6ǁÎ ǁKHĀǁKHĀǃÂS
Tae-i ǃâubasensan ǁōhâna ūhâ
1. Mâ ǃgâiǂhôasa hâ ǁōhân ǃaroma?
Jesub ge Betanis ai sī-o Jerusalems xōǀkhā ǂnôa ǃās tawa, ob ge ǁîb ǀhōb Lasaruba haka tsēte ge ǁō hâ-i. Jesub ge Lasarub ge ǁkhōhe ǃkhais ǃoa ǃgâsara Martas tsî Marias tsîn ǀkha ge sī. ǃHae ǁaeb ǃnân ge ǂgui khoena ǁnapa ge ǀhao. Martas tsî Maria hâra gere ǃgâiaǂgao ǀgaus xa ǂâi re, Lasarub ge ǁkhapa ûi kaihe o?—Khomai re Johaneb 11:21-24, 38-44.
Martas ge ǀnai khâis ǃgâiǂhôas xa ge ǂan i. ǁÎs ge ge ǂan i ǁōhân ǁkhapa ǃhūbaib ain nî ûise khâisa nî hōsa.—Khomai re Job 14:14, 15.
2. ǁŌhâna mâ mâsib ǃnâ hâ?
Elob ge Adama ge mîba: “Tsarats gom satsa o tsîts gom ǁkhapa nî ra tsara kai o.”—GENESIS 3:19.
Khoen ge tsaraba xu kuruhe hâ. (Genesis 2:7; 3:19) Sida ge gāgā tama hîa soros ǃnâ ra hâ da. Sida ge ǁgansi kurusabe, ǁō da ga o i ge xū-e ûiǃkharu tama. ǁŌ da ga o, os ge sida ǂkhûs tsîna ra ǁō, sida ǂâidi ge ra kā. ǁNās ge ra ǁgau mati i i ob ge Lasaruba ǁōb ge hâ-i o gere ī xūn xa ǃhoa tama hâ-i sa xū-i tsînab ge ǂan tama hâ-i amaga.—Khomai re Aoǁnâ-aob 12:7; Aoǁnâ-aob 9:5, 6, 10.
Eloba khoena ǀaes ǀkha ǁkhara i ra ǁōn gas khaoǃgâ? Elobmîs ge ra ǁgau ǁōhan xū-e ǂan tama hâ ǃkhaisa tsî ǀamoǀaeb ǁkhāǁkhās ama tama ǁkhāǁkhāsa Eloba ra ǀuriǀurisa. ǁNā ǂâis ǀguisa khoena ǀaes ǀkha ǁkharas tis ge ǁîba a uiuixaba.—Khomai re Jeremiab 7:31.
Vidioba kō re ǁŌ hân di mâsiba a tae?
3. ǁŌhâna sida ǀkha ǃhoa ǁkhā i a?
ǁŌhân ge ǃhoa tamas ka io ǁnâu ǁoa. (Psalmti 115:17) Xawe ǀnî eloxoresa ǀhomǃgāgu ge ǁōhâ khoen khama dīsen tsî khoen ǀkha ra ǃhoa. (2 Petrub 2:4) Jehovab ge mā-am tama hâ ǁōhân ai da nî ǀawe ôasa.—Khomai re Deuteronomium 18:10, 11.
4. Ham na ǁkhapa nî ûi?
ǂGui miliundi khoen hîna ǀhobadi ǃnâ ǁgoen ge ǁkhapa nî ûi nē ǃhūbaib ai. ǁNān hîna ge Eloba ǂan tama hâ in tsî tsū xūna gere dīn tsîn ge khâisa nî māhe.—Khomai re Lukab 23:43; Ap. ǃNaeǃkhaidi 24:15.
Khâisa nî hōn ge amaba nî ǁkhāǁkhāsen Elob xa tsî Jesub ǃnâ nî ǂgom, ǁîba ǁnâuǀnams ǃnâ-ū. (ǂHaiǂhais 20:11-13) ǁNān hîna khâisa nî hōn tsî ǃgâi xūna nî dīn ge ǀamose ǃhūbaib ai nî ûi.—Khomai re Johaneb 5:28, 29.
5. Khâisa tae-e Jehovab xa ra ǁkhāǁkhā da?
Jehovab ge khâis di ǃâubasensa ge īǁkhā kai ǁîb ǀgôabab ge sîba da o ib sida ǁōba. ǁNās ǃnâ-ūs ge khâisa Jehovab di ǃoaǂui tama da hâ ǀkhomxaǃnâsiba ra ǁgau da. ǁŌhân ga ǁkhapa ûi o, ham ets ta ǁkhore mûsa?—Khomai re Johaneb 3:16; Romeǁîn 6:23.
