Mojmostla miakej mochijchikauaj para kipiaskej tlen ika mopanoltiskej. Pero axkan panoua tlen amo kuali, ik non, okachi oui. ¿Tleka?

• Ijkuak panoua tlen amo kuali, okachi tlapatioua.

• Ayakmo onka tekitl uan ayakmo patio tetlaxtlauiaj.

• Ijkuak tlaxixini kijtlakoua kalmej, kanin tlanemakaj uan okseki tlamantli. Ik non, miakej amo kipiaj tomin.

• Tla kuali tikmaluia motomin, tikmatis tlen tikchiuas ijkuak itlaj amo kuali panos itech moaltepe.

• Xikilnamiki tomin uan seki tlamantli satepan uelis ayakmo kipias ipati.

• Onka seki tlamantli tlen amo uelis tikkouas, tomin amo mitspaleuis axkan xiyolpaki noso kuali ximouika iuan mofamilia.

Biblia kijtoua: “Tla tikpiah tlan tikkuaskeh iwa tlan tikmokentiskeh, san ika ye matipakikah” (1 Timoteo 6:8).

Ijkuak ikaj yolpaki amo porque kipia nochi tlen kineki, yolpaki porque kipia tlen moneki. Tla amo tikpiaj miak tomin, non moneki tikilnamiktoskej.

Tla tikneki tiyolpakis, xamo moneki tikpatlas seki tlamantli. Tla amo miak tiktlani pero tikmokouilia miak tlamantli, satepan amo tikpias tomin.