ကမ္ဘာတစ်ဝန်းကလူတွေဟာ ကျမ်းစာကို အလွန်လေးမြတ်တန်ဖိုးထားကြတယ်။ ဒါပေမဲ့ ကျမ်းစာထဲကအကြောင်းတွေကို မသိကြတာများတယ်။ အာရှတိုက်က သန်းနဲ့ချီတဲ့လူတွေ ကျမ်းစာအကြောင်းမသိသလို ကျမ်းစာကို ကျယ်ကျယ်ပြန့်ပြန့် ထုတ်ဝေနေတဲ့ နိုင်ငံတွေက လူတွေလည်း အတူတူပါပဲ။

ဒါပေမဲ့ သင် အခုလို မေးနိုင်တယ်– “ကျမ်းစာကို ငါ ဘာကြောင့် စိတ်ဝင်စားရမှာလဲ။” ကျမ်းစာသွန်သင်ချက်တွေကို နားလည်ရင် အောက်ပါကိစ္စတွေမှာ အကူအညီရနိုင်တယ်–

• ကျေနပ်ရောင့်ရဲမှုနဲ့ ပျော်ရွှင်မှုရှာတဲ့အခါ

• မိသားစုပြဿနာတွေကို ဖြေရှင်းတဲ့အခါ

• စိုးရိမ်ပူပန်မှုတွေကို ဖြေရှင်းတဲ့အခါ

• လူမှုဆက်ဆံရေး ကောင်းမွန်လာအောင်ကြိုးစားတဲ့အခါ

• ငွေကြေးကို စနစ်တကျ စီမံခန့်ခွဲတဲ့အခါ

ဥပမာ၊ ဂျပန်နိုင်ငံသူ ယိုရှိကိုအကြောင်း ကြည့်ရအောင်။ သမ္မာကျမ်းစာထဲမှာ ဘာအကြောင်းတွေ ပါသလဲဆိုပြီးသိချင်တာနဲ့ ကိုယ်တိုင်ဖတ်ကြည့်ဖို့ ဆုံးဖြတ်လိုက်တယ်။ ဒီတော့ သူ ဘာသိသွားသလဲ။ “ဘဝအဓိပ္ပာယ်ရှိဖို့၊ အနာဂတ်မျှော်လင့်ချက်ရှိဖို့ ကျွန်မကို ကျမ်းစာက ကူညီပေးခဲ့တာ။ ရင်ထဲမှာ တစ်ခုခုလိုနေသလို မခံစားရတော့ဘူး” လို့ ပြောပြတယ်။ အစပိုင်းမှာဖော်ပြခဲ့တဲ့ အမစ်ဆိုသူကလည်း ကျမ်းစာကို ဆန်းစစ်ကြည့်ဖို့ ဆုံးဖြတ်လိုက်တယ်။ “ကျမ်းစာထဲမှာ လူတိုင်းအတွက် အသုံးဝင်တဲ့ အချက်တွေပါမှန်းသိလာတော့ ကျွန်တော်ဖြင့် အံ့သြသွားလိုက်တာ” ဆိုပြီး ပြောပြတယ်။

ကျမ်းစာက လူသန်းပေါင်းများစွာရဲ့အသက်တာကို အများကြီးပြောင်းလဲပေးခဲ့ပြီ။ ကျမ်းစာဟာ သင့်အတွက် ဘယ်လို အကျိုးရှိနိုင်မလဲဆိုတာ ဆန်းစစ်ကြည့်ပါ။