Se keskij tekitinij kitlaliaj piso kampa kinkualchijchiuasej nopa máquinas.

Se keskij tekitinij katli amo Jehová itlajtoltemakauaj kiixtsakuaj se kali kampa onkas oficinas uan se comedor tlen kitekiuisej kema kichijchiuasej nopa kali Betel.

Ika se ueyi máquina kitekij se keski kuatinij. Nopa máquina kiteki nopa kuauitl tlen kitlapejpeniaj uan teipa ika nopa máquina kiuikaj kampa moneki. Kema nechka kitlamiltisej nopa tekitl nojkia kitokaj sekinok kuatinij.

Se keskij tekitinij tlaijkueniaj. Teipa kiyektlaliaj nopa tlali uan sampa kitekiuiaj.

Ika se grúa, kitlananasej se keski casetas uan kitlalisej kampa moneki eltos. Ipan nopa casetas onkas oficinas uan kampa tlaajokuisej katli tekitij ipan construcción uan nojkia katli ualtekitikij.

Se keskij tekitinij kipejpenaj tlasoli uan kiiyokatlaliaj. Nopa Comité del Proyecto de Construcción mosentlalik kitekiuis se 95% tlen nopa tlamantli tlen mokajtok, kiampa amo kitepeuasej kampa tlasoltepeuaj, uan kej nopa kichijtokej. Nojkia, se 89% tlen motekiuijtok, kej ladrillos, cemento uan uapali, sampa kitekiuiaj.

Se tekitiketl kitlaltemilia nopa tubos kampa panos nochi tlen motekiuis ipan nopa kali kampa mokauasej se keskij tekitinij.

Se tekitiketl kitlachilia nopa tlali uan kiita tlaj kena kualtias kitekiuisej ipan nopa ojtli tlen kichiuasej ipan Betel.

Ipan mayo 31, xiuitl 2016, Katli kinyakanaj Jehová itlajtoltemakauaj kiijtojkej ma kichiuakaj nopa kali Betel, kiampa kej nesi ipan nopa tlaixkopinkayotl. Tekichiuanij nojkia kiijtojkej amo kenijki tlaj kiampa kichijchiuaskiaj nopa kali, uajka kiampa mochijchiuas.

Se keskij tekitinij kiyektlaliaj nopa tlali tlen kikixtijkej, uan teipa uelis sampa kitekiuisej. Kiampa amo motekiuia miak tomij pampa amo monekis kikouasej tlali.

Se keskij tekitinij tekitij kampa eltos nopa ojtli kampa nochi asisej. Maske ipan se metstli tlauel tlaauetstok uan tlauel tlasokititla, nochipa tekitij.

Ika se carro atsejtselouaj ojtipa, kiampa amo onkas miak tlaltejpoktli. Nopa Plan de Constructores Considerados tlanauatia amo ma tlatepejto kampa kalchiuanij tekitij. Nopa Comité del Proyecto de Construcción moamaijkuilok ipan nopa organización. Tlen nopa organización tlanauatia, eli sanse ika tlen Biblia kiijtoua pampa tlapaleuia nochi kuali ma tiitstokaj.

Se tekitiketl kitejteki nopa varillas tlen ika kitlatskiltisej nopa tubos kampa panos ajakatl.

Tekitinij kitsejtselouaj 20,000 metros cúbicos tlen tlali. Nopa tlali maneltik ika tetl. Kej nesi ipan nopa tlaixkopinkayotl, nopa tlali kitemaj ipan se ueyi tepostli tlen eli kej se embudo, uan ika se tepostli tlen kokoyokatok kikixtiliaj nopa uejueyi tetl uan san kikaua tlali. Nopa tepostli kipia eyi cintas tlen kitemaj ipan camiones nochi tlen kistia.

Sekinok tekitinij tlaltemaj kampa moneki, kiampa nochi eltos kej nesi ipan planos.

Tlajtlajko nesi itstokej se keskij tekitinij katli kikualtlaliaj nopa tlali, kiampa uelis kipeualtisej nopa tekitl. Achi tlaika nesi nopa kaltinij kampa mokauasej 118 tekitinij.