TAMACHTILIS 32
¡ITekiuajyo Dios taixyekantokya!
ITekiuajyo Dios oso iTaixyekanalis Dios peuak taixyekana iluikak itech xiuit 1914. Nejin kinextia ke amo uejkaua tamiti inintaixyekanalis tekiuanij. ¿Keniuj tikmatij? Itech nejin tamachtilis tikonitas tein Biblia achtook kijtojka, tein mochiujtok itech taltikpak uan tein miakej peuak kichiuaj itech xiuit 1914 hasta axkan.
1. ¿Toni kijtojka Biblia ke mochiuaskia?
Itech amatajkuilol Daniel moijtojkaya ke iTekiuajyo Dios, peuaskia taixyekanaskia keman tamiskiaj tonalmej tein moixmatij kemej “chikome xiuit” (Daniel 4:16, 17). Jesús no ika tajtoj nejon tonalmej kemej “tonalme ke Dios kintekauilij ne analtekokayome”, uan no tamachtij ke nejon tonalmej ayamo tamiaj (Lucas 21:24). Kemej tikitaskej, nejon chikome xiuit tankej itech xiuit 1914.
2. ¿Toni mochiujtok itech taltikpak uan toni miakej peuak kichiuaj itech xiuit 1914 hasta axkan?
Imomachtijkauan Jesús kitajtanijkej: “¿Keniuj tikmatiskej ke touan tiyetok uan keman motokijtosya itamilis tein onkak itech taltikpak?” (Mateo 24:3, TNM). Jesús kiniluij ke keman peuaskia tekiuajtiskia iluikak kemej Tekiuaj itech iTekiuajyo Dios, mochiuaskia miak taman. Kijtoj ke onkaskia mayan, neteuilismej uan talolinilis (xikonita Mateo 24:7). Biblia no kijtojka tein miakej kichiuaskiaj itech “itamian tonalmej” tein teouijmakaskia “se kiixnamikis” (2 Timoteo 3:1-5, TNM). Itech xiuit 1914 hasta axkan okachi peuak nesi nejin.
3. ¿Keyej itech taltikpak okachi mochiua tein amo kuali keman iTekiuajyo Dios peuak taixyekana?
Tepitsin satepan ke Jesús mochiuak Tekiuaj itech iTekiuajyo Dios mochiuak se neteuilis ompa iluikak uan yejua moteuij iuan Satanás uan amokuali ejekamej. Satanás tapoloj uan kemej kijtoua Biblia, “kikalantamotke ne amokuali Satanás den eluiyaktsinko, uan no kinkalantamotke nochi ne itekitikaikniuan” (Apocalipsis 12:9, 10, 12). Satanás semi kualantok porin kimati ke amo uejkaua ixpoliuis. Yejua ika, yejua itajtakol maj noyampa onka tajyouilis uan maj okachi mochiua tein amo kuali. Sayoj ke iTekiuajyo Dios kiyektalis nochi nejin.
MAJ OKACHI TIMOMACHTIKAN
Maj tikitakan tein kinextia ke iTekiuajyo Dios peuak taixyekana itech xiuit 1914 uan keniuj uelis tiknextiskej ke tikneltokaj nejin.
4. Tein achto moijtojka ke mochiuaskia ajsi itech xiuit 1914
Dios kichiuak maj Nabucodonosor, akin tekiuajtia Babilonia, kikochitani seki taman tein mochiuaskia. Nejin takochitalis uan tein Dios kimatiltij Daniel ke kijtosneki, kinextia ke ika tajtojtoya itaixyekanalis Nabucodonosor uan iTekiuajyo Dios (xikitakan Daniel 4:17). a
Xikitakan Daniel 4:20-26 uan xikitakan taixkopimej kampa kimelaua tamachtilis para nankinankiliskej nejin netajtanilmej:
-
A) ¿Toni kikochitak Nabucodonosor? (Xikitakan versículos 20 uan 21).
-
B) ¿Toni kipanoskia kouit? (Xikitakan versículo 23).
-
C) ¿Toni mochiuaskia keman tamiskia “chikome xiuit”? (Xikitakan versículo 26).
Kouit tein nesik itech takochitalis uan iTekiuajyo Dios
TEIN ACHTO MOIJTOJKA KE MOCHIUASKIA (Daniel 4:20-36)
Taixyekanalis
A) Se kouit uejkapantik
Motsakuilij taixyekanalis
B) “Xiktekikan kouit” uan xikauakan maj pano “chikome xiuit”
Taixyekanalis oksepa kisentoka
C) “Tekiuajyot oksepa yeski moaxka”
Tein yekinika mochiuak tein moijtojka:
-
D) ¿Akoni kiixnextia kouit? (Xikitakan versículo 22).
-
E) ¿Kemanian amo taixyekanakok? (Xikitakan Daniel 4:29-33).
-
F) ¿Toni kipanok Nabucodonosor keman panok “chikome xiuit”? (Xikitakan Daniel 4:34-36).
TEIN YEKINIKA MOCHIUAK TEIN MOIJTOJKA
Taixyekanalis
D) Nabucodonosor akin tekiuajtia Babilonia
Motsakuilij taixyekanalis
E) Keman panok xiuit 606 a.i.t., b Nabucodonosor kuatapoloua uan amo ueliok tekiuajti itech chikome xiujmej
Taixyekanalis oksepa kisentoka
F) Nabucodonosor oksepa kuatamati uan oksepa peua tekiuajti
Tein ojpatika mochiuak tein moijtojka:
-
G) ¿Akonimej kinixnextia kouit? (Xikitakan 1 Crónicas 29:23).
-
H) ¿Kemanian amo tekiuajtikejok? ¿Keniuj tikmatij ke amo tekiuajtitoyaj keman Jesús yetoya nikan taltikpak? (Xikitakan Lucas 21:24).
-
I) ¿Kani uan kemanian peuak oksepa taixyekana nejin tekiuajyot?
TEIN OJPATIKA MOCHIUAK TEIN MOIJTOJKA
Taixyekanalis
G) Tekiuanij israelitas akin kiixnextiaj iTekiuajyo Dios
Motsakuilij taixyekanalis
H) Ixpoliui Jerusalén, tekiuanij israelitas amo tekiuajtiskiajok itech 2,520 xiujmej
Taixyekanalis oksepa kisentoka
I) Ompa iluikak Jesús peua taixyekana kemej Tekiuaj itech iTekiuajyo Dios
¿Kanachi uejkaua chikome xiuit?
Seki taxelolmej itech Biblia techmatiltiaj tein okseki taxelolmej kijtosnekij. Kemej itech Apocalipsis kijtoua ke eyi xiuit uan tajko kijtosneki 1,260 tonalmej (Apocalipsis 12:6, 14). Moneki okse eyi xiuit uan tajko para ajsis chikome xiuit uan ijkon kisa 2,520 tonalmej. Kemansa itech Biblia se tonal kijtosneki se xiuit (Ezequiel 4:6). Yejua nejin mochiuak keman ika motajtoua chikome xiuit itech amatajkuilol Daniel, yejua ika kijtosneki 2,520 xiujmej.
5. Itech 1914 nochi mopatak itech taltikpak
Jesús kijtoj keniuj yeskia taltikpak keman peuaskia tekiuajtiskia. Xikitakan Lucas 21:9-11 uan ika xitajtokan nejin:
-
Nejin tein achtook moijtoj, ¿toni tikonitani oso tikonkakini ke mochiujtokya?
Tatitanil Pablo kijtoj keniuj yeskiaj miakej keman tantiaskiaya inintaixyekanalis akin nemij itech taltikpak. Xikitakan 2 Timoteo 3:1-5 uan ika xitajtokan nejin:
-
Kemej kijtoua nejin texto, ¿toni tikonita ke mochiujtokya?
6. Xikonnexti ke tikonneltoka ke iTekiuajyo Dios taixyekantokya
Xikitakan Mateo 24:3, 14 uan ika xitajtokan nejin:
-
¿Katiyejua tekit tein semi moneki kinextia ke iTekiuajyo Dios taixyekantokya?
-
¿Keniuj uelis tiontapaleuis itech nejin tekit?
ITekiuajyo Dios taixyekantokya uan amo uejkaua taixyekanas itech nochi taltikpak. Xikitakan Hebreos 10:24, 25 uan ika xitajtokan nejin:
-
¿Toni moneki tikchiuaskej tinochin “porin motokia nejon tonal”?
Komo tikonmatiskia se taman tein ueliskia kinpaleuis oksekin uan kinmakixtis, ¿toni tikonchiuaskia?
TEIN SEKIN UELIS MITSONTAJTANISKEJ: “¿Keyej itaixpantijkauan Jiova semi ika tajtouaj xiuit 1914?”.
-
¿Toni tikonijtoskia?
TEIN TIKITAKEJ
Tein Biblia kijtojka ke mochiuaskia uan tein noyampa mochiujtok kinextia ke iTekiuajyo Dios taixyekantokya, uan tiknextiaj ke tikneltokaj keman ika titanojnotsaj uan timonechikouaj.
Maj tikelnamikikan
-
¿Toni mochiuak keman tamik chikome xiuit kemej moijtoua itech Daniel?
-
¿Keyej tikonneltoka ke iTekiuajyo Dios peuak taixyekana itech xiuit 1914?
-
¿Keniuj uelis tikonnextis ke tikonneltoka ke iTekiuajyo Dios taixyekantokya?
NO XIKONITA NEJIN
Xikonita tein miakej motelmachtianij kijtouaj keniuj itech xiuit 1914 hasta axkan nochi mopatak.
“La era en que los valores decayeron radicalmente” (¡Despertad!, abril de 2007)
Xikonita keniuj tein moijtojka ke mochiuaskia itech Mateo 24:14 kipatak inemilis se takat.
“Béisbol okachi tayekantoya itech nonemilis” (Tanejmachtijkej, tapoual 3 xiuit 2017)
¿Keniuj tikmatij ke tein moijtojka itech Daniel capítulo 4 ika motajtoua iTekiuajyo Dios?
¿Toni kinextia ke “chikome xiuit” tein ika motajtoua itech Daniel capítulo 4 tamik itech xiuit 1914?
a Itech taxelol “No xikonita nejin” xikonita ome tamachtilis tein ika tami.
b A.i.t. kijtosneki achto itech totonaluan oso achto ke ualaskia Cristo. Uan i.t. kijtosneki itech totonaluan oso satepan ke ualajka Cristo.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
