SAK 70
Malɛgs n wa n togs t’a Zeezi rogame
Rom soolmã naab a Sezaar Ogust yiisa noore, n yeel tɩ ned fãa segd n leba a ba-yiri, tɩ b sõd-a. Dẽ, a Zozɛf ne a Maari kẽnga Betlehɛm, bala yaa be la a Zozɛf ba-yirã. A Maari rogmã yaool n kolgame.
B sẽn ta Betlehɛm, roog ra ka le be ye. B kong n kẽe rũms roogẽ. Yaa be la a Maari rog a biig a Zeezi. A maneg n pil-a-la ne pɛɛla, n gãneg-a rũmsã rɩɩb koglg pʋgẽ.
Pe-kɩɩmb n da be weoogẽ ne yʋngã, n gũud b piisã. La ra pa zãr ne Betlehɛm ye. Zĩig pʋgẽ, malɛk n puk b taoorã, t’a Zeova ziirã vẽenem yãge, n lim-ba. Pe-kɩɩmbã yɛɛsame, la malɛkã yeel-b lame: ‘Da yɛɛs-y ye. M tara koe-noog n na n togs-yã. B roga Mesi wã rũndã, Betlehɛm tẽngẽ wã.’ Wakat kãnga, malɛgs wʋsg n puk saasẽ, n yetẽ yaa: ‘Bɩ Wẽnnaam paam pẽgr saasẽ, la bɩ laafɩ zĩnd tẽngã zugu.’ Rẽ poore, malɛgsã menemame. Pe-kɩɩmbã na n maana wãna?
B yeela taab yaa: ‘Wa-y tɩ d kẽng Betlehɛm mas-masã.’ B sɩd looga tao-tao. B sẽn ta, b yãa a Zozɛf ne a Maari sẽn be rũms roogẽ ne b bi-pɛɛlgã.
Pe-kɩɩmbã togsa nebã bũmb ning malɛkã sẽn yeelã, la nebã yɛɛsame. A Maari pa tol n yĩm malɛkã goam ye. A ra tagsda rẽ yell wʋsgo. Pe-kɩɩmbã leba weoogẽ wã, la b pʋʋsa a Zeova barka, b sẽn wʋm la b yã bũmb ningã yĩnga.
‘Mam yii Wẽnnaam nengẽ n wa. Mam ka wa m toor ye, la yaa bãmb n tʋm maam.’—Zã 8:42
Découvrez aussi…
TALL-Y B TẼEBÃ BUUDU
A Maari ra tagsda bõn-kãens yelle
A Maari sẽn kẽng Betlehɛmmã sõng-a lame t’a maneg n tẽ a Zeova kãabsã.
A ZEEZI YAA SORE, LA SƖDA, LA VƖƖM
B waooga a Zeezi t’a nan pa rog ye
Bõe n wilgd t’a Elizabɛt ne biigã sẽn da be a pʋgẽ wã waooga a Zeezi?
A ZEEZI YAA SORE, LA SƖDA, LA VƖƖM
A Zeezi roga yɛ, la yɩɩ wakat bʋgo?
Bõe yĩng tɩ d yetẽ t’a Zeezi pa rog yʋʋm-sar kiuug rasem 25?
