KIF TISTAʼ TWAQQAF IĊ-ĊIKLU TAL-MIBEGĦDA
4 | Irbaħ il-Mibegħda bl-Għajnuna t’Alla
X’Tgħallem il-Bibbja:
“Il-frott taʼ l-ispirtu hu l-imħabba, il-ferħ, il-paċi, is-sabar fit-tul, il-qalb tajba, it-tjubija, il-fidi, il-ħlewwa, ir-rażna.”—GALATIN 5:22, 23.
Xi Jfisser:
Bl-għajnuna t’Alla nistgħu ma nibqgħux nobogħdu. L-ispirtu qaddis jistaʼ jgħinna jkollna kwalitajiet li qatt ma jistaʼ jkollna waħedna. Minflok ma nipprovaw negħlbu l-mibegħda bis-saħħa tagħna, tajjeb li nfittxu l-għajnuna t’Alla. Jekk nagħmlu hekk se nħossuna kif ħassu l-appostlu Pawlu, li kiteb: “Għal kollox għandi s-saħħa permezz taʼ dak li jagħtini l-qawwa.” (Filippin 4:13) Imbagħad inkunu nistgħu ngħidu: “L-għajnuna tiegħi ġejja mingħand Ġeħova.”—Salm 121:2.
X’Tistaʼ Tagħmel:
“Minn raġel vjolenti Ġeħova biddilni f’wieħed li nżomm il-paċi.”—WALDO
Itlob lil Ġeħova għall-ispirtu qaddis. (Luqa 11:13) Itolbu biex jgħinek ikollok kwalitajiet tajbin. Studja dak li tgħid il-Bibbja dwar kwalitajiet li jgħinuk tegħleb il-mibegħda, bħall-imħabba, il-paċi, il-paċenzja, u r-rażna. Fittex modi kif tistaʼ turi dawn il-kwalitajiet f’ħajtek. U qattaʼ ħin ma’ nies li huma wkoll juru kwalitajiet bħal dawn. Nies bħal dawn se jgħinuk turi l-imħabba u tagħmel affarijiet tajbin.—Ebrej 10:24.
Tistaʼ Tara Wkoll
MISTOQSIJIET DWAR IL-BIBBJA MWEĠBIN
Il-Bibbja x’tgħid dwar ir-rabja?
Ir-rabja ġieli tkun ġustifikata? X’għandek tagħmel meta tibda tħossok irrabjat?
