വടക്കേ ഇന്ത്യയു​ടെ അടുത്ത്‌ സ്ഥിതി ചെയ്യുന്ന വലിയ പർവത​നി​ര​ക​ളുള്ള നേപ്പാ​ളിൽ, 2015 ഏപ്രിൽ 25 ശനിയാഴ്‌ച 7.8 തീവ്ര​ത​യുള്ള ഭൂകമ്പം ഉണ്ടായി. തലസ്ഥാ​ന​മായ കാഠ്‌മ​ണ്ഡു​വി​ന്റെ വടക്കു​പ​ടി​ഞ്ഞാ​റു ഭാഗത്ത്‌ 80 കി.മീ ചുറ്റള​വി​ലുള്ള എല്ലാവ​രെ​യും ഭൂകമ്പം സാരമാ​യി ബാധിച്ചു. നേപ്പാ​ളി​ന്റെ ചരി​ത്ര​ത്തിൽ നടന്ന അതിദാ​രു​ണ​മായ പ്രകൃ​തി​ദു​ര​ന്ത​ങ്ങ​ളിൽ ഒന്നായി​രു​ന്നു ഇത്‌. 8,500-ലധികം ആളുക​ളാണ്‌ ഇതിൽ മരിച്ചത്‌. 5 ലക്ഷത്തി​ല​ധി​കം വീടുകൾ തകർന്ന​ടി​ഞ്ഞു. 2,200-ഓളം യഹോ​വ​യു​ടെ സാക്ഷി​ക​ളുള്ള നേപ്പാ​ളിൽ അനേക​രും ഈ ദുരന്ത​പ്ര​ദേ​ശ​ത്താണ്‌ താമസി​ച്ചി​രു​ന്നത്‌. സങ്കടക​ര​മെന്നു പറയട്ടെ, അതിൽ ഒരു സാക്ഷി​യും അവരുടെ രണ്ട്‌ കുട്ടി​ക​ളും കൊല്ല​പ്പെട്ടു.

സാക്ഷി​യാ​യ മിഷേൽ പറയുന്നു: “ഭൂകമ്പം തകർത്തെ​റിഞ്ഞ പ്രദേ​ശ​ങ്ങ​ളി​ലെ സഭകൾ സംഭവ​സ​മ​യത്ത്‌ അവരുടെ യോഗങ്ങൾ കൂടു​ക​യാ​യി​രു​ന്നു. ആളുകൾ വീട്ടി​ലുള്ള സമയത്താണ്‌ ഇത്‌ സംഭവി​ച്ച​തെ​ങ്കിൽ മരണനി​രക്ക്‌ ഇതി​നെ​ക്കാൾ ഉയരു​മാ​യി​രു​ന്നു.” എന്നാൽ യോഗ​ങ്ങൾക്കു കൂടി​വ​ന്നവർ ഈ ദുരന്ത​ത്തിൽനിന്ന്‌ രക്ഷപ്പെ​ട്ടത്‌ എങ്ങനെ​യാണ്‌? അവി​ടെ​യുള്ള രാജ്യ​ഹാ​ളു​കൾ നിർമി​ച്ചി​രി​ക്കുന്ന രീതി ഒന്നു​കൊ​ണ്ടാണ്‌.

നേപ്പാ​ളിൽ പുതു​താ​യി പണിതി​രി​ക്കുന്ന രാജ്യ​ഹാ​ളു​കൾ ഭൂമി​കു​ലു​ക്കത്തെ പ്രതി​രോ​ധി​ക്കുന്ന വിധത്തി​ലാണ്‌ നിർമി​ച്ചി​രി​ക്കു​ന്നത്‌. രാജ്യ​ഹാൾ നിർമാ​ണ​സം​ഘ​ത്തി​ലെ അംഗമായ മൻ ബഹാദുർ ഇങ്ങനെ പറയുന്നു: “അത്ര വലുത​ല്ലാത്ത കെട്ടി​ട​ത്തിന്‌ ഇത്ര ശക്തമായ അടിത്തറ ഇടേണ്ട​തു​ണ്ടോ​യെന്ന്‌ ഞങ്ങൾ പലപ്പോ​ഴും ചോദി​ച്ചി​ട്ടുണ്ട്‌. അതിന്റെ പ്രയോ​ജനം ഇപ്പോ​ഴാണ്‌ ഞങ്ങൾക്കു മനസ്സി​ലാ​യത്‌.” ഭൂകമ്പം ബാധിച്ച പ്രദേ​ശത്ത്‌ ആളുകൾക്ക്‌ പേടി​കൂ​ടാ​തെ താമസി​ക്കാൻ പര്യാ​പ്‌ത​മാണ്‌ രാജ്യ​ഹാ​ളു​ക​ളെന്ന്‌ ഉത്തരവാ​ദി​ത്വ​പ്പെട്ട സഹോ​ദ​രങ്ങൾ ഉറപ്പു നൽകി. പിന്നീട്‌ ചെറിയ തുടർച​ല​നങ്ങൾ ഉണ്ടായി​രു​ന്നെ​ങ്കി​ലും ഞങ്ങളും അയൽക്കാ​രും ഒട്ടും ഭയമി​ല്ലാ​തെ അതിനു​ള്ളിൽ തങ്ങി.

ഇതിനി​ടെ തങ്ങളുടെ സഭയിലെ കാണാ​തായ അംഗങ്ങൾക്കു​വേണ്ടി സഭാമൂ​പ്പ​ന്മാർ ഊർജി​ത​മായ തിരച്ചിൽ നടത്തി. ബബിത എന്ന ഒരു സാക്ഷി പറയുന്നു: “സ്വന്തതാ​ത്‌പ​ര്യ​ത്തെ​ക്കാൾ സഭയുടെ ക്ഷേമത്തി​നാണ്‌ മൂപ്പന്മാർ പ്രഥമ​സ്ഥാ​നം നൽകി​യത്‌. ആ സ്‌നേഹം ഞങ്ങളുടെ ഹൃദയത്തെ സ്‌പർശി​ച്ചു. ഭൂകമ്പത്തെ തുടർന്നുള്ള ദിവസം നേപ്പാ​ളി​ലുള്ള യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ത്തി​നു മേൽനോ​ട്ടം വഹിക്കുന്ന കമ്മിറ്റി​യി​ലെ മൂന്ന്‌ അംഗങ്ങ​ളും സഞ്ചാര​മേൽവി​ചാ​ര​ക​ന്മാ​രും സഭകൾ സന്ദർശി​ച്ചു. സഭാമൂ​പ്പ​ന്മാർക്കു​വേണ്ട സഹായ​ങ്ങ​ളും പിന്തു​ണ​യും അവർ നൽകി.”

ഭൂകമ്പം നടന്ന്‌ ആറു ദിവസ​ത്തി​നു ശേഷം, ഐക്യ​നാ​ടു​ക​ളി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​ന​ത്തു​നിന്ന്‌ ഗാരി ബ്രോ സഹോ​ദ​ര​നും റൂബി സഹോ​ദ​രി​യും നേപ്പാ​ളി​ലേക്കു വന്നു. മുമ്പു പറഞ്ഞ കമ്മിറ്റി​യി​ലെ ഒരു അംഗമായ രൂബേൻ പറഞ്ഞു: “കാഠ്‌മ​ണ്ഡു​വിൽ ഇപ്പോ​ഴുള്ള പ്രത്യേ​ക​സാ​ഹ​ച​ര്യ​ങ്ങ​ളും തുടർച​ല​ന​ങ്ങ​ളും മൂലം ഗാരി സഹോ​ദ​രന്‌ ഇവിടെ എത്തി​ച്ചേ​രാ​നാ​കു​മോ​യെന്ന എന്ന കാര്യ​ത്തിൽ ഞങ്ങൾക്ക്‌ ഉറപ്പി​ല്ലാ​യി​രു​ന്നു. എന്നാൽ ഗാരി സഹോ​ദരൻ ഇവിടെ എത്തി​ച്ചേ​രു​ക​തന്നെ ചെയ്‌തു. പ്രദേ​ശത്തെ സാക്ഷി​കൾക്ക്‌ അദ്ദേഹ​ത്തി​ന്റെ വരവ്‌ വലിയ ആശ്വാ​സ​മേകി.”

നേപ്പാ​ളിൽ സാക്ഷി​ക​ളു​ടെ ഓഫീ​സിൽ ജോലി ചെയ്യുന്ന സൈലസ്‌ പറഞ്ഞത്‌ ഇങ്ങനെ​യാണ്‌: “ടെലി​ഫോൺ ലൈൻ ശരിയാ​ക്കി​ക്ക​ഴി​ഞ്ഞ​പ്പോൾ ഓഫീ​സിൽ രാപക​ലി​ല്ലാ​തെ ഫോൺ ശബ്ദിച്ചു​കൊ​ണ്ടി​രു​ന്നു. ഞങ്ങളുടെ ക്ഷേമം അറിയാൻ ലോക​മെ​ങ്ങു​മുള്ള  സഹസാ​ക്ഷി​കൾ അതീവ​ത​ത്‌പ​ര​രാ​യി​രു​ന്നു. അവരിൽ ചിലരു​ടെ ഭാഷ ഞങ്ങൾക്കു മനസ്സി​ലാ​യി​ല്ലെ​ങ്കി​ലും ഞങ്ങളോ​ടുള്ള സ്‌നേ​ഹ​വും, സഹായി​ക്കാ​നുള്ള ആഗ്രഹ​വും അവരുടെ ശബ്ദത്തിൽ നിഴലി​ക്കു​ന്നു​ണ്ടാ​യി​രു​ന്നു.”

ഭൂകമ്പ​ത്തി​നു ശേഷമുള്ള അനേക​ദി​വ​സ​ങ്ങ​ളിൽ പ്രദേ​ശത്തെ സാക്ഷികൾ ആവശ്യ​ക്കാർക്കു​വേണ്ട ഭക്ഷണം രാജ്യ​ഹാ​ളിൽ എത്തിച്ചു​കൊ​ടു​ത്തു. ഇതിനു പുറമേ അവിടെ ഒരു ദുരി​താ​ശ്വാ​സ കമ്മിറ്റി​യും രൂപീ​ക​രി​ച്ചു. ബംഗ്ലാ​ദേശ്‌, ഇന്ത്യ, ജപ്പാൻ എന്നിവി​ട​ങ്ങ​ളിൽനിന്ന്‌ അവശ്യ​സാ​ധ​നങ്ങൾ വന്നു​ചേ​രാൻ തുടങ്ങി. ദിവസ​ങ്ങൾക്കു​ള്ളിൽത്തന്നെ യൂറോ​പ്പിൽനിന്ന്‌ സാക്ഷി​ക​ളു​ടെ ഒരു വൈദ്യ​പ​രി​ചരണ സംഘം രാജ്യ​ഹാൾ കേന്ദ്രീ​ക​രിച്ച്‌ പ്രവർത്തനം ആരംഭി​ച്ചു. ദുരന്ത​ബാ​ധി​ത​രായ വ്യക്തി​ക​ളു​ടെ ശാരീ​രി​ക​വും വൈകാ​രി​ക​വും ആയ ആരോ​ഗ്യ​ത്തി​നാ​യി ഒട്ടും സമയം പാഴാ​ക്കാ​തെ അവർ പ്രവർത്തി​ച്ചു.

ദുരന്ത​ബാ​ധി​ത​രു​ടെ വികാ​ര​ങ്ങ​ളാണ്‌ ഉത്തര എന്ന സ്‌ത്രീക്ക്‌ പറയാ​നു​ള്ളത്‌. “ഭൂകമ്പം ഭീകര​വും ഭയാന​ക​വും ആയിരു​ന്നു. എങ്കിലും ഞങ്ങളുടെ ആത്മീയ​കു​ടും​ബ​ത്തി​ന്റെ സ്‌നേ​ഹ​ബന്ധം മുമ്പ​ത്തെ​ക്കാൾ ഇഴയടു​പ്പ​മു​ള്ള​താ​യി.” ഭൂകമ്പം യഹോ​വ​യു​ടെ ജനത്തി​നി​ട​യി​ലെ സ്‌നേ​ഹ​ത്തിന്‌ വിള്ളൽ വീഴ്‌ത്തി​യില്ല. പകരം ആ സ്‌നേ​ഹത്തെ കൂടുതൽ ശക്തമാ​ക്കു​ക​യാണ്‌ ചെയ്‌തത്‌.