Salm 6:1-10
Lid-direttur; għall-istrumenti tal-korda fuq noti baxxi.* Għanja taʼ David.
6 Ġeħova, twiddibnix meta tkun irrabjat,U tikkoreġinix fir-rabja tiegħek.
2 Ġeħova, ħenn għalija għax qed niddgħajjef.
Ġeħova, saħħaħni għax għadmi qed jitriegħed bil-biżaʼ.
3 Jien inħossni* veru mifxul;Kemm se ddum, Ġeħova?
4 Ejja u eħlisni,* Ġeħova;Salvani għax int tħobbni.*
5 Għax il-mejtin ma jsemmukx;*Min jistaʼ jfaħħrek fil-Qabar?*
6 Għejejt tant kemm qed nibki;Is-sodda tiġi għasra bil-biki li nibki l-lejl kollu;Is-saqqu mlejtu bid-dmugħ.
7 Jien għandi stress kbir minħabba t-tbatija li għaddej minnha,Il-vista tiegħi marret lura* minħabba dawk li jittrattawni ħażin.
8 Itilqu ’l hemm, intom li tagħmlu l-ħażen,Għax Ġeħova se jismagħni nibki.
9 Ġeħova se jismagħni meta nitolbu bil-ħniena;Ġeħova se jaċċetta t-talba tiegħi.
10 L-għedewwa kollha tiegħi se jkollhom jistħu u jaqtgħu qalbhom;F’daqqa waħda se jaħarbu umiljati.
Noti taʼ taħt
^ Letteralment “fuq Seminit.” Ara Termini tal-Bibbja Spjegati.
^ Jew “Ruħi hi.”
^ Jew “eħlisli ruħi.”
^ Jew “int turi mħabba leali.” Ara Termini tal-Bibbja Spjegati.
^ Jew “ma jiftakrukx.”
^ Jew “f’Xeol,” jiġifieri l-qabar komuni tan-nies. Ara Termini tal-Bibbja Spjegati.
^ Jew “xjaħet.”
