1. Jiova yejua noTajpixkauj,

nochipa niktojtokas.

Kimati tein nikyolnejneki

uan no tein nechpoloua.

Kampa onkak at nechuika

uan nechmatampauia.

Uan ika ueyi netasojtalis

kuali nechojtokaltia.

Ika ueyi netasojtalis

kuali nechojtokaltia.

2. Moojuan semi melaujkej,

senkis nechyolseuiaj.

Porin tiktasojta motokay

kuali tinechyekana.

Maski youak nimoajsis,

tejua tinechyekpias.

Uan mouan amo teyi nechmoujtis

porin nouan tiyetok.

Mouan amo teyi nechmoujtis

porin nouan tiyetok.

 3. Jiova Dios tinechtasojta;

tinechmatampauia.

Tinechmaka tein nechpoloua

uan tinechyolseuia.

Mouan nitakuaujtamati,

senkis nimitstasojta.

Uan nochipa nimitstekitilis

noTekiuaj uan noDios.

Nochipa nimitstekitilis

noTekiuaj uan noDios.