PANDUP 03
Bible Asi Nahakna Thajaba Yagadra?
Bibleda tunggi nungairaba asha kaya yao-ee amasung masina eikhoida kannaraba paotak kayasu pi. Bibleda yaoribasingsi nahakna henna khangninglambasu yai. Adubu yamna liraba lairik asida yaoramliba washaksing amasung paotaksingsi tasengnamak thajaba yagadra haina nahakna chingnaba phaorambasu yai. Bibleda iramliba waphamsingsi tasengnamak chummi haibasi meeoi lakh kayana thajei. Biblesi nahaknasu thajaba yagadra haibadu khangminnasi.
1. Bibleda yaoramliba waphamsingsi semjin sajinbara nattraga achumbara?
Bibleda yaoramlibasingsi “achumbagi waheisingni” haina khanghalli. (Pao Sandokpa 12:10) Masida yaoramliba thoudoksingsi tasengnamak thokkhiba thoudoksingni, aduga yaoramliba meeoisingsisu tasengna hinglamba meeoisingni. (Luke 1:3; 3:1, 2 Pabiyu.) Bibleda yaoramliba meeoising, maphamsing, thoudoksing amasung sok-tariksing asi tasengna chummi haibasi puwari neinaba amasung ariba potcheising thijinba misingnasu yaraba waphamni.
2. Biblesi ariba lairik oirabasu matamchuppada kannaba amasung thajaba yaba lairikni hairiba karigino?
Bible iba matamda leiramba meesingna mayek sengna khangdaba wapham kaya masida yao-ee. Khudam oina, scienceka mari leinaba waphamsing irammi. Iramliba waphamsingdu matamduda leiramba mee ayambana thajanaramde. Adubu sciencena chaokhatlakpagi matunginna Bibleda iramliba waphamsingdu tasengnamak chummi haibasi khangba ngamlakkhi. Aduna Biblesi “matam pumnamakta chetna leptuna lei.”—Thagat Ishei 111:8.
3. Tungda thokkadaba thoudoksinggi matangda Bibleda hairambasing eikhoina karigi thajagadouribano?
“Houjik thoktriba thoudok” kaya Bibleda mangjounana hairammi. a (Jishaiya 46:10) Mamangeida thokkani haina mangjounana haidoklamba thoudok kaya chapchana thokkhi. Eikhoigi matamda thokkani haina mangjounana hairambasingsu chapchana thokli. Pandup asida Bibleda yaoramba mangjounana haidoklamba wapham khara eikhoina khannagani. Waphamsingdu chapchana thungi haibasi khangba matamda nahakna ngakpa phaogani!
HENNA KHANGBIYU
Bibleda hairamba scienceka mari leinaba waphamsingsi chummi haibadu khangminnasi. Aduga pukning chingsinningai oiba Bibleda mangjounana haidoklamba wapham kharasu neinaminnasi.
4. Bibleda hairamba scienceka mari leinaba waphamsingsi chummi
Mamangeidadi mee ayambana prithibi asi karigumba potsak amagi mathakta tongduna lei haina thajanarammi. VIDEO asi yengbiyu.
Ngasidagi chahi 3,500 romgi mamangda Jobki lairikta kari irambage haibadu yengbiyu. Job 26:7 Pabiyu, amasung wahang asi neinabiyu:
-
Prithibigi matangda masida hairamliba waphamsi karigi ngakningai oiribano?
Prithibigi ishinggi khongchatki matangda phajana khangba ngamlakpasi ngasidagi chahi 200 romgi mamangdani. Adubu masigi matangda Bibledadi chahi 3,500 romgi mamangda irammi. Job 36:27, 28 Pabiyu, amasung makhagi wahangsing asi neinabiyu:
-
Ishinggi khongchatki matangda yaoramliba waphamsi karigi ngakningai oiribano?
-
Nahakna pakhriba waheiparengsing adudagi Biblesi thajaba yai haina khanbra?
5. Maruoiba thoudok kayagi matangda Bibleda mangjounana irammi
Jishaiya 44: 27–45:2 Pabiyu, amasung wahang asi neinabiyu:
-
Babilonbu maithiba pigadaba chahi 200 gi mamangda karamba waphamsing mayeksengna Bibleda irambage?
Christagi mamang b sok 539 da Persiagi Ningthou Cyrus amasung mahakki lanmisingna Babilon saharbu khudum chankhi haibasi itihaski lairiksingda mayeksengna yao-ee. Sahar adubu koisilliba turel adugi ishingdu makhoina theidoktuna mayeng tahankhi. Aduga makhoina hannana hangdoktuna leiramlaba sahardugi thongjaosingda changkhi amasung laan amatta soknadana mapham adubu khudum chankhi. Ngasi chahi 2,500 romgi matungdasu Babilongi maang taklaba phibham eikhoina uba phangli. Masigi matangda Bibleda mangjounana kari hairambage haibadu yengsi.
Jishaiya 13:19, 20 Pabiyu, amasung wahang asi neinabiyu:
-
Masida yaoriba Babilongi matangda mangjounana haidoklamba waphamsi karamna thungbage?
Babilongi maang taklaba phibham houjik houjiksu Iraqta lei
6. Eikhoina ngasi uriba phibhamsingsi Bibleda mangjounana irammi
Eikhoina leiriba matamsi ‘aroiba matamdani’ haina Bibleda khanghalli. (2 Timothy 3:1) Aroiba matamgi matangda Bibleda mangjounana haidoklambasingdu yengsi.
Maathi 24:6, 7 Pabiyu, amasung wahang asi neinabiyu:
-
Aroiba matamda oirakkadaba phibhamsinggi matangda karamba waphamsing mayek sengna Bibleda irambage?
2 Timothy 3:1-5 Pabiyu, amasung wahangsing asi neinabiyu:
-
Aroiba matamda oirakkadaba meesinggi lamchat sajatki matangda Bibleda kari phongdoklambage?
-
Hairiba lamchat sajatsing asi nahakna uba phangbra?
MEESINGNA HAINEI: “Biblesi semjin sajinba warigi lairikni.”
-
Nahakki mot matunginna, Bibleda iramlibasingsi chapchana thajaba yai haibagi khwaidagi chaoba pramansi karino?
TAMKHIBASINGGI SAMLAPPA
Itihas, science amasung mangjounana haidoklamba waphamsingna Bibleda iramlibasingsi chapchana thajaba yai haibasi khanghalli.
Nahakna Karamna Paokhum Pigani?
-
Bibleda yaoramliba waphamsingsi semjin sajinbara nattraga achumbara?
-
Scienceka mari leinaba karam karamba achumba waphamsing Bibleda yaorambage?
-
Tungda oirakkadabasinggi matangda Bibleda mangjounana haidoklammi haibasi nahak yaningbra? Maram haibiyu.
HENNA KUPTHANA THIJINBIYU
Bibleda yaoramba scienceka mari leinaba waphamsingsida aranba yaobra?
“Bibleda Yaoramba Scienceka Mari Leinaba Waphamsingsi Chumbra?” (English) (jw.org da yaoba hiram)
“Aroiba matamda” oirakkadabasinggi matangda Bibleda irambasingdu ngasi chapchana thoklibra?
Greeceki leingakki matangda Bibleda mangjounana haidoklamba waphamsingdu karamna thungkhibage haibadu khangbiyu.
“Mangjounana Haidoklamba Waheisingna” Eikhoibu Kankhathalli (English) (5:22)
Bibleda mangjounana haidoklamba waphamsing khanglakpadagi meeoi amana karamna Bible thajarakkhibage haibadu khangbiyu.
“Ishwor Leite Haina Eina Khallammi” (English) (Santrisagai No. 5 2017)
