ǂGui ǂhanugu ge mā-am tama hâ, în khoena ǂguise ǀhao. Jehovab ǃoaba-aon ase da ge ge mîǁgui khoesi ǂhanuga ǁnâuǀnamsa. ǁNās ǀkha da ge Zooms ǃnâ-ū ǀhaode ra dī.

 Xawe hoaǁae sida ǀhaode Zooms ǃnâ-ū ūhâs ǃgaos ge ǂGaeǂguira sorosa ge mā-am. Î da ao da ra marin ǀkha Zoomsa matare. ǁNās ǀkha gu ge ǂgui ǀhaohâga ra huihe i gu, N$200 sa mâ ǁkhâb hoaba Zoomsa matare. Matare tama se ra sîsen-ūhe Zooms ge 40 haigu khaoǃgâ ra ǀarisen. Xawe Jehovab ǀapeǂhumis xa ra matarehe Zooms ge ra īǁkhā kai în ǂgui ǃgôab khoena ǀgui ǁaeb ai ǀhao. Tsî ǀhaode hâǃnâ ǁkhā. Nētsē da ge a mî ǁkhā, 65 000 ǀhaohâgu hîna 170 ǃhūgu ǃnâ hâgu ge Zooms hîna ǀapeǂhumis xa ra matarehe sa ra sîsen-ū.

 Kairagi ǀhaohâb hîna Manado, North Sulawesi, Indonesiab ǃnâ hâb ge matare-e tama hâ, ǀhaode Zooms ǀkha ge ǃkhōǃkhuni. ǃGâsab Hadi Santosob ge ra mî: “ǃGâsan hîna internets ai ra sîsenū-e xūna a ǀūn. Tsîn ge nē ǀgauba xu kaise ǃgâiba ra hō. ǀGui ǃnās ǀguisan ǂganamsensa ra dī amaga.”

 Lester Jijón, Jr, Guayacanes Oeste ǀHaohâb Guayaquil, Ecuadori ǃnâ hâb di ǀhaohâb ǃûi-aob ge ra mî: “ǀNî ǃhūgu marisi ǃnubusiga ra hōǃâ amaga i ge ǀhaohâga aitsama Zooms ai ǃâ-e ge ǁama ǁoa i. ǂGui khoen Zoomsa ra sîsen-ū amaga da ge ǀnî khoen tsîna a ǁkhau ǁkhā, în Zoomsa matere tamase sîsen-ū.”

 Johnson Mwanzab, Ngwerere North ǀHaohâb ǃûi-aob Lusaka, Zambiab ǃnâ hâb ge ra xoa: “ǂGui ǃgâsan ge ǃnākorobe ra mî, ‘nē aiǂhanub Zooms dib ge sida ǃgâsan ǃoa ǀgui ǀgū kai da tama hâ. Xawe Jehovab matikōse a ǀnam da tsî ǁae ū da hâs tsîna ra ǁgau da.’”

 Nē Zooms ǂhawegu ge ǀapeǂhumis di tsūkeǃgâ ǃnans ǃgao sâu-e hâ marin ǀkha ge ǁama-e. Nē maridi ge māsenxa mādi hîna ǃhūbaib ǂhawase ra dīhe sîsenni ǃgao ra māhe de xu ūhe hâ. ǃNāsase i ge nē māde donate.isa4310.com’s ǃnâ-ū ra dīhe. Kai aios sadu di māsenxa mādi ǃaroma, hîna ǂgui ǀgaugu ǃnâ sida ǃgâsana ǃhūbaib ǂhawase ra huide.—2 Korinteǁîn 8:14.