PANDUP 7
Ishworgi Ningthouleibak Karino?
1. Ishworgi Ningthouleibak karino?
Jishu karigi phidamningai oiba Ningthou ama oiribano? —MARK 1:40-42.
Ishworgi Ningthouleibak asi swargagi oiba leingak Amani. Hairiba leingak asina prithibida leiriba atoppa leingak khudingmakpu manghallagani. Ishworna masi sijinnaduna mahakki aningba adu swarga amasung prithibida thunghallagani. Masi eikhoigidamak yamna nungaiba paoni. Meeoibana aphaba leingak ama darkar oi, madu Ishworgi Ningthouleibakna thunamak thunghallagani. Masina prithibida leiriba meepum khudingmakpu amatta oina punsingani.—Daniel 2:44; Maathi 6:9, 10; 24:14 pabiyu.
Ningthouleibak ama haibasi leingak makhal amani. Masigi makokti ningthou amana oigadabani. Jehovahna mahakki Machanupa Jishu Christabu mahakki Ningthouleibakki Ningthou oina khankhre.—Phongdokpiba 11:15 pabiyu.
Ishworgi Ningthouleibak karino? haiba video asi yengbiyu.
2. Jishu karigi phidamningai oiba Ningthou oiribano?
Ishworgi machanupa asi phidamningai oiba Ningthou oiribagi maramdi mahakti thoujal hei amasung achumbagidamak leppi. (Johan 1:14) Meesingbu mateng pangba ngambagi chap chaba shaktisu mangonda lei maramdi mahakna swargadagi prithibida pangani. Mahak hinggatlaba matungda swargada chatkhi amasung Jehovahgi yetthangba nakanda phamduna mahakki sashangi matamdu ngaijakhi. (Hibru 10:12, 13) Aroibada Ishworna mangonda sashan touba hounabagi shakti pikhi.—Daniel 7:13, 14 pabiyu.
3. Jishuga loinana kana-kana sashan touminnagani?
“Asengba meesing” haina kouba meeoi kanglup amaga Jishuga swargada sashan touminnagani. (Daniel 7:27) Ahanba oina khankhiba asengba meesing adudi Jishugi haiba inba pakhonchatpasingni. Jehovahna haiba inba nupa amasung nupisingbu asengba meesing oina khanbagi thabak houjik phaoba chatthari. Jishugumna makhoisu uba ngamdaba sakwong oina hinggathalli.—Johan 14:1-3; 1 Corinthiya 15:42-44 pabiyu.
Mee kaya swargada chatkani? Swargada chatkadabasingbu Jishuna “apikpa yao sanggu” haina kourammi. (Luke 12:32) Makhoigi masing asi 1,44,000 sugani. makhoina Jishuga loinana swargada sashan tougani.—Phongdokpiba 14:1 pabiyu.
4. Jishuna sashan touba matamda kari thokkhi?
Jishuna Ishworgi Ningthouleibakki Ningthou oina sok 1914 dagi sashan touba houkhi. * Ningthou ama oina mahakki ihan hanba thabakti Seitan amasung mahakki tunginba swargadutsingbu prithibida langthakhiba aduni. Madudagi Seitanna mei houna saoraduna prithibi pumbada awa-ana thokhanba houkhi. (Phongdokpiba 12:7-10, 12) Matam adudagi meeoibagi awaba khanghen hengatlakkhi. Lan, chaktangba, laichat amasung yuhar haba hairibasing asi Ishworgi Ningthouleibakna prithibida thunamak sashan touragani haibagi khudamni.—Luke 21:17, 10, 11, 31 pabiyu.
5. Ishworgi Ningthouleibakna kari touribage?
Prithibi pumbada chatthariba paosandokpagi matengna Ishworgi Ningthouleibakna jati kayadagi achouba meeyam amabu amatta oina punsinba houkhre. Nollukpa meeoi lakh kayana Ningthou oiriba Jishugi praja oirakli. Ishworgi Ningthouleibakta yaojaningba khudingmakna Jishugi haiba inba praja oinaba hotnagadabani.—Phongdokpiba 7:9, 14, 16, 17 pabiyu.
Chahi 1,000 gi manungda hairiba Ningthouleibak asina, Ishworna meeoibagidamak ahoubada thambikhiba pandam adu mapung phahangani. Aduga prithibi pumba paradise oiragini. Aroibada Jishuna Ningthouleibak adu mahakki Mapagi khutta sinnagani. (1 Corinthiya 15:24-26) Ishworgi Ningthouleibakki maramda adomna kanagumbada haibiningba leibra?—Thagat ishei 37:10,11, 29 pabiyu.
^ par. 1 Bibleda mangjounana haidoklamba waphamna sok 1914 gi maramda kari hairambage haibagi matangda henna khangbinabagidamak Biblena Tasengnamak Kari Tambibage? (English) haiba lairik asigi lamai 215-218 phaoba yengbiyu.
