Kemej semi onkak tatasojtilis, xijxiujtika millones momikiliaj porin amo kipiaj tein kikuaskej uan kokolispeuaj. Maski moajsij altepemej tein nochi kipiaj, tel miakej amo kinajsi tein ika moixpanoltiskej. Biblia kijtoua ke tatasojtilis nochipa onkani. (Xikonixtajtolti Juan 12:8.)

Moneki maj se tekiuajyot taixyekana semanauak taltikpak tein nochin kinxejxelouilis tein ika moixpanoltiskej kemej kinamiki uan ijkon tamis tatasojtilis. Nejon tekiuajyot no monekiskia maj kitami neteuilismej, semej taman tein okachi kichiua maj onka tatasojtilis. Yejua nejon tekiuajyot tein Dios motenkaua kiualkuis. (Xikonixtajtolti Daniel 2:44.)

Dios kiixpejpenak iKonetsin, Jesucristo, maj taixyekana itech taltikpak (Salmo 2:4-8). Jesús kinpaleuis akin kipanouaj tatasojtilis uan kitamis teikamauiltilis uan tateuilis. (Xikonixtajtolti Salmo 72:8, 12-14.)

Jesucristo, “Tayekankej tein kiualkui Yolseuilis”, kichiuas maj itech nochi taltikpak onka yolseuilis uan yekyetolis. Ompa, nochin kinyolpaktis kipiaskej ininchan, se kualtsin tekit uan miak takual. (Xikonixtajtolti Isaías 9:6, 7; 65:21-23.)