१८ ऑक्टोबर २०२४
रशिया

“यहोवा मला नक्की प्रतिफळ देईल”

प्ले

क्रासनोडार क्षेत्राच्या विसेलकोवस्की जिल्हा कोर्ट, बहीण वॅसिलिना पेनस्काया यांच्या संदर्भात असलेल्या खटल्याचा लवकरच निकाल देईल. या बहिणीवर काय कारवाई केली जावी याबद्दल विरोधी पक्षाच्या वकीलाने कोर्टाला अजून सांगितलेलं नाही.

थोडक्यात माहिती

वॅसिलिना पेनस्काया

जन्म: १९९७ (विसेलकी)

परिचय: केक बनवायचं काम करते

आईमुळे यहोवाच्या साक्षीदारांची ओळख झाली. वॅसिलिनाला चांगले मित्र निवडण्याबद्दल बायबलमध्ये दिलेला सल्ला आवडला. तिने २०१४ मध्ये बाप्तिस्मा घेतला

२०१८ मध्ये तिचं दिमित्री नावाच्या भावासोबत लग्न झालं

वॅसिलिनाची आई, बहीण येलेना रुम्यानत्सेवा यांच्यावरसुद्धा एका वेगळ्या प्रकरणात खटला सुरू आहे

व्यक्‍तिगत मत

यहोवावर मजबूत विश्‍वास ठेवायला तुम्हाला कशामुळे मदत झाली?

आपला छळ होतो तेव्हा आपल्याला एकटं पडल्यासारखं, निराधार असल्यासारखं आणि हतबल झाल्यासारखं वाटू शकतं. मला माहीत आहे, की मी अशा भावनांचा माझ्यावर परिणाम होऊ दिला तर मी खूप निराश होऊ शकते आणि देवाच्या सेवेतला माझा आवेश कमी होत जाऊ शकतो. पण यहोवाविषयी मी एक गोष्ट वैयक्‍तिकपणे अनुभवली आहे आणि त्यामुळेच मला त्याची सेवा करत राहायचं बळ मिळतं. यहोवा आपण त्याच्या सेवेत जे काही करतो त्याची कदर बाळगणारा देव आहे. खरंतर यहोवा मला काहीच देणं लागत नाही, पण तरीही तो माझ्याकडे लक्ष देतो आणि त्याच्या सेवेत मी करत असलेल्या गोष्टींची कदर करतो. तो माझ्या प्रार्थना ऐकतो आणि त्याच्या वचनातून सांत्वन देऊन माझे अश्रू जणू पुसून टाकतो. जेव्हा मला भीती वाटते तेव्हा तो माझं संरक्षण करतो आणि भाऊबहिणींद्वारे मला जबरदस्त पाठिंबा देतो. तसंच त्याच्या नावासाठी ठाम भूमिका घ्यायची गरज पडते तेव्हा तो मला ताकद देतो. यहोवाच्या बऱ्‍याच सेवकांना छळाचा सामना करावा लागतो; मग ते शाळेत असोत, कामाच्या ठिकाणी असोत किंवा घरात असोत. पण मला खातरी आहे, की यहोवा मला आणि त्याला एकनिष्ठ राहणाऱ्‍यांना नक्की प्रतिफळ देईल.

छळाचा सामना करणाऱ्‍या प्रत्येक सेवकाकडे यहोवाचं लक्ष असतं आणि तो त्यांना ‘त्यांच्या कामाचं प्रतिफळ द्यायचं’ वचन देतो, हे जाणून आपल्याला खरंच खूप सांत्वन मिळतं.—यिर्मया ३१:१६.

घटनाक्रम

१३ फेब्रुवारी २०२२

घराची झडती घेतली
२३ मे २०२३

फौजदारी खटला सुरू झाला. बायबलवर चर्चा केल्याचा आणि यहोवाच्या साक्षीदारांच्या शांतिपूर्ण सभांमध्ये सहभाग घेतल्याचा आरोप त्यांच्यावर लावण्यात आला. त्यांची सर्व बॅंक खाती ब्लॉक करण्यात आली
१८ जुलै २०२३

प्रवास करण्यावर बंदी घालण्यात आली
३१ जानेवारी २०२४

फौजदारी खटला सुरू झाला

बातम्या