PANDUP 10
Adomna Achumba Laining-Laisol Karamna Khangba Ngamgadage?
1. Achumba dharma amakhakta leibara?
“Wa takthoksannaba meesinggi maramda cheksillu.” —MAATHI 7:15
Jishuna mahakki tunginbasingda achumba dharma amakhakki maramda tambirammi. Masi lomba naidaba punsi phangnabagi lambini. Jishuna haikhi: lambi adu “phangba mee yamde.” (Maathi 7:14) Ishworna yaba laining-laisoldi mahakki wahei Bibleda yumpham oiba adukhaktani. Achumba laining-laisol chatpasingdi amatta oina lei. Maramdi makhoigi thajaba amakhaktani.—Johan 4:23, 24; 14:6; Ephisha 4:4, 5 pabiyu.
Laining laison khudingmak Iswarna Yabara? haiba video asi yengbiyu.
2. Aranba Christiansinggi maramda Jishuna kari hairambage?
“Makhoina Ishworbu khang-ee hai, adubu makhoina touthoklakpa thabaksing aduna mahakpu yade.”—TITA 1:16
Jishuna aranba wa takthokpa meesingna Christian lainingbu mothallakkani haina khanghallammi. Mapalthongdadi makhoidu achumba laining-laisol chatpa meesing mangani amasung makhoi masanasu Jishugi tunginbani haigani. Adubu matou karamna asigumba meesing asigi asengba masak khangdokpa ngamgadage? Achumba laining-laisolna achumba Christiansing puthok-ee. Makhoigi magun amasung touthorakpa thabaksingna Jishugi asengba tunginbasingni haiba khangba ngammi.—Maathi 7:13-23 pabiyu.
3. Achumba laining-laisol chatpasingbu karamna khangba ngamgadage?
Makhada piriba wapham manga asi khannaraga yengsi:
-
Achumba laining-laisol chatpasingna Biblebu Ishworgi waheini haina ikaikhumnaba utli. Makhoina Biblegi niyamsing innaba hotnei. meeoibagi wakhallonda yumpham oiba dharmaga achumba dharmaga khetnei. (Maathi 15:7-9) Achumba laining-laisol chatpasingdi chinga khutka mannei. Makhoina meengonda takpi-tambiriba adu makhoigi punsida illaga chatli.—Johan 17:17; 2 Timothy 3:16, 17 pabiyu.
-
Jishugi asengba tunginbasingna Ishworgi ming, Jehovah haibasibu ikaikhumnei. Jishuna Ishworgi mingbu meeyamda khanghanduna ikaikhumnaba utlammi. Mahakna meesingbu Ishwor khangnaba mateng panglammi amasung Ishworgi ming asengba oisanu haina haijanaba makhoida tambirammi. (Maathi 6:9) Nahakki akoibada karamba dharmana Ishworgi ming Jehovahni haina khanghanbage?—Johan 17:26; Romiya 10:13, 14 pabiyu.
-
Achumba Christiansingna Ishworgi Ningthouleibakki maramda pao sandok-ee. Ishworna Jishubu Ningthouleibakki nungaiba pao sandoknaba tharakkhi. Ishworgi Ningthouleibak khaktana meeoibagi awa-ana koknabagi amatta ngairaba ashani. Jishuna wapham asi mahakna sidriphaoba sandoklammi. (Luke 4:43; 8:1; 23:42, 43) Mahakki tunginbasingnasu pao asi sandoknaba mahakna hairammi. Kannagumbana adomda Ishworgi Ningthouleibakki maramda wari saraklabadi, mahaktu karamba dharmagi oiramgadage.—Maathi 24:14 pabiyu.
-
Jishugi tunginbasingdi phattraba taibangpan asigi saruk ama natte. Makhoina rajniti nattraga samajki chayetnaba thabaksingda yaode. Masidagi makhoisi taibangpan asigi saruk oide haibadu tak-ee. (Johan 17:16; 18:36) Aduga makhoina taibangpan asigi khudongthiningai oiba thabak amasung wakhallonsingbu matou tamde.—Jacob 4:4 pabiyu.
-
Achumba Christiansingna makhoi maselgi marakta amana amabu yamna nungsinei. Makhoina Ishworgi waheidagi tamjaduna meeoi kanglup khudingmakpu ikaikhumnei. Aranba dharmasingna leibak maselgi marakta soknariba lansingda sougatli aduga achumba laining-laisol chatpasingnadi maduda yaode. (Mica 4:1-3) achumba Christiansingna masagi oijaba thidana makhoigi matam amasung leijabasing puthoktuna atoppabu mateng pang-ee amasung pukning thougatli.—Johan 13:34, 35; 1 Johan 4:20 pabiyu.
4. Adomna achumba dharma masak khangdokpa ngamgadra?
Ishworgi Waheida yumpham oiraga tambiba, Ishworgi mingbu ikaikhumnaba amasung Ishworgi Ningthouleibak khaktana meeoibagi amatta ngairaba ashani haina sandokpa karamba dharmada leibage? Amaga amaga nungsinaba amasung lan yaodaba karamba kanglup leibage? Adomdi kari khalli?—1 Johan 3:10-12 pabiyu.
