Yejua kijtoua: “Kemej nikpia cáncer, nimopajtijtok uan kemansa nimoui. Sayoj ke keman niktataujtia Jiova okachi kuali nimomachilia uan niyektanemilia. Kisentoka nechtajyouiltia kokolis tein nikpia, sayoj ke kemej nimotataujtia, nechpaleuia maj kuali nitanemili. Keman sekin nechtajtaniaj keniuj niyetok, nikiniluia: ‘Niksentoka nimokokoua, sayoj ke niyolpaki’”.

Amo moneki timotataujtiskej hasta maj techpano tein amo kuali. Sekin kipiaj uejueyi kuejmolmej uan sekin amo uejueyi, maski ijkon, tinochin moneki maj techpaleuikan. Sayoj ke, ¿tapaleuia maj se motataujti?

Biblia kijtoua: “Xikauili Jiova motamamal, uan yejuatsin mitspaleuis. Amo keman kikauas maj uetsi akin yolmelauak” (Salmo 55:22). ¡Semi techyolchikaua! ¿Uan keniuj techpaleuia timotataujtiskej? Keman tiktataujtiaj Dios ijkon kemej yejuatsin kiuelita, techpaleuis maj tikixnamikikan kuejmolmej (xikonita taxelol “ Keniuj techpaleuia timotataujtiskej”).