Salm 141:1-10
Għanja taʼ David.
141 Ġeħova, jien ngħajjatlek għall-għajnuna.
Ejja għinni malajr.
Agħti kasi meta ngħajjatlek għall-għajnuna.
2 Jalla t-talba tiegħi tiġi ppreżentata quddiemek bħall-inċens;Jalla t-talb mill-qalb tiegħi jkun bħall-offerta taċ-ċereali* taʼ filgħaxija.
3 Ġeħova, għinni nikkontrolla kliemi;Għinni noqgħod attent għal dak li ngħid.
4 Tħallinix inkun nixtieq nagħmel dak li hu ħażin,U nieħu sehem f’affarijiet li jagħmlu n-nies mill-agħar;Jalla qatt ma niekol mill-aqwa ikel tagħhom.
5 Jekk xi ħadd ġust isawwatni, ikun qed jurini mħabba u lealtà;*Jekk jikkoreġini, ikun qisu qed iferraʼ ż-żejt fuq rasi,Li mhux se nirrifjutah.
Jien nibqaʼ nitlob għalih anki meta jkun għaddej minn żmien diffiċli.
6 Għalkemm l-imħallfin tan-nies jiġu mitfugħin mill-irdum,In-nies se jagħtu kas dak li ngħid jien, għax dan hu pjaċevoli.
7 Bħalma xi ħadd li jaħrat iħalli biċċiet tal-ħamrija warajh,Hekk ġie mxerred l-għadam tagħna ħdejn il-Qabar.*
8 Imma jien nistrieħ fuqek, Ġeħova s-Sid taʼ Kollox.*
Lejk dort għall-protezzjoni,Tħallinix immut.*
9 Ipproteġini min-nasba li għamluli,Min-nases tal-ħżiena.
10 Il-ħżiena se jaqgħu kollha fix-xbieki tagħhom stess,Imma jien ngħaddi u ma jiġrili xejn.
Noti taʼ taħt
^ Ċereali huma żrieragħ li jinkludu xgħir (barley) u qamħ.
^ Jew “imħabba leali.” Ara Termini tal-Bibbja Spjegati.
^ Jew “Xeol,” jiġifieri l-qabar komuni tan-nies. Ara Termini tal-Bibbja Spjegati.
^ Jew “Mulej Sovran Ġeħova.”
^ Jew “Tħallix lil ruħi tmut.”
