Itech nechikolmej uan uejueyi nechikolmej ueli tiksenueyichiuaj Jehová iniuan tokniuan. Sayoj ke tosejselti uan iniuan tochankauan no ueli tikueyichiuaj Jehová. Nikan tikitaskej seki taman tein techpaleuis maj tikmatikan toni uelis timomachtiskej toselti uan iniuan tochankauan:

• Maj timomachtikan tein tikitaskej itech nechikol. No uelis timomamachtiskej keniuj timokuikatiskej uan toni titanankiliskej.

• Maj tikixtajtoltikan itech Biblia se taman tein panok. Satepan uelis tikchiuaskej se dibujo tein ika tajtoua tein tikixtajtoltijkej oso tikijkuiloskej tein techmachtij.

• Maj tikixtajtoltikan se netataujtil tein moajsi itech Biblia tein kichiuak se itekitikauj Dios. Maj tiknemilikan keniuj uelis techpaleuis maj okachi kuali timotataujtikan.

• Maj tikitakan se video itech jw.org. Satepan uelis ika titajtoskej iniuan tochankauan oso uelis tikijkuiloskej toni tikuelitakej.

• Maj timomachtikan keniuj titanojnotsaskej, xa ueliskia timomamachtiskej toni tikijtoskej.

• Maj tikitakan toni kichijchiuak Jehová uan maj tiknemilikan toni techmachtia de yejuatsin. Komo tietokej iniuan tochankauan, maj ika titajtokan tein techmachtij. a