Yɩɩn-sõamyã sebre 85:1-13
Yɩɩlã taoor soab yĩnga. A Koore+ kom-dibli wã yɩɩlle.
85 Zeova, yãmb zoee y soolmã nimbãanega.+Yãmb talla a Zakoob yagens nins b sẽn da yõg n kẽng yembdã n lebg n wa.+
2 Yãmb kõo y nebã beegrã sugri.Yãmb kõ-b-la sugr b yel-wẽnã fãa yĩnga.*+ (Sela)
3 Yãmb basa y sũ-puugrã fãa tɩ sa.Yãmb kɩtame tɩ y sũurã sẽn da yik wʋsgã sigi.+
4 Mam Wẽnnaam sẽn yaa tõnd fãagda, reeg-y tõnd yɛsa.*Bas-y y sũurã sẽn sãam ne tõndã tɩ sa.+
5 Yãmb sũurã na n yika ne tõnd wakat fãa yĩng bɩ?+
Yãmb na n kɩtame tɩ y sũ-puugrã kaoos zãmaan woo zãmaan bɩ?
6 Yãmb pa na n le kõ tõnd sẽn yaa y nin-buiidã pãnga,tɩ d tõog n kɩdem sũ-noog yãmb pʋgẽ+ sɩda?
7 Zeova, maan-y tõnd neere,+la y fãag tõndo.
8 Mam na n kelga Wẽnnaam a Zeova sẽn yetã.Bala a na n goma laafɩ yell ne a nin-buiidã+ sẽn yaa neb nins sẽn maand sɩd ne-a wã.La bɩ bãmb me ra le teeg b mens tɩ loog ye.+
9 Sɩd-sɩda, a fãagrã pẽe neb nins sẽn zoet-a wã,+sẽn na yɩl t’a ziirã tõog n zĩnd tõnd soolmã pʋgẽ.
10 Maan-neer ne kɩs-sɩd na n sega taaba.Tɩrlem ne laafɩ na n moka taaba.+
11 Kɩs-sɩd na n bul n yii tẽngã zugu.Tɩrlem na n paa saasẽ n sulg n gese.+
12 A Zeova na n kõo bũmb nins sẽn yaa sõma wã.*+Tõnd soolmã kood na n womame.+
13 Tɩrlem na n kẽna a taoore,+n tuk sor a naoã yĩnga.
