Yɩɩn-sõamyã sebre 3:1-8
A Davɩɩd yɩɩlle, a sẽn wa n zoet n na n põs a bi-ribl a Absalommã.+
3 Zeova, bõe yĩng tɩ mam zabd-n-taasã lebg wʋsg woto?+
Bõe yĩng tɩ neb wʋsg woto yik n zabd ne maam?+
2 Neb wʋsg yeta mam* wɛɛngẽ yaa:
“Wẽnnaam pa na n fãag-a ye.”+ (Sela)*
3 La yãmb a Zeova yaa gãong n gũbg maam.+Yãmb yaa mam ziiri,+ la Soab ning sẽn zẽkd mam zugu.+
4 Mam na n zẽka m koɛɛg n bool a Zeova,la a na n paa a tãn-sõngã zug n leok maam.+ (Sela)
5 Mam na n gãandame n gũsi,la m yik ne laafɩ,bala a Zeova ket n teenda maam.+
6 Mam pa zoet neb tus ka tɛkãsẽn yit zĩig fãa n tong taab n wat n na n zab ne maamã ye.+
7 Zeova, yik-y-yã! Mam Wẽnnaam, fãag-y maam!+
Bala yãmb na n pãba mam bɛɛbã fãa yɛyã.Yãmb na n kaoo nin-wẽnsã yẽna.+
8 Fãagr yita a Zeova nengẽ.+
Yãmb barkã bee y nin-buiidã zugu. (Sela)
