ഞങ്ങളുടെ വായന​ക്കാ​രിൽനിന്ന്‌

വളരും മുമ്പേ മുതിർന്ന കുട്ടികൾ! “വളരും മുമ്പേ മുതിർന്ന കുട്ടികൾ!” (മേയ്‌ 8, 2003) എന്ന ലേഖന പരമ്പര വളരെ നന്നായി​രു​ന്നു. ഞാൻ അനുഭ​വി​ച്ചി​ട്ടുള്ള ചില പ്രശ്‌ന​ങ്ങ​ളു​ടെ കാരണം മനസ്സി​ലാ​ക്കാൻ ഇത്‌ എന്നെ സഹായി​ച്ചു. നിറം​മ​ങ്ങിയ ബാല്യ​കാ​ല​മാ​യി​രു​ന്നു എന്റേത്‌. ബാല്യ​ത്തി​ന്റെ പടവുകൾ ഓടി​ക്ക​യ​റാൻ കുട്ടി​കളെ ബദ്ധപ്പെ​ടു​ത്താ​തി​രി​ക്കു​ന്ന​താണ്‌ ജ്ഞാനപൂർവ​ക​മായ ഗതി എന്നതി​നോ​ടു യോജി​ച്ചേ തീരൂ.

എസ്‌. എം., ജപ്പാൻ (g03 12/22)

ഈ ലേഖന പരമ്പര ശരിക്കും എന്റെ ഹൃദയത്തെ സ്‌പർശി​ച്ചു. മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ത്തി​ലാ​ണു ഞാൻ വളർന്നു​വ​ന്നത്‌. ആകുല​തകൾ നിമിത്തം എന്റെ അമ്മ കരയു​ന്നതു കേട്ടിട്ട്‌ എനിക്കു പല രാത്രി​ക​ളി​ലും ഉറങ്ങാൻ കഴിഞ്ഞി​രു​ന്നില്ല. ക്രിസ്‌തീയ സഭയിൽനി​ന്നു സഹായം ലഭിച്ചി​ല്ലാ​യി​രു​ന്നെ​ങ്കിൽ എന്റെ ഗതി എന്താകു​മാ​യി​രു​ന്നെന്ന്‌ എനിക്ക​റി​യില്ല. ഞങ്ങളെ ആത്മീയ​മാ​യി പോഷി​പ്പി​ക്കു​ന്ന​തി​നുള്ള നിങ്ങളു​ടെ സ്‌നേ​ഹ​പൂർവ​ക​മായ ശ്രമങ്ങൾക്കു നന്ദി.

ഡി. ബി., ഐക്യ​നാ​ടു​കൾ (g03 12/22)

എനിക്കു 11 വയസ്സുണ്ട്‌. പെട്ടെന്നു വളർന്നു വലുതാ​കണം എന്നായി​രു​ന്നു എപ്പോ​ഴും എന്റെ ആഗ്രഹം. എന്നാൽ, ഇനിയും ശേഷി​ക്കുന്ന എന്റെ ബാല്യത്തെ വില​യേ​റി​യ​താ​യി കണ്ട്‌ ആസ്വദി​ക്കേ​ണ്ട​തി​ന്റെ പ്രാധാ​ന്യം ഈ ലേഖന പരമ്പര എനിക്കു കാണി​ച്ചു​തന്നു.

ജി. എം., ഐക്യ​നാ​ടു​കൾ (g03 12/22)

ലേഖന​ത്തിൽ പരാമർശി​ച്ചി​രുന്ന കാർമെ​ന്റെ​യും സഹോ​ദ​രി​യു​ടെ​യും ജീവി​താ​നു​ഭവം എനിക്കു നന്നായി മനസ്സി​ലാ​ക്കാൻ കഴിയും. അവർ ചെയ്‌തതു പോലെ ഞാൻ വീട്ടിൽനിന്ന്‌ ഇറങ്ങി​പ്പോ​യി​ല്ലെ​ങ്കി​ലും, രണ്ടാന​പ്പ​ന്മാ​രിൽനി​ന്നുള്ള ദുഷ്‌പെ​രു​മാ​റ്റ​വും അമ്മയിൽനി​ന്നുള്ള അവഗണ​ന​യും എനിക്കു സഹി​ക്കേണ്ടി വന്നു. എന്റെ മാതാ​പി​താ​ക്കൾ മയക്കു​മ​രുന്ന്‌ ഉപയോ​ഗി​ച്ചി​രു​ന്ന​തി​നാൽ അനുജ​ന്മാ​രെ പോറ്റി​വ​ളർത്താൻ ഞാൻ നിർബ​ന്ധി​ത​നാ​യി. അതും എനിക്കു വെറും പത്തു വയസ്സു​ള്ള​പ്പോൾ മുതൽ! ഇതു നിമിത്തം എനിക്ക്‌ എന്റേതായ പ്രശ്‌ന​ങ്ങ​ളും ഉണ്ടായി. എങ്കിലും, വർഷങ്ങ​ളി​ലൂ​ടെ എനിക്കു ലഭിച്ച സഹായ​ത്തിന്‌ ഞാൻ യഹോ​വ​യോട്‌ എന്നും നന്ദിയു​ള്ള​വ​നാണ്‌.

ഡി. എസ്‌., ഐക്യ​നാ​ടു​കൾ (g03 12/22)

തേങ്ങ ഏപ്രിൽ 8, 2003 ലക്കത്തിലെ “ഭൂമി​യി​ലെ ഏറ്റവും ഉപയോ​ഗ​പ്ര​ദ​മായ ഒരു വൃക്ഷഫലം” എന്ന ലേഖനം ഞാൻ വളരെ​യ​ധി​കം ആസ്വദി​ച്ചു. ഞാനും കൂട്ടു​കാ​രി​യും കൂടി ഒരു ഹോബി​യെ​ന്ന​വണ്ണം സോപ്പ്‌ ഉണ്ടാക്കാ​റുണ്ട്‌. സോപ്പിൽ ഞങ്ങൾ വെളി​ച്ചെ​ണ്ണ​യാണ്‌ ഉപയോ​ഗി​ക്കു​ന്നത്‌. കാരണം അത്‌ ചർമത്തി​നു നല്ലതാണ്‌, ധാരാളം പതയും കിട്ടും. ഈ ലേഖനം വായി​ച്ച​തി​നു​ശേഷം ഞാൻ തേങ്ങയു​ടെ മൂല്യം കൂടു​ത​ലാ​യി വിലമ​തി​ക്കാൻ തുടങ്ങി​യി​രി​ക്കു​ന്നു.

സി. എം., ഐക്യ​നാ​ടു​കൾ (g03 12/08)

ദത്തെടു​ക്കൽ “യുവജ​നങ്ങൾ ചോദി​ക്കു​ന്നു . . . എനി​ക്കൊ​രു ദത്തുപു​ത്രി ആകേണ്ടി​വ​ന്നത്‌ എന്തു​കൊണ്ട്‌?” (മേയ്‌ 8, 2003) എന്ന തക്കസമ​യത്തെ ലേഖന​ത്തി​നു നന്ദി. എന്റെ മകൾക്ക്‌ അവളുടെ സാഹച​ര്യ​ങ്ങൾ നിമിത്തം അവളുടെ കുഞ്ഞിനെ ദത്തുനൽകേ​ണ്ടി​വന്നു. ഇത്‌ എന്റെ മനസ്സാ​ക്ഷി​യെ വളരെ​യ​ധി​കം അലട്ടി​യി​രു​ന്നു. ഈ വിവരങ്ങൾ തക്കസമ​യ​ത്താ​ണു വന്നത്‌. ഈ ലേഖനം ഞാൻ മകൾക്ക്‌ അയച്ചു കൊടു​ത്തി​ട്ടുണ്ട്‌.

ഇ. ഡി., ഗയാന (g03 12/22)

ദത്തെടു​ക്ക​ലി​നെ കുറിച്ച്‌ മേയ്‌ 8, ജൂൺ 8 ലക്കങ്ങളിൽ വന്ന സമയോ​ചി​ത​മായ ലേഖന​ങ്ങൾക്കു വളരെ​യ​ധി​കം നന്ദി പറയാ​നാണ്‌ ഞാൻ ഇതെഴു​തു​ന്നത്‌. ഞാനും ഭർത്താ​വും അടുത്ത​കാ​ലത്ത്‌ ഒരു ആൺകു​ഞ്ഞി​നെ ദത്തെടു​ത്തു. അവനെ യഹോ​വ​യും അവന്റെ ഡാഡി​യും ഞാനും എത്രമാ​ത്രം സ്‌നേ​ഹി​ക്കു​ന്നു​വെന്ന്‌ അറിയാ​നും മനസ്സി​ലാ​ക്കാ​നും സഹായി​ക്കു​ന്ന​തിന്‌ കാലാ​ന്ത​ര​ത്തിൽ ഞങ്ങൾ ഈ രണ്ടു ലേഖനങ്ങൾ ഉപയോ​ഗി​ക്കും.

എസ്‌. ആർ., ഐക്യ​നാ​ടു​കൾ (g03 12/22)

ദത്തെടു​ക്ക​ലി​നെ കുറി​ച്ചുള്ള ലേഖന​ത്തിന്‌ ഒരുപാട്‌ നന്ദി. എനിക്ക്‌ 47 വയസ്സുണ്ട്‌. ഒരു ദത്തുപു​ത്രി എന്ന നിലയിൽ വളരേ​ണ്ടി​വ​ന്ന​തി​നെ കുറിച്ച്‌ ഞാൻ ഇപ്പോ​ഴും വ്യാകു​ല​പ്പെ​ടാ​റുണ്ട്‌. ഞാൻ ബഹുമാ​നി​ക്കു​ക​യും വളരെ​യ​ധി​കം സ്‌നേ​ഹി​ക്കു​ക​യും ചെയ്യുന്ന എന്റെ വളർത്തു മാതാ​പി​താ​ക്കൾക്ക്‌, സ്‌നേ​ഹ​ത്തി​നും വാത്സല്യ​ത്തി​നു​മാ​യുള്ള എന്റെ ദാഹ​ത്തോ​ടു പ്രതി​ക​രി​ക്കാൻ കഴിഞ്ഞില്ല. ഒരിക്ക​ലും അവർ വാത്സല്യ​പൂർവം എന്നെ ആശ്ലേഷി​ക്കു​ക​യോ ലാളി​ക്കു​ക​യോ ചെയ്‌തി​ട്ടില്ല. ഞാൻ ആവശ്യ​പ്പെ​ട്ട​പ്പോൾ പോലും. അത്തരം നിരാ​ക​രണം എന്നെ വളരെ​യ​ധി​കം വിഷമി​പ്പി​ച്ചു. എന്നിരു​ന്നാ​ലും, ഈ ലേഖനം ഏറെ സാന്ത്വനം പകരു​ന്ന​തും ഹൃദ​യോ​ഷ്‌മ​ള​വും ആയിരു​ന്നു.

ഡി. എച്ച്‌., ഐക്യ​നാ​ടു​കൾ (g03 12/22)