Amo. Tejuan tikmatij ke amo timomakixtiaj porin titanojnotsaj kajkalpan (Efesios 2:8). ¿Keyej?

 Maj tikijtokan ke se takat akin kinpaleuia oksekin kijtoua ke kinmakas se netetayokolil nochin akin yaskej kampa yejua kiixtalis uan keman kijtos. Komo nejin takat nochipa kichiuani tein kijtoua, ¿melauj ke ompa tiyetoskiaj? Uan amo sayoj nejon, ta no tikiniluiskiaj tochankauan uan akin kuali iuan timouikaj maj no yakan. Sayoj ke, amo akin motaniliskia nejon netetayokolil sayoj porin kichiua tein kijtos nejon takat. Ta netetayokolilmej amo se kitani.

 No ijkon, tiitaixpantijkauan Jiova titakuaujtamatij ke Dios kinmakas nemilis nochipaya akin kitakamatiskej (Romanos 6:23). Uan kemej tiknekij maj oksekin no kipiakan nemilis nochipaya, tiktemouaj keniuj tikinnojnotsaskej. Sayoj ke tikmatij ke tikchiuaskej nejon tekit amo techmakixtia (Romanos 1:17; 3:28). Tein melauj, amo ueli tikchiuaj nion teyi uan ijkon timotaniliskej nejon ueyi netetayokolil tein Dios kijtoua ke kitemakas. Biblia kiyekijtoua: “Yejuatsin uala techmakixtiko amo porin tejuan tikchiuke tensa den kuali chiualis. Ta, [...] porin techonyolikneliko” (Tito 3:5).