PANDUP 6
Sikhrabasinggidamak Kari Asha Leibage?
1. Sikhrabasinggidamak kari nungaiba pao leibage?
Lazarus kouba Jishugi marup ama Jerusalemgi manakta leiba Bethany kouba lamduda leirammi. Mahakna maphamdu yaorakpa matamda Lazarus sikhiba numit marini suramle. Jishuna Martha amasung Maryga loinana Lazaruski mongphamda chatlammi. Ikui kuidana maphamduda meeyam ama pullare. Khallaga yengbiyu, Jishuna Lazaruspu amuk hanna hinggathanba matamda Martha amasung Maryna kaya yamna haraoramgadouba?—Johan 11:21-24, 38-44 pabiyu.
Marthana sikhrabasinggi nungaiba paosingdi hannana khanglammi. Jehovahna sikhrabasingbu prithibida amuk hanna hinggathangani haibasi mahakna khanglammi.—Job 14:14, 15 pabiyu.
2. Sikhrabasinggi phibam kari oibage?
Ishworna adamda hairammi: “Nahakti u-phunni, aduna u-phunda nahak hanjingani.”—MEIHOURON 3:19.
Meeoibasi u-phundagi sembani. (Meihouron 2:7; 3:19) Eikhoigi thawai amasung hakchang haina tongan-tonganna leiba natte. Eikhoi ahingba jibani, maram asina eikhoina sikhraba matungda karigumba amatta hingduna leihoude. Siraba matamdadi wakhal khanba ngambagi nattraga karigumba ama khangba ngambagi panggalsu leite. Lazaruspu amuk hanna hinggathanba matamda, siraba matungda mangonda kari thokkhibage haibagi maramda mahakna karisu hairamde. Maduna takpadi asibasingna karimata khangba leite haibani.—Thagat ishei 146:4; Pao sandokpa 9:5, 6, 10 pabiyu.
Siraba matungda Ishworna meesingbu mei thaduna laknabra? Biblenadi asibasingna karimatta khangba leite hairi. Maram asina asibasingbu norokta laknei haiba waphamsidi asengba Ishworgi maramda lanna takpi-tambibani. Meesingbu mei thaduna laknaba haibagi wakhallonsimak Ishworna tukatchei.—Jiremiya 7:31 pabiyu.
Sikhrabasinggi phibam kari oibage? haiba video asi yengbiyu.
3. Sikhrabasingna eikhoida wari saba ngamgadra?
Sikhrabasingna ngangba nattraga taba ngamde. (Thagat ishei 115:17) Phattaba swargadut khara lei, makhoina sikhrabasinggi khonjel sajinnaduna meesingga wari sai. (2 Peter 2:4) Sikhrabasingga wari sanaba hotnaba haibasi Jehovahna yade.—Anisuba wayen 18:10, 11 pabiyu.
4. Karamba meeoisingbu hinggathangani?
Sikhraba meeoi lakh kaya prithibida amuk hanna hinggathangani. Ishwor khangbagi khudongchaba phangkhidraba amasung khangdana aranba toukhibasing phaoba hinggathangani.—Luke 23:43; pakhonchatpasinggi thabak 24:15 pabiyu.
Hinggatlaklabasing aduna Ishworgi achumbagi maramda tamba amasung Jishuna haiba induna mangonda thajaba utnabagi khudongchaba phanggani. (Phongdokpiba 20:11-13) Makhoina aphaba thabak tourabadi prithibida lomba naidana hingba phanggani.—Johan 5:28, 29 pabiyu.
5. Jehovahna sikhrabasingbu hinggathanba asina eikhoida mahakki maramda kari takpage?
Ishworna mahakki machanupabu eikhoigidamak mahakki punsi katthoknaba thabirakkhiba asina sikhrabasinggi asha pibire. Sikhrabasing hinggathanba asina Jehovahna eikhoibu nungsi amasung phangpham thoktaba thoujal pibi haibadu tak-ee. Sikhrabasingna hinggatlakpa matamduda nahakna kanabu khwaidagi henna uningbage?—Johan 3:16; Romiya 6:23 pabiyu.
