Jesús kimachilia tlen tijyolmatij kema techchiuiliaj tlen amo kuali pampa ya nojkia kiampa kipanok. Kiistlakauijkej, kimakilijkej, kitlajtolsenkajkej, kitlatsakuiltijkej uan kema kimiktijkej tlauel kitlaijiyouiltijkej. Maske amo tleno kichijtoya, ya kinejki motemaktilis, “temakas inemilis uan kiampa tlaxtlauas para kinmakixtis miakej maseualmej” (Mateo 20:28; Juan 15:13). Ipan ni tonali Jesús eli Tlanauatijketl tlen iTlanauatijkayo Dios. Nechka kintsontlamiltis katli techiuiliaj tlen amo kuali uan kiampa mochiuas san tlen xitlauak ipan nochi Tlaltipaktli (Isaías 42:3).

 Biblia kiijtoua kenijkatsa tiitstosej kema Jesús kintsontlamiltis katli techiuiliaj tlen amo kuali:

•    “Ayok [...] itstosej axkuajkualmej, teipa yonke titlachias kampa itstoyaj, axkema sampa tikinpantis. Pero tlakamej tlen moiknonekij iixpa Toteko itstosej ipan nopa kuali tlali uan tlauel pakisej, pampa yajaya kinteochiuas hasta mokauas” (Salmo 37:10, 11).

 ¿Kenijkatsa uelis tijnextisej tijpatiitaj nochi tlen Jesús kichijtok uan tlen teipa techmakas? Ipan Lucas 22:19 Jesús kiniljuik itokilijkauaj ma kiilnamikikaj imikilis. Yeka, sejse xiuitl, Jehová itlajtoltemakauaj mosentiliaj uan kiilnamikij Cristo imikilis. Timitstlaneuij nojkia ximosentili touaya ipan domingo 24, marzo 2024.

Xijtemo kanke uelis tikilnamikis Cristo imikilis