Yel-bũnã sebre 3:1-35
3 M biiga, ra yĩm mam zãmsgã* ye.Bɩ f sak mam noyã ne f sũur fãa.
2 Bala b na n paasa fo rayã sõore,la b kõ-f yõ-wok la bãane.+
3 Ra bas tɩ maan-neer la kɩs-sɩd* zãag ne foo ye.+
Rɩk-b n pid f yublã.Gʋls bãmb f sũurẽ wã, wa b sẽn gʋlsd kug-walg zug to-to wã.+
4 Dẽ, fo na n paama lohorem la yam-vẽenem wʋsgWẽnnaam ne ninsaalbã nifẽ.+
5 Teeg a Zeova+ ne f sũur fãa,la f ra teeg f meng bãngr ye.+
6 Fo sẽn maand fãa pʋgẽ bɩ f tags a yelle,+la a na kɩt tɩ f soayã yɩ tɩrse.+
7 Ra wa tagsdẽ tɩ f tara yam wʋsg ye.+
Zoe a Zeova, la f zãag f meng ne wẽnga.
8 Rẽ na n yɩɩ wa tɩɩm sẽn sãoogd fo yĩnsã,*la bũmb sẽn kengd fo kõabã.
9 Waoog a Zeova ne f bõn-sõma wã,+la ne f koodã* fãa dẽenem biisi.*+
10 Woto, fo baoã na n pida sõma,+tɩ f sĩmsã* pid ne divẽ-paalg n puugdẽ.
11 M biiga, ra zãgs a Zeova kiblgã,+la f ra kisg a remsgã ye.+
12 Bala a Zeova remsda neb nins fãa a sẽn nonge,+wa ba sẽn maand to-to ne biig a sẽn nongã.+
13 Sũ-noog soab la ned ning sẽn paam yam,+la ned ning sẽn paam yam-vẽenem.
14 F sẽn paamd yam n são f sẽn na n paam wanzuri.Yam paoong* n são f sẽn na n tar sãnem.+
15 A tara yõod n yɩɩd koray-rãmba.*Bũmb nins fo sẽn datã baa a ye pa tõe n dɩk n mak ne-a ye.
16 Yõ-wok bee a nug-rɩtgẽ wã,tɩ arzɛgs la ziir be a nug-goabgẽ wã.
17 A soayã bee yamleoogo,tɩ bãan be a soayã fãa zutu.+
18 A yaa vɩɩm tɩɩg neb nins sẽn gãt-a wã yĩnga.B na n yeelame tɩ neb nins sẽn gãt-a kãn-kãe wã yaa sũ-noog rãmba.+
19 A Zeova yẽbga tẽngã ne yam.+
A lugla saasã kãn-kãe ne yam-vẽenem.+
20 Ne a bãngrã maasem, ko-zulumsã welgame,tɩ saasã sẽn pid ne sawatã kɩt tɩ meenem dʋʋge.+
21 M biiga, ket n get bõn-kãense.*
Bĩng yam, la f tagsd sõma wakat fãa.
22 B na n kõo foo* vɩɩm,la b yɩ nag-teoog fo yublã yĩnga.
23 Woto, fo na n kẽna f sorã zug ne bãane,la fo naoor pa na n tol n lak* ye.+
24 Fo sã n wa na n gãande, fo pa na n yɛɛs baa bilf ye.+Fo na n gãandame, tɩ f gõeemã yɩ noogo.+
25 Fo pa na n yɛɛs yel-beed sẽn tõe n tiig n wa,+wall yel-beed ning sẽn wat nin-wẽnsã zut wa sa-kẽengã ye.+
26 Bala a Zeova na n kɩtame tɩ f yam gãand bãane.+A na n kogla fo naoor t’a ra lʋɩ bẽdgẽ ye.+
27 Fo sã n tar tõog n tõe n sõnge,+bɩ f ra zãgs n pa maan neb nins sẽn segd ne sõngrã neer ye.+
28 Fo sã n tõe n kõ f to bũmb zĩig pʋgẽ,
bɩ f ra yeel-a yaa: “Kẽng la f wa poorẽ! Mam na n kõ-f-la beoogo.”
29 Ra mag n na n maan f to wẽnga,+t’a yaool n zĩ ne foo n pa yɛɛsdẽ ye.
30 Ra zab ne ned zaalem yĩnga,+t’a pa maan foo wẽng ye.+
31 Ra maan sũ-kiir ne nen-kɛglem soaba,+wall f yãk yam n tũ a sor baa a yembr ye.
32 Bala a Zeova kisa zãmb soaba,+la yaa nin-tɩrsã+ n paamd a zoodo.
33 A Zeova kãab-wẽng bee nin-wẽng zak rãmb zugu,+la a ningda nin-tɩrsã zags rãmb barka.+
34 Bala a laada nin-yaandbã,+la a zoeta sik-m-mens rãmbã nimbãanega.+
35 Sẽn tar-b yamã na n paama waoogre,la yalembã pẽgda bũmb sẽn wat ne paoogre.+
Vẽnegr toor-toore
^ Bɩ, “noyã.”
^ Bɩ, “sɩd.”
^ Ebre, “yũugã.”
^ Bɩ, “paoongã.”
^ Bɩ, “sẽn yaa sõma n yɩɩdã.”
^ Bɩ, “vẽ wẽkr bogdã.”
^ Bɩ, “Paam yam tɩ yɩ yõod.”
^ Ges-y gom-biis võor bilgrã zĩigẽ.
^ Segd n yaa zʋg-sõma nins yell b sẽn gom vɛrse nins sẽn loogã pʋgẽ wã yell la b gomda.
^ Bɩ, “fo sɩɩgã.”
^ Bɩ, “lak bũmb.”
