A Zeezi sõnga nebã tɩ b bãng Wẽnnaam Rĩungã sẽn be saasẽ wã. A leb n wilg-b lame tɩ b segd n pʋʋsame tɩ Wẽnnaam yʋʋrã paam waoogre, t’a Rĩungã wa, t’a raabã maan tẽngã zugu. Y sã n tara biiga, sõng-y-yã-a t’a bãng pʋʋs-kãngã sẽn tõe n naf tõnd to-to. A Zeezi pa sak t’a Sʋɩtãan kɩt t’a bas a Zeova ye. A yãka neb sẽn na n yɩ a tʋm-tʋmdba, n na n wa tʋm tʋʋm-kãseng Wẽnnaam Rĩungã pʋgẽ. Sõng-y y biigã t’a bãng t’a Zeezi talla yẽesem tũudum hakɩɩkã yĩnga. A sẽn da rat n sõng nebã yĩnga, a sãooga bãad-rãmba, n dɩlg neb kʋʋngo, la a vʋʋg neb sẽn da ki menga. A sẽn maan woto fãa wã, a wilga bũmb nins Rĩungã sẽn na n wa maan n kõ ninsaalbã.