നമ്മളോട്‌ ആരെങ്കി​ലും ദ്രോഹം ചെയ്‌തി​ട്ടു​ണ്ടെ​ങ്കിൽ സ്വാഭാ​വി​ക​മാ​യും നമുക്കു ദേഷ്യം തോന്നും. പക്ഷേ നമ്മൾ പ്രതി​കാ​രം ചെയ്യു​ന്നത്‌ ദൈവ​ത്തിന്‌ ഇഷ്ടമല്ല. താൻ എല്ലാ അനീതി​യും തുടച്ചു​നീ​ക്കു​ന്ന​തു​വരെ കാത്തി​രി​ക്കാ​നാണ്‌ ദൈവം പറയു​ന്നത്‌.—സങ്കീർത്തനം 37:7, 10.

മനുഷ്യർ പകരം വീട്ടാൻ തുനി​ഞ്ഞി​റ​ങ്ങി​യാൽ അതു വെറു​പ്പും വിദ്വേ​ഷ​വും ആളിക്ക​ത്തി​ക്കു​കയേ ഉള്ളൂ. അതു​കൊണ്ട്‌ ആരെങ്കി​ലും നിങ്ങളെ ദ്രോ​ഹി​ക്കു​ക​യോ വേദനി​പ്പി​ക്കു​ക​യോ ചെയ്‌താൽ പകരം​വീ​ട്ടാൻ ശ്രമി​ക്ക​രുത്‌. പകരം സംയമനം പാലി​ക്കുക, തിരിച്ച്‌ സമാധാ​ന​ത്തോ​ടെ ഇടപെ​ടുക. ചില​പ്പോൾ ചില​തൊ​ക്കെ കണ്ടി​ല്ലെന്നു വെക്കു​ന്ന​താണ്‌ ഏറ്റവും നല്ലത്‌. (സുഭാ​ഷി​തങ്ങൾ 19:11) എന്നാൽ മറ്റു ചില സാഹച​ര്യ​ങ്ങ​ളിൽ ആ പ്രശ്‌നം വേണ്ടതു​പോ​ലെ കൈകാ​ര്യം ചെയ്യേ​ണ്ട​തു​ണ്ടാ​യി​രി​ക്കാം. ഉദാഹ​ര​ണ​ത്തിന്‌, നിങ്ങൾ ഒരു കുറ്റകൃ​ത്യ​ത്തിന്‌ ഇരയാ​യാൽ ആ കാര്യം പോലീ​സി​നെ​യോ മറ്റ്‌ അധികാ​രി​ക​ളെ​യോ അറിയി​ക്കാൻ നിങ്ങൾ തീരു​മാ​നി​ച്ചേ​ക്കാം.

സമാധാ​ന​പ​ര​മാ​യി പ്രശ്‌നം പരിഹ​രി​ക്കാൻ പറ്റി​ല്ലെന്നു തോന്നു​ന്നെ​ങ്കി​ലോ? അല്ലെങ്കിൽ ഒരു പ്രശ്‌നം പരിഹ​രി​ക്കാൻ നിങ്ങളാൽ കഴിയു​ന്ന​തെ​ല്ലാം ചെയ്‌തി​ട്ടും പ്രയോ​ജ​ന​മൊ​ന്നും ഉണ്ടാകു​ന്നി​ല്ലെ​ങ്കി​ലോ? പ്രതി​കാ​രം ചെയ്യരുത്‌. അതു പ്രശ്‌നം കൂടുതൽ വഷളാ​ക്കു​കയേ ഉള്ളൂ. പകരം, വെറു​പ്പി​ന്റെ ചങ്ങല പൊട്ടി​ച്ചെ​റി​യുക. ദൈവം തന്റേതായ വിധത്തിൽ പ്രശ്‌ന​ത്തിന്‌ ഒരു തീർപ്പു​ണ്ടാ​ക്കു​മെന്ന്‌ ഉറപ്പു​ണ്ടാ​യി​രി​ക്കുക. “ദൈവ​ത്തിൽ ആശ്രയി​ക്കൂ, ദൈവം നിനക്കു​വേണ്ടി പ്രവർത്തി​ക്കും.”—സങ്കീർത്തനം 37:3-5.