A Zeezi sẽn zems zãngã yĩnga, ninsaalbã zu-loeesã wʋsg la a pa paame. Baasgo nebã yell ra pak-a lame, t’a maand a sẽn tõe fãa n sõngd-ba, hal tɩ mi n zʋʋg nebã sẽn da tẽedã. Hakɩɩka, nimbãan-zoeerã n kɩt t’a ra sõngd nebã. Karm-y sebrã sak 32, 37, 57, 99.

Kambã la kãsembã ra miime tɩ b tõe n kolga a Zeezi, bala a ra pa zẽk-m-meng soab bɩ ned sẽn zãagd a meng ne neb a taabã ye. Nebã ra nonga a Zeezi zĩigẽ, bala b ra neeme tɩ b yell pak-a lame. Karm-y sebrã sak 25, 27, 95.

A Zeezi ra nong n pʋʋsda a Ba wã ne a sũur fãa, a ra yaa a ye t’a bee ne wẽn-sakdb a taaba. A ra pʋʋsda bũmb fãa yĩnga, pa rɩɩb sasa bal ye. A ra pʋʋsdame n pẽgd a Ba wã, n pʋʋsd-a bark wall n kot sõngre, a sã n wa rat n maan bũmb sẽn pa yel-bila. Wala makre, ges-y sebrã sak 24, 34, 91, 122, 123.

Wakat ninga, baa a Zeezi sã n yɛ n baood n na n vʋʋse, a sakd n basa yẽ mengã raab n sõng neb a taabã. A ra pa baood a meng nafr bal ye. Woto, a kõo tõnd mak-sõngo. Ges-y sebrã sak 19, 41, 52.

A Zeezi pa zãms nebã bal tɩ sugr kũun yaa tɩlɛ ye. Yẽ mengã ra kõta a karen-biisã la neb a taabã sugri. Karm-y kibay nins sẽn be sak 26, 40, 64, 85, 131.

No-rɛɛsdbã ra pĩnd n togsame tɩ zʋɩf-rãmb wʋsg pa na n sak Mesi wã, la t’a bɛɛbã na n kʋ-a lame. Rẽ ra tõe n kɩtame t’a Zeezi pa sak n sõng nebã ne a sũur fãa ye. La a teela tũudum hakɩɩkã ne a sũur fãa. A kõo sẽn tũud-b yẽ wã mak-sõngo, tɩ bãmb me tõe n tall yẽesem, baa nebã sã n pa kelgd koɛɛgã bɩ n namsd-ba. Ges-y sebrã sak 16, 72, 103.

Bũmb wʋsg pʋgẽ, a Zeezi yɩɩda ninsaalbã sẽn yaa koangdbã hal zĩig sẽn zãre. Wala makre, a yamã la a bãngrã yɩɩd-b lame. A sẽn zems zãngã yĩnga, yaa vẽeneg t’a yamã la a pãn-tõodã ra yɩɩda ned buud fãa. Baasgo, a sika a meng n sõng nebã. Y na n yãa rẽ sebrã sak 10, 62, 66, 94, 116.

A Zeezi ra maanda sũ-mar wakat fãa, baa tʋm-tʋmdbã la neb a taabã sẽn da mi n pa tũud a sẽn yetã, bɩ n pa rɩkd a togs-n-taare. A kell n maana sũ-mar n zãms-b bũmb nins fãa sẽn da yaa tɩlɛ tɩ b bãng sẽn na yɩl n paam n lebg a Zeova zo-rãmbã. Y tõe n karma kibay sẽn wilgd rẽ sebrã sak 74, 98, 118, 135.