ദാമ്പത്യ​ത്തോ​ടു പ്രതി​ബ​ദ്ധ​ത​യുള്ള ഭാര്യാ​ഭർത്താ​ക്ക​ന്മാർ അതിനെ ആജീവ​നാ​ന്ത​ബ​ന്ധ​മാ​യി​ട്ടാ​യി​രി​ക്കും കാണു​ന്നത്‌. അവർക്ക്‌ ആ ബന്ധത്തിൽ സുരക്ഷി​ത​ത്വം തോന്നും. ബുദ്ധി​മു​ട്ടു​നി​റഞ്ഞ സാഹച​ര്യ​ങ്ങ​ളിൽപ്പോ​ലും ജീവി​ത​പ​ങ്കാ​ളി തങ്ങളെ വിട്ടു​പോ​കില്ല എന്ന ഉറപ്പ്‌ അവർക്കുണ്ട്‌.

വിവാ​ഹ​മോ​ച​നം നേടി​യാൽ മറ്റുള്ളവർ എന്തു വിചാ​രി​ക്കു​മെന്ന്‌ ഓർത്ത്‌ ചില ദമ്പതികൾ വീർപ്പു​മു​ട്ടി ഒരുമിച്ച്‌ കഴിയു​ന്നു. എന്നാൽ ഒരുമിച്ച്‌ ജീവി​ക്കു​ന്ന​തി​നുള്ള അടിസ്ഥാ​നം പരസ്‌പര സ്‌നേ​ഹ​വും ബഹുമാ​ന​വും ആണെങ്കിൽ അത്‌ എത്രയോ നല്ലതാ​യി​രി​ക്കും.

ബൈബിൾത​ത്ത്വം: ‘ഭർത്താവ്‌ ഭാര്യയെ ഉപേക്ഷി​ക്ക​രുത്‌.’—1 കൊരി​ന്ത്യർ 7:11.

“നിങ്ങൾക്ക്‌ ദാമ്പത്യ​ത്തോട്‌ പ്രതി​ബ​ദ്ധ​ത​യു​ണ്ടെ​ങ്കിൽ നിങ്ങൾ പെട്ടെന്നു മുഷി​യില്ല. ക്ഷമിക്കാ​നും ക്ഷമ ചോദി​ക്കാ​നും നിങ്ങൾ മടി കാണി​ക്കില്ല. നിങ്ങൾ പ്രശ്‌ന​ങ്ങളെ പ്രശ്‌നങ്ങൾ മാത്ര​മാ​യി കാണും, അല്ലാതെ അതിനെ വിവാ​ഹ​മോ​ച​ന​ത്തി​നുള്ള ഒരു അടിസ്ഥാ​ന​മാ​ക്കില്ല.”—മൈക്ക.

പ്രതി​ബ​ദ്ധ​ത​യി​ല്ലാത്ത ദമ്പതികൾ, പ്രശ്‌നങ്ങൾ വരു​മ്പോൾ ‘ഞങ്ങൾ തമ്മിൽ ഒരു ചേർച്ച​യു​മില്ല’ എന്നു പറഞ്ഞ്‌ വിവാ​ഹ​മോ​ച​ന​ത്തി​നുള്ള വഴികൾ നോക്കും.

“‘വേണ്ടി​വ​ന്നാൽ വിവാ​ഹ​മോ​ചനം ചെയ്യാം’ എന്ന ചിന്ത​യോ​ടെ​യാണ്‌ പലരും വിവാഹം കഴിക്കു​ന്നത്‌. ഇങ്ങനെ​യൊ​രു ചിന്ത​യോ​ടെ വിവാഹം കഴിക്കു​ന്ന​വർക്ക്‌ തുടക്ക​ത്തി​ലേ പ്രതി​ബദ്ധത ഉണ്ടായി​രി​ക്കില്ല.”—ജീൻ.

ചിന്തി​ച്ചു​നോ​ക്കൂ

ഒരു വഴക്കി​നി​ട​യ്‌ക്ക്‌. . .

• ‘ഈ വ്യക്തിയെ വിവാഹം ചെയ്‌ത​ല്ലോ’ എന്ന്‌ ഓർത്ത്‌ നിങ്ങൾക്ക്‌ വിഷമം തോന്നി​യി​ട്ടു​ണ്ടോ?

• മറ്റൊ​രാ​ളോ​ടൊ​പ്പം ജീവി​ക്കു​ന്ന​തി​നെ​ക്കു​റിച്ച്‌ നിങ്ങൾ ചിന്തി​ച്ചി​ട്ടു​ണ്ടോ?

• “എനിക്കു നിന്നെ/നിങ്ങളെ വേണ്ട,” “എന്നെ ഇഷ്ടപ്പെ​ടുന്ന ആരു​ടെ​യെ​ങ്കി​ലും​കൂ​ടെ ഞാൻ ജീവി​ച്ചു​കൊ​ള്ളാം” എന്നൊക്കെ നിങ്ങൾ പറഞ്ഞി​ട്ടു​ണ്ടോ?

ഇതിൽ ഏതെങ്കി​ലും ചോദ്യ​ത്തി​നുള്ള നിങ്ങളു​ടെ ഉത്തരം ‘ഉണ്ട്‌’ എന്നാ​ണെ​ങ്കിൽ നിങ്ങളു​ടെ പ്രതി​ബദ്ധത ശക്തമാ​ക്കാൻ സമയമാ​യി.

ജീവി​ത​പ​ങ്കാ​ളി​യു​മാ​യി ചർച്ച ചെയ്യുക

• നമ്മുടെ വിവാ​ഹ​ജീ​വി​ത​ത്തി​ലെ പ്രതി​ബദ്ധത കുറഞ്ഞി​ട്ടു​ണ്ടോ? ഉണ്ടെങ്കിൽ എന്തു​കൊണ്ട്‌?

• പ്രതി​ബദ്ധത ശക്തമാ​ക്കു​ന്ന​തി​നു നമുക്ക്‌ ഇപ്പോൾ എന്തു ചെയ്യാ​നാ​കും?

നുറു​ങ്ങു​കൾ

• ഇടയ്‌ക്കൊ​ക്കെ ഇണയ്‌ക്ക്‌ ഒരു പ്രണയ​ക്കു​റിപ്പ്‌ എഴുതുക

• ജോലി​സ്ഥ​ലത്ത്‌ നിങ്ങൾക്ക്‌ കാണാൻ കഴിയുന്ന ഒരിടത്ത്‌ ഇണയുടെ ഫോ​ട്ടോ​കൾ വെക്കുക, അങ്ങനെ ഇണയോ​ടുള്ള പ്രതി​ബദ്ധത കാണി​ക്കാം

• ജോലി​സ്ഥ​ല​ത്താ​യി​രി​ക്കു​മ്പോ​ഴോ അകലെ​യാ​യി​രി​ക്കു​മ്പോ​ഴോ എല്ലാ ദിവസ​വും ഇണയോ​ടു സംസാ​രി​ക്കു​ക

ബൈബിൾത​ത്ത്വം: “ദൈവം കൂട്ടി​ച്ചേർത്ത​തി​നെ ഒരു മനുഷ്യ​നും വേർപെ​ടു​ത്താ​തി​രി​ക്കട്ടെ.”—മത്തായി 19:6.