Jehovahna meeoibasing leinanaba prithibi semkhibani. Masi eikhoigi yumni. Ishworna meeoibagi ihan hanba matei-manao Adam amasung Hawabu swargada leinanaba semkhiba natte, maramdi, swargada leinabagidamak swargadutsingbu mahakna hannana sembikhre. (Job 38:4, 7) Ishworna ahanba mee Adambu Edengi ingkhol kouba nungairaba mapham amada leihankhi. (Meihouron 2:15-17) Jehovahna Adam amasung mahakki tunggi charon-suronsingna prithibida lomba naidana hingnabagi khudongchaba pibikhi.​—Thagat ishei 37:29; 115:16 pabiyu.

Ihan hanbada Edengi ingkhol khaktana paradise oirammi. Ishworna ahanba matei-manou adugi macha-masusingna prithibi asibu thalhanba pamlammi. Matamgi matunginna makhoina malem sinthungna sandoktuna prithibibu paradise ama oina semlamgadoubani. (Meihouron 1:28) Prithibi asi keidounungda mangloi. Masi matam pumbada meeoibagi leipham oigani.​—Thagat ishei 104:5 pabiyu.

Ishworna karigidamak prithibi semkhibano? haiba video asi yengbiyu.

Adam amasung Hawana Ishworna haiba inkhide. Maram aduna Jehovahna makhoibu Edengi ingkholdagi tanthokkhi. Meeoibana paradiseta leibagi khudongchabadu manghankhi amasung madu kanamattana hanjilhanba ngamkhide. Biblena hai, “Ishwor ningdabasinggi makhutta malem pithokle.”—Job 9:24.​—Meihouron 3:23, 24 pabiyu.

Ishworna meeoiba semkhibagi pandam adu thunghallaroidra? Thunghangani. Maramdi mahakti ingam-ngambani. Mahakna touba khudingmak maipaktaba amatta leite. (Jishaiya 45:18) Mahakna meeoiba jatigidamak thambikhiba pandam adu soidana thunghangani.​—Thagat ishei 37:11, 34 pabiyu.

Jishuna Ishworgi khangatlaba Ningthou ama oina panba matamda prithibisi amuk hanna paradise oihallakkani. Armageddon kouba landa Jishuna swargadutsingbu luchingduna  Ishworgi mayokta leibasingbu manghangani. Adudagi Jishuna Seitanbu chahi 1,000 phajinduna thamgani. Manghangadouriba aduda Ishworgi manaisingdi hinghougani. Maramdi Jishuna makhoibu lamjingbigani amasung ngakthokpigani. Makhoina Paradise oiraba prithibi aduda lomba naidana nungaina hinghougani.​—Phongdokpiba 20:1-3; 21:3, 4 pabiyu.

Ishworna prithibida karamba matamda phattabasinggi aroiba purakkadouri? Aroiba adu naksillakle haiba khangnaba Jishuna “khudam” pirammi. Ngasi oiriba taibangpangi phibam asina meeoibana hingbada akiba pokhalli. Phibamsing asina eikhoi “taibangpan asi loigadabagi” matam aduda hingli haiba tak-ee.​—Maathi 24:3, 7-14, 21, 22 pabiyu.

Jishuna chahi 1,000 swargadagi prithibida Ningthou oina pangani, matamduda mahakna awa-ana pumnamakki aroiba purakkani. (Jishaiya 9:6, 7; 11:9) Ningthou oibagi mathakta Jishuna Purohitlen oinasu thabak tougani. Aduga mahakna Ishworbu nungsijabasinggi papsing louthokpigani. Matou asumna Ishworna Jishugi khuthangda anaba, ahal oirakpa amasung asiba pumnamak louthokkhragani.​—Jishaiya 25:8, 33:24 pabiyu.

Ishworna haiba injaba meesingna Paradiseta leigani. (1 Johan 2:17) Pukchel tappasingbu thinaba amasung karamna makhoibu Ishworna yabasing oirakkadage haibadu takpinaba Jishuna mahakki tunginbasingbu tharammi. Ngasisu Jehovahna Paradise oirakkadouriba prithibi aduda meeoi kayana punsi phangjanaba sem sari. (Zephaniya 2:3) Meesingna Jehovahgi Sakhisinggi Kingdom Hallsingda laktuna aphaba mapuroibasing amasung mapasing aduga aphaba loinabising amasung mamasing karamna oigadage haibadu tamjei. Machasingga, mapa-mamasingga punna Ishwor ningminnei amasung Biblena hairibasing asidagi karamna makhoigi punsida kannaba phanggadage haibadu tamjei.​—Micah 4:1-4 pabiyu.