Ta uelis tijtlapejpenis kenijkatsa tijneki tiitstos teipa
Kipia se 3,500 xiuitl, toTeotsij Jehová kiniljuik itekipanojkauaj tlake monekiyaya kichiuasej tlaj kinekiyayaj kuali itstosej teipa: “Nijtlalijtok inmoixtla yolistli uan mikistli, uan tlateochiualistli uan tlatelchiualistli para xijtlapejpenikaj. Uajka xijtlapejpenikaj yolistli para inmojuantij uan inmoixuiuaj nelnelia initstosej” (Deuteronomio 30:19).
Tlaj kinekiyayaj kuali itstosej teipa, monekiyaya kitlapejpenisej tlen kinpaleuiskia. Tojuantij nojkia moneki kiampa tijchiuasej. Biblia kiijtoua tlake uelis tijchiuasej uan kiampa kuali tiitstosej teipa: “Xikiknelikaj [Jehová] inmoTeko Dios uan xijneltokilikaj” (Deuteronomio 30:20).
¿KENIJKATSA UELIS TIKIKNELIS JEHOVÁ UAN TIJTLAKAKILIS?
XIMOMACHTI TLEN BIBLIA KIIJTOUA. Tlaj tijneki tikiknelis toTeotsij Jehová, achtoui moneki tikitas tlake kiijtoua Biblia tlen ya. Kema kiampa tijchiuas, tikitas ya tlauel teiknelia uan kineki kuali xiitsto. Nojkia kineki xikiljui tlen tijyolmati, pampa tlauel kitekipachoua tlen mitspano (1 Pedro 5:7). Tlaj tijchiuas kampeka tikixmatis, Biblia kiijtoua ya mitsnechkauis (Santiago 4:8).
XIJCHIUA IPAN MONEMILIS TLEN TIJYEKOUA. Tlaj tijneki tijtlakakilis toTeotsij, moneki tijkauas ma mitsyakana tlen Biblia tlamachtia. Tlaj kiampa tijchiuas, tikitas kenijkatsa moaxitia tlen kiijtoua Josué 1:8: “Kuali kisas nochi tlen tijchiuas uan tijnextis titlalnamiki”.
^ párr. 7 Eltok ipan sekinok tlajtoli, kej inglés, chino mandarín uan cantonés.
Tlen nojkia mitspaktis tikitas
TLEN TEMATILTIA
Ta tijtlapejpenis tlake panos ipan monemilis
Miakej moiljuiaj ya eltojka tlake kinpanos ipan ininnemilis. ¿Nelia tlen moiljuiaj?
