouijkayotl tlen kipiaj. Pero amo kinmiluiaj tlen moneki kichiuaskej (Gálatas 6:5, TNM). Tla ikaj san kineki kikajkauas inamik noso isiua inmixpan tekiuajkej, amo uelis oksepa monamiktis (1 Timoteo 3:1, 5, 12).

 Biblia kijtoua akinmej yomonamiktijkej san sekan mayetokan maski tlajyouiskej (1 Corintios 7:10-16). Uelis kiluiskej toTajtsin Dios makinpaleui para kiyektlaliskej ouijkayotl. Pero moneki moyekanaskej ika principios bíblicos uan mamotlasojtlakan (1 Corintios 13:4-8; Gálatas 5:22).

 Sekimej moxelouaj porque innamik:

•   Amo kimaka ifamilia tlen ika mopanoltis (1 Timoteo 5:8).

•   Sapanoua kinuiteki (Salmo 11:5).

•   Sapanoua kintlajyouiltia para amo mamouikakan iuan toTajtsin Dios. Ualeua sekimej amo kinekij innamik makintlakamati itlanauatiluan toTajtsin Dios. Ikinon akin kichiua ken Cristo xamo kijtos tla kineki ‘kitlakitas tlan Dios kijtoa iwa amo tlan kijtoah n tlakah’ moneki moxelos inauak inamik noso isiua (Hechos 5:29).