Miakej maseualmej kiijtouaj nopa kuamapeli o cruz kinixnextia religiones tlen tlaneltokaj ipan Cristo. Uan maske Jehová itlajtoltemakauaj nojkia Cristo itokilijkauaj, amo kitekiuiaj kuamapeli yon kiueyichiuaj. ¿Kenke?

 Pampa Biblia kiijtoua Jesús amo mijki ipan se kuamapeli, kiijtoua mijki ipan se kuauitl xitlauak. Nochi Biblia kintlajtolmaka Cristo itokilijkauaj: “Xijtlalkauikaj kampa tlakamej kinueyimatij toteotsitsij uan tlaixkopinkayomej”. Uan tlaj tijtekiuisej kuamapeli kema titlaueyichiuasej kiijtosneki kejuak tijueyichiuaj (1 Corintios 10:14; 1 Juan 5:​21).

 Jesús kiijtok kenijkatsa kinixmatiskiaj katli nelnelia Cristo itokilijkauaj: “Nochi tlakamej kimachilisej para nelia innomomachtijkauaj intla nelia inmoiknelisej” (Juan 13:34, 35). Yeka Cristo itokilijkauaj kinixmatij pampa nelnelia moikneliaj uan amo pampa kitekiuiaj se kuamapeli o se tlaixkopinkayotl.