PANDUP 01
Biblena Nahakpu Karamna Mateng Panggani?
Eikhoi khudingmakna nungaina hingba pammi. Adubu eikhoigi punsida awa ana, asi ana kaya thengnei. Aduna, karigi asumna oiribano, tungdana kari oirakkadage haibagi matangda eikhoigi pukningda wahang kaya hangi. Adugisu mathakta, nungtigi hingnaba hotnabada karamna sel tangani, imung manung karamna nungaina hinggani haibagi matangda langtaknaba kayasu phao-ee. Asigumba wahang kayasigi paokhum Biblena piri. Aduga, ngasi eikhoina awa ana kaya thengnajarabasu karamna nungaina hingba yagadage haibagi matangda kannaraba paotak kayasu masida yaori. Biblena eikhoibu mateng pangba ngamgani haibasi nahakna thajabra?
1. Biblena karamba wahangsinggi paokhum pibage?
Eikhoigi punsi karamna hourakkhibage? Punsigi pandam karino? Meeoibana awa ana nangliba karigino? Sikhrabasinggi phibham kari oibage? Meepum khudingmakna shanti pammi adubu karigi laan asuk yamna touribano? Tungda prithibida kari thoklagadage? Hairiba maruoiba wahangsingsigi paokhum Biblena pi. Meeoi lakh kayana paokhumsingdu Bibledagi phangba matamda yamna penjaba phao-ee. Ishworna nahakpusu hairiba wahangsing asigi paokhum adu phanghanningi.
2. Eikhoina nungtigi thengnariba khudongchadabasing maiyoknaba ngamnaba Biblena karamna mateng panggani?
Biblena eikhoida kannaraba paotak kaya pi. Khudam oina, imung manungda khatna cheinaba thoktanaba eikhoina kari tougadage, thabak maphamda nungaitaba thengnaba matamda eikhoina kari tougadage haibadu tak-ee. Hairiba hiramsing amasung atei atoppa hiram kayagi matangda Biblena kari paotak pibage haibadu lairik macha asi neinabadagi khangba ngamgani. Aduga Bibleda iramliba khudingmak asi eikhoigidamak “kannabani” haibasi nahakna yaninggani.—2 Timothy 3:16.
Lairik macha asina Biblegi mahut sinbadi natte. Pandupsing asida piriba Biblegi waheiparengsing asi paba matamda adomna tamlibasing adu Bibledagini haiba khangba ngamgani. Aduna, adom isamakna Bibledagi paraga thijinbinaba pukning thougatchari.
HENNA KHANGBIYU
Biblena meeoi kayabu karamna mateng pangbage, Bible karamna nungaina paba yagani amasung Bible phajana khangba ngamnaba atoppagi mateng louba karigi maruoiribano haibadu khangminnasi.
3. Biblena eikhoibu lamjing lamtakpiba ngammi
Biblesi thaomei amagumbani. Eikhoina achumba warepsing loujaba ngamnaba Biblena mateng pangi amasung tungda kari kari thoudoksing thoklagadage haibadusu Biblena eikhoida khanghalli.
Thagat Ishei 119:105 Pabiyu, amasung wahangsingsi neinabiyu:
-
Thagat Ishei asi iramliba meeoi asina Biblegi matangda karamba wakhallon leirambage?
-
Nahaknadi Biblegi matangda karamba wakhallon leibage?
4. Eikhoigi wahangsinggi paokhum Bibledagi phanggani
Nupi amana chahi kayagi mamangdagi chamamnaduna lakkhiba wahangsinggi paokhum Bibledagi phangkhi. VIDEO asi yengbiyu, amasung makhagi wahangsingsi neinabiyu.
-
Video asida nupi asina karamba wahangsing hangkhibage?
-
Bible neinabana mahakpu karamna mateng pangkhibage?
Biblena eikhoibu wahang hangnaba pukning thougatli. Maathi 7:7 Pabiyu, amasung makhagi wahang asi neinabiyu:
-
Nahakna Bibledagi karamba wahangsinggi paokhum khangningbage?
5. Nahakna Bible paba matamda nungaiba phaogani
Meeoi kayana Bible paba matamda nungaiba phao-ee amasung masidagi kannaba phangi. VIDEO asi yengbiyu, amasung makhagi wahangsingsi neinabiyu.
-
Video asida, nahasingna pabagi matangda karamna phaobage?
-
Makhoina Bible paba matamdadi karamna phaobage?
Eikhoibu pukning themjinbiba amasung asha piba wapham kaya Bibleda yao-ee. Romiya 15:4 Pabiyu, amasung wahang asi neinabiyu:
-
Pukning themjinbiba amasung ashagi matangda Bibleda kari washakpirambage haibadu nahaksu khangningbra?
6. Bible phajana khangba ngamnaba atoppagi mateng loubiyu
Meeoi kayana masa masagi oina Bible pai. Adubu makhoina atoppagi mateng louduna Bible neinaba matamda henna phajana khangba ngammi haina phongdok-ee. Pakhonchatpasinggi Thabak 8:26-31 Pabiyu, amasung wahang asi neinabiyu:
-
Bible phajana khangba ngamnaba nahakna kari touba yabage?—Waheipareng 30 amasung 31 yengbiyu.
Mamangeida Ethiopiagi meeoi amana sastragi waheising phajana khangba ngamnaba atoppagi mateng loukhi. Ngasisu meeoi kayana Bible phajana khangnaba atoppasinggi mateng lou-ee.
MEESINGNA HAINEI: “Bible neinabasi kannadaba, matam mangba thabakni.”
-
Masigi matangda nahakna kari khanbage amasung karigi adumna khallibano?
TAMKHIBASINGGI SAMLAPPA
Biblena nungtigi hingbada changba paotak kayasing piba khakta nattana maruoiba wahang kayagi paokhumsu pi. Masina eikhoibu pukning themjinbi amasung asha kayasu pi.
Nahakna Karamna Paokhum Pigani?
-
Bibleda karamba paotaksing yaobage?
-
Biblena karamba wahangsinggi paokhum pibage?
-
Nahakna Bibledagi kari khangningbage?
HENNA KUPTHANA THIJINBIYU
Biblegi paotaksingna ngasisu eikhoida karamna kannaba pibage haibadu khangminnasi.
“Matamchuppada Kannaraba Biblegi Paotaksing” (English) (Santrisagai 1 suba 2018)
Angang oiringeidagi pukning wakhalgi awaba maiyoknarakkhiba meeoi amabu Biblena karamna mateng pangkhibage haibadu yengbiyu.
Imung manung nungaina leinabagidamak Bibleda yaoba kannaraba paotaksing yengbiyu.
“Nungaiba Imung Ama Oihanbada Mateng Pangba Hiram 12” (English) (Mitsen Khaangu! 2 suba 2018)
Taibangpansi Ishworgi khutta lei haina mee ayambana khannei, adubu hairiba waphamsi achumbara haibadu Bibledagi khangbiyu.
