Itech 19 de mayo de 2022, itech se nechikol tein kipiak Consejo de Seguridad de la ONU kampa mosentilijkej panoua 75 uejueyi chiuanimej, moijtoj ke “maski ipa tasojtiaya takual noyampa taltikpak porin momoyaujtok COVID-19 uan semi tona, moita ke neteuilis tein onkak Ucrania ueliskia kichiuas maj okachi onka mayan noyampa taltikpak”. Tepitsin satepan, amatajkuilol The Economist kitematiltij ke neteuilis kichiujtok maj okachi onka mayan noyampa taltikpak. Biblia ipa kijtojka ke itech totonaluan tasojtiskia takual, sayoj ke no techyolmajxitia keniuj uelis tikixnamikiskej nejin ouijkayot.

•    Jesús kijtojka: “Akin nemij itech seki xolalmej moteuiskej iniuan akin nemij itech okseki xolalmej uan akin nemij itech se altepet iniuan akin nemij itech okse altepet, uan miakkan onkas mayan” (Mateo 24:7, Traducción del Nuevo Mundo).

•    Itech amatajkuilol Apocalipsis ika tajtoua nauin akin youij ininpanko sejse caballo. Se akin youi ipanko caballo kiixnextia neteuilis. Okse tein kitojtokatiuj kiixnextia mayan. Nejin tajkuilol ika tajtoua tonalmej keman semi tasojtiskia takual uan semi patiyoj yeskia. “Nikitak […] okse caballo ten tiltik. Uan ne naken ipan mopantalijtoyaj, […] maaktoya se balanza. Uan no kikayik [...] ten kijtoaya ijkuin: Se kilo de trigo valeros se tonaltaxtauil. Uan eyi kilo de cebada valeros se tonaltaxtauil” (Apocalipsis 6:5, 6).

 Nejin tein Biblia kijtojka ke tasojtiskia takual mochiujtok axkan itech tonalmej tein Biblia kitokaytia “itamian tonalmej” (2 Timoteo 3:1, Traducción del Nuevo Mundo). Komo tikonneki okachi tionmomachtis tein kijtosneki “itamian tonalmej” uan tein kijtosneki nauin akin youij ininpanko sejse caballo, xikonita video Itech 1914 nochi mopatak itech taltikpak uan xikonlero tamachtilis: “¿Toni kiixnextiaj nauin akin youij ipanko caballos?”.

•    Tein Biblia tayolmajxitia uelis techpaleuis maj tikxikokan tataman ouijkayomej, kemej ijkuak semi patiyoua uan tasojti takual. Xikonita seki tayolmajxitilis itech tamachtilis “Cómo vivir con menos”.

•    Biblia no techiluia ke mochiuati tein kualtsin, ke amo uejkaua motayektalis. Kijtoua ke ajsiti tonal keman nikan taltikpak onkas miak takual uan amo akin mayanpanos (Salmo 72:16). Para tikonmatis nochin tein kualtsin tein Biblia kijtoua ke mochiuati uan keyej uelis tikneltokaskej ke melauak, xikonlero tamachtilis: “La esperanza real de un mañana mejor”.