TLAKUIKALI 73
ToTajtsin Dios techyolchikaua
-
1. Ijkuak tiktematiltiaj
iTlajtol toTajtsin Dios,
miakej techtlajyouiltiaj
para tikkauaskej Dios.
Amo timomojtiskej,
nochipa titlaneltokaj.
Tikmatokej Dios techpaleuis
uan noijki techmakixtis.
(ESTRIBILLO)
Oh Jehová, timitsiluiaj
ika nochi toyolo:
tiknekij techyolchikaua
uan noijki techmalui.
Yotikijto techmakixtis
tla nochipa tiyeknemij.
ToDios timitstlatlaujtiaj
techualkaki.
-
2. Tla se tonal timauiskej,
Dios uelis techyolseuis.
ITlajtol techpaleuia
ijkuak titlajyouiaj.
Miakej techkokoliaj
pero Jehová touan yetos.
Kiteititis ichikaualis
ijkuak peuas Armagedón.
(ESTRIBILLO)
Oh Jehová, timitsiluiaj
ika nochi toyolo:
tiknekij techyolchikaua
uan noijki techmalui.
Yotikijto techmakixtis
tla nochipa tiyeknemij.
ToDios timitstlatlaujtiaj
techualkaki.
(Noijki xikita 1 Tes. 2:2; Heb. 10:35).
