Il-Mibegħda Se Tispiċċa Darba għal Dejjem!
Anki jekk nieqfu nobogħdu lil oħrajn, ma nistgħux inwaqqfu lin-nies taʼ madwarna milli juru mibegħda. Xorta se jibqaʼ jkun hemm nies li jobogħdu lil nies oħra għal xejn. Allura n-nies kif jistgħu jieqfu jobogħdu lil oħrajn?
Alla Ġeħova biss jistaʼ jwaqqaf lin-nies milli juru mibegħda lejn xulxin. Il-Bibbja twiegħed li hekk se jagħmel.—Proverbji 20:22.
ALLA SE JNEĦĦI DAK LI JĠIB IL-MIBEGĦDA
-
1. SATANA X-XITAN. Satana, l-anġlu li ħadha kontra Ġeħova, ġab il-mibegħda kollha li naraw illum. Alla se jeqred lil Satana u lil dawk kollha li bħalu jobogħdu lil oħrajn.—Salm 37:38; Rumani 16:20.
-
2. ID-DINJA ĦAŻINA TAʼ SATANA. Alla se jneħħi kull ħaġa li tinkuraġġixxi l-mibegħda, inkluż politikanti korrotti u mexxejja reliġjużi li jinkuraġġixxu lin-nies tagħhom biex jobogħdu lil oħrajn. Alla se jneħħi negozji li huma egoisti, korrotti, u li jieħdu vantaġġ min-nies. —2 Pietru 3:13.
-
3. L-IMPERFEZZJONI TAN-NIES. Il-Bibbja tispjega li kulħadd għandu t-tendenza li jaħseb, iħoss, u jagħmel dak li hu ħażin. (Rumani 5:12) Fil-fatt, ħafna nies jobogħdu lil oħrajn u ma jżommux lura milli juruhom dan. Alla se jgħin lin-nies biex ma jibqgħux jobogħdu lil oħrajn. —Isaija 54:13.
IL-BIBBJA TWIEGĦED LI L-MIBEGĦDA SE TISPIĊĊA
-
1. MHUX SE JKUN HAWN INĠUSTIZZJA. Is-Saltna t’Alla se tmexxi fuq l-art. Dan se tagħmlu mis-sema u se ġġib il-ġustizzja għal dejjem. (Danjel 2:44) Mhux se jkun hemm diskriminazzjoni. Alla se jneħħi l-inġustizzji kollha li hawn.—Luqa 18:7.
-
2. KULĦADD SE JGĦIX FIL-PAĊI. Ħadd mhu se jbati minħabba l-vjolenza jew il-gwerer. (Salm 46:9) Ħadd mhu se jkollu għalfejn jibżaʼ għax fid-dinja se jkun hawn biss nies li jħobbu l-paċi.—Salm 72:7.
-
3. KULĦADD SE JGĦIX GĦAL DEJJEM F’DINJA PERFETTA. Kulħadd se jħobb lil xulxin. (Mattew 22:39) Ħadd mhu se jbati jew jiftakar f’affarijiet koroh. (Isaija 65:17) Dakinhar il-mibegħda se tkun tneħħiet darba għal dejjem u n-nies se jgawdu l-paċi li se jkun hawn.—Salm 37:11.
Int tixtieq tgħix ħajja bħal din? Minn issa stess, ħafna nies qed jitgħallmu mill-Bibbja kif għandhom juru mħabba lejn ħaddieħor. (Salm 37:8) Hekk qed jagħmlu miljuni taʼ Xhieda taʼ Ġeħova mad-dinja kollha. Avolja għandhom kultura u trobbija differenti, huma magħqudin u jħobbu lil xulxin.—Isaija 2:2-4.
Ix-Xhieda taʼ Ġeħova jieħdu pjaċir jgħidulek kif tgħallmu jissaportu l-inġustizzja u d-diskriminazzjoni. Dan se jgħinek biex tibda turi l-imħabba minflok il-mibegħda. Int se titgħallem tħobb anki lil dawk li ma jurux apprezzament jew li jobogħdu lil oħrajn. B’hekk, int se ssir iktar ferħan issa u l-ħbiberiji li għandek se jmorru għall-aħjar. Iżjed minn hekk, int se titgħallem kif tistaʼ tgħix għal dejjem f’dinja mingħajr mibegħda taħt is-Saltna t’Alla.—Salm 37:29.
Tistaʼ Tara Wkoll
IT-TORRI TAL-GĦASSA
X’Se Twettaq is-Saltna t’Alla?
Ġesù kien jaf li s-Saltna t’Alla hi l-uniku gvern li jistaʼ jirranġa l-problemi fuq l-art. Din is-Saltna x’wettqet diġà biex issaħħilna l-fidi?
IKTAR SUĠĠETTI
Qatt Se Jkun Hawn Ġustizzja fid-Dinja?
Il-Bibbja turi li Alla biss jistaʼ jġib ġustizzja vera. Hu jqis lil kulħadd l-istess.
STENBAĦ!
Il-Preġudizzju—Fejqan għal Dejjem
Is-Saltna t’Alla liema erbaʼ affarijiet se tagħmel biex tfejjaq il-preġudizzju?
