“Dios [...] kinmixayowajwatsas nochteh, iwa ayakmó yetos mikílistli, nion chokílistli, nion neyolkókoli.” (Apocalipsis 21:3, 4, Itlajtol Totajtsi Dios.)

Tikmatiskej amo itlajtlakol toTajtsin Dios tlajyouilistli tlen onka (Santiago 1:13).

Techyolseuia ijkuak tikmatij tlen kimachilia toTajtsin Dios ijkuak titlajyouiaj (Zacarías 2:8).

Tikneltokaj satepan ayakmo itlaj techtlajyouiltis (Salmo 37:9-11).

Kema, san tikitaskej ome tlamantli tlen kiteititia tleka:

• ToTajtsin Dios kikokolia tlajyouilistli uan tlen amo mochiua ika melajkayotl. ¿Ken omomachiliaya Jehová ijkuak yiuejkika sapanoua okitlajyouiltiayaj ialtepe? Biblia kijtoua omoyolkokouaya ijkuak tlaltikpaktlakamej sapanoua “okintlajyouiltiayaj” (Jueces 2:18).

  ToTajtsin Dios melauak kinkokolia akinmej kintlajyouiltiaj oksekimej. Se neskayotl, Biblia kijtoua toTajtsin Dios sapanoua kikokolia “imauan akin kinokia ieso akin amo itlaj itlajtlakol” (Proverbios 6:16, 17).

• Jehová techmaluia tisejse tejuan. Amo san tlaltikpaktlakamej “kixmatij chauistli tlen kipiaj uan tlen kinyolkokoua”, noijki Jehová kimati tlen kimachiliaj (2 Crónicas 6:29, 30).

  Melauak, ika itekiuajkayo Jehová kitlajtlamis nochi tlajyouilistli tlen tisejse tipanouaj (Mateo 6:9, 10). Maski ijkon, axkan ika miak tlasojtlalistli kinyolseuia nochtin akinmej kitemoaj (Hechos 17:27; 2 Corintios 1:3, 4).