¡XIMOMALUIJTOKAN!
2023: Yopanok miak tlajyouilistli | ¿Tlen kijtoua Biblia?
Nochi tlen opanok xiuitl 2023 itech nochi tlaltikpak, Biblia kiteititia tikatej “itlamian tonalmej” (2 Timoteo 3:1). Biblia yokijtojka tlen axkan panotok. Matikitakan tlen okijto.
Biblia kijtoua tlen panotok itech nochi tlaltikpak
“Nankikakiskej onka guerra itech miakej altepemej” (Mateo 24:6).
“Okachi mokualaniaj uan momiktiaj itech nochi tlaltikpak”. a
Xikinmita tlamachtilmej “¿Akin kinpaleuis akinmej amo yauij guerra?” uan “2 billones de dolares kitekitiltiaj para soldados”.
“Tlalolinis” (Marcos 13:8).
“Desde ijkuak opejki xiuitl 2023 hasta axkan otlalolinki 13 ueltas chikauak kanaj 7.0 noso okachi chikauak. Amo keman ijkon otlaloliniaya”. b
Xikita tlamachtil “Chikauak otlalolinki Turquía uan Siria”.
“Miak tlamantli temomojti” (Lucas 21:11).
“Itech tlaltikpak sapanoua tona. Uelis tikijtoskej chikauak tona ken ijkuak itlaj peua posoni”(António Guterres, secretario general de las Naciones Unidas). c
Xikita tlamachtil “Itech 2023 sapanoua tlatotonia itech nochi tlaltikpak”.
“Tlaapistis” (Mateo 24:7).
“2023: Miakej sapanoua motekipachouaj porque amo kimatij ken kipiaskej tlen kikuaskej”. d
Xikita tlamachtil “La guerra y el cambio climático empeoran la crisis alimentaria mundial”.
‘Itlamian tonalmej yetos oui uan amo tikxikoskej’ (2 Timoteo 3:1).
“Itech chikueyi personas itech nochi tlaltikpak, se amo kuali momachiliaj”. e
Xikita tlamachtil “Miakej telpochmej uan ichpochmej amo kuali momachiliaj”.
¿Tlen panos itech xiuitl 2024?
Amo tikyekmatij tlen panos itech xiuitl 2024. Pero tlen axkan panotok kiteititia yitlanauatis iTekiuajkayo toTajtsin Dios tlen kajki iluikak para kinpatkayotis tekiuajkej tlen katej nikan tlaltikpak uan kipojpolos nochi tlen techtlajyouiltia uan techtekipachoua (Daniel 2:44; Apocalipsis 21:4).
Ikinon tla timotekipachouaj, matikiluikan toTajtsin Dios matechpaleui. Biblia kijtoua:
“Ijkuak nimomojtia, nikneltoka te techpaleuis” (Salmo 56:3).
¿Ken uelis tikteititiskej tikneltokaj toTajtsin Dios? Timitsyoleuaj xikita tlen kijtoua Biblia satepan ayakmo titlajyouiskej. Xikita ken timomachtiaj Biblia para tikmatis tlen kichiuas toTajtsin Dios satepan uan uelis mitspaleuis te uan mofamilia.
a Foreign Affairs, “A World at War: What Is Behind the Global Explosion of Violent Conflict?” (Itech nin tlaltikpak katej guerras: ¿Tleka kichiuaj tlen amo kuali?), Emma Beals y Peter Salisbury; 30 de octubre 2023.
b Miak uelta otlalolinki xiuitl “2023: Satepan okachi tlalolinis”; mayo 2023.
c Naciones Unidas, “Secretary-General’s Opening Remarks at Press Conference on Climate” (Se secretario omotlapoui inuan oksekimej uan okijto kox seuas noso tlatotonias ); 27 de julio 2023.
d Programa Mundial de Alimentos, “itech nochi tlaltikpak onka apistli”.
e Organización Mundial de la Salud, “Día Mundial de la Salud Mental”; 10 de octubre 2023.
Xamo noijki mitspaktis
TLEN OKACHI IPATI TLAMACHTIA BIBLIA
¿Tlen iTekiuajkayo toTajtsin Dios?
Jesús otetlapoui itech miak tlamantli, pero okachi otetlapoui itech iTekiuajkayo toTajtsin Dios. Yikipia miak xiuitl tlaltikpaktlakamej kitlajtlantokej ma uiki non Tekiuajkayotl.
¡MA TITLACHIXTOKAN!
¿Tlen techpaleuis amo san ma timotekipachokan?
Xikita tlen techpaleuis amo okachi ma timotekipachokan.
ITECH TEJUAN
Xiktlajtlani ikaj ma mitstlajpaloti
Xikita tlen technankilia Biblia noso xikita ken titlamachtiaj Biblia.
