Ezayi sebre 42:1-25
42 Ad mam tʋm-tʋmdã+ mam sẽn teendã,
soab ning mam sẽn yãkã+ la sẽn ta-a mam yamã!+
Mam ninga m vʋʋsmã a zugu.+A na n waa ne tɩrlem buud toɛy-toɛyã sʋka.+
2 Yẽ pa na n kelem wall a zẽk a koɛɛg ye.La a pa na n maan tɩ ned wʋm yẽ koɛɛg sor zug ye.+
3 A pa na n kaoog tãnwĩig sẽn gõde,la a pa na n kiis fɩtl laong sẽn nusd me ye.+
Hakɩɩka, yẽ na n kɩtame tɩ tɩrlem zĩndi.+
4 A pãngã pa na n booge, la a pa na n koms raoodo, hal t’a wa kɩt tɩ tɩrlem zĩnd tẽngã zugu.+Ko-sʋk tẽnsã ket n gũuda yẽ tõogã.*
5 Ad a Zeova sẽn yaa Wẽnnaam sɩd-sɩdã,saasã Naandã la Wẽnnaam-kãseng ning sẽn tẽeg-ba,+soab ning sẽn yɛdg tẽngã ne bũmb nins fãa sẽn be a zugã,+soab ning sẽn kõt nebã sẽn be tẽngã zugã vɩɩm+la sẽn kẽnd-b a zugã vʋʋsmã+ sẽn yeele:
6 “Maam a Zeova n bool foom ne tɩrlem.Mam gãda fo nugu.
Mam na n kogla foom la m kɩt tɩ f yɩ kaool nin-buiidã yĩnga,+la vẽenem buud toɛy-toɛyã yĩnga,+
7 sẽn na yɩl tɩ f puk zoens nini,+la f yiis b sẽn balg b rãmbã bãens roogẽ,ne sẽn zĩ-b lik pʋgẽ wã bãens roogẽ.+
8 Mam yaa a Zeova. Mam yʋʋrã la woto.Mam pa na n dɩk m ziirã n kõ ned a to,wall m dɩk m pẽgrã n kõ bõn-naands b sẽn pees ye.+
9 Ade! Pipi yɛlã loogame,masã mam togsda bõn-paalse.
Nand tɩ b sɩnge,* mam wilgd-b-la yãmba.”+
10 Yãmb a neb nins sẽn kẽnd mogrã zugã la bũmb nins fãa sẽn be a pʋgẽ wã,la yãmb a ko-sʋk tẽnsã la b neba,+yɩɩl-y yɩɩn-paalg a Zeova yĩnga,+yɩɩl-y n pẽg-y-yã-a hal dũniyã kɩremsẽ.+
11 Bɩ we-raoogã ne a tẽnsã,+la zĩis nins Kedaar+ sigsã* sẽn be wã zẽk b koeese.
Bɩ neb nins sẽn be pĩisẽ wã kaas ne sũ-noogo,bɩ b zẽk b koees tãensã zutu.
12 Bɩ b waoog a Zeova,la bɩ b pẽg-a ko-sʋk tẽnsẽ wã.+
13 A Zeova na n yii wa gãndaoogo.+
Yẽ na n neka a yẽesmã wa tãb-biiga.+
A na n kaasame. N-ye, a na n kelma zabr kɛlenga.A na n wilgame t’a pãngã yɩɩda a bɛɛbã.+
14 “Mam da paa sɩɩ hal sẽn kaoose.
Mam da sĩndame n da yõk m menga.
Wakat-yɛnga, mam na n wẽe siri, m na n sesame tɩ m vʋʋsmã tulgi,wa pag sẽn kʋmd rogem.
15 Mam na n sãama tãens la kunkuba,la m kʋɩɩs b tɩɩsã ne b moodã fãa.
Mam na n kɩtame tɩ kʋɩls lebg ko-sʋk tẽnse,la m kʋɩɩs bãgs sẽn tar tãnwĩisi.+
16 Mam na n talla zoens n kẽng sor b sẽn pa mi zugu,+la m kɩt tɩ b tũ so-bugs b sẽn pa wae n tũudẽ.+
Mam na n kɩtame tɩ likã lebg vẽenem b taoore,+la m kɩt tɩ so-rʋdã lebg zĩ-lamse.+
Yaa woto la m na n maan n kõ bãmba, la m pa na n daag-b n bas ye.”
17 Neb nins sẽn teeg bõn-naandsã b sẽn peesã,b rãmb nins sẽn yet tɩ bõn-naandsã sẽn dõogã yaa b wẽnnaam-dãmbã,+na n tarame n leb poorẽ, la b na n paama yãnd wʋsgo.
18 Yãmb b rãmb nins sẽn yaa wʋmse, kelg-y-yã.Yãmb b rãmb nins sẽn yaa zoense, ges-y la y yã.+
19 Ãnd n yaa zoang tɩ sã n pa mam tʋm-tʋmdã,la ãnd n yaa wʋng wa mam koe-taasdã?
Ãnd n yaa zoang wa ned ning b sẽn dolã,la ãnd n yaa zoang wa a Zeova tʋm-tʋmdã?+
20 Fo nee bũmb wʋsgo, la fo pa gũusd ye.
Fo yoka f tʋbã, la fo pa kelgd ye.+
21 A Zeova tɩrlmã yĩnga,a sũur yaa noog t’a kɩtdẽ tɩ tõogã* yaa kãseng la a tar ziiri.
22 La bãmb yaa nin-buiid b sẽn fã la b zɛ b teedo.+B bẽda b fãa bogdẽ n yõke, la b solg-b bãens rotẽ.+
B zɛ-b lame tɩ ned kae n na n fãag-b ye.+La b fã-b lame tɩ ned kae n na n yeel tɩ b lebg n wa ne-b ye.
23 Ãnd yãmb sʋkã n na n wʋm bõn-kãngã?
Ãnd n na n maan gũusg la a kelg beoog yĩnga?
24 Ãnd n kɩt tɩ b fã a Zakoobe,la a ning a Israyɛll fãadbã nugẽ?
Pa a Zeova, soab ning tõnd sẽn beegã sɩda?
Bãmb zãgsame tɩ b kõn kẽn a soayã zutu,la b pa sak a tõogã* ye.+
25 Woto, yẽ kell n sika a sũ-puugrãne a sũ-yikrã b zugu, la a kɩt tɩ zabrã toolem nams-ba.+
Rẽ sãama bũmb nins fãa sẽn gũbg-bã, la bãmb pa maan gũusg ye.+
Yõoga bãmba, la b maana b toog kae.+
