യശയ്യ 52:1-15
52 സീയോനേ,+ ഉണരൂ! ഉണർന്ന്‌ ശക്തി ധരിക്കൂ!+
വിശുദ്ധനഗരമായ യരുശലേമേ, നിന്റെ മനോഹരമായ വസ്‌ത്രങ്ങൾ+ അണിയൂ!
അഗ്രചർമികളോ അശുദ്ധരോ ഇനി നിന്നിൽ പ്രവേശിക്കില്ല.+
2 യരുശലേമേ, എഴുന്നേറ്റ്‌ പൊടി തട്ടിക്കളഞ്ഞ്‌ ഇരിപ്പിടത്തിൽ ഇരിക്കുക,
ബന്ധനത്തിൽ കഴിയുന്ന സീയോൻപുത്രീ,+ നിന്റെ കഴുത്തിലെ ബന്ധനങ്ങൾ ഊരിക്കളയുക.
3 യഹോവ ഇങ്ങനെ പറയുന്നു:
“വില വാങ്ങാതെയാണു നിങ്ങളെ വിറ്റുകളഞ്ഞത്‌,+
വില കൊടുക്കാതെതന്നെ നിങ്ങളെ വീണ്ടെടുക്കും.”+
4 പരമാധികാരിയാം കർത്താവായ യഹോവ ഇങ്ങനെ പറയുന്നു:
“ആദ്യം എന്റെ ജനം ഈജിപ്‌തിലേക്കു പോയി അവിടെ പരദേശികളായി താമസിച്ചു;+പിന്നെ ഒരു കാരണവുമില്ലാതെ അസീറിയ അവരെ ഉപദ്രവിച്ചു.”
5 “ഇനി ഞാൻ ഇവിടെ എന്തു ചെയ്യണം,” യഹോവ ചോദിക്കുന്നു.
“എന്റെ ജനത്തെ വെറുതേ പിടിച്ചുകൊണ്ടുപോയിരിക്കുന്നു.
അവരെ ഭരിക്കുന്നവർ വിജയാഹ്ലാദത്താൽ അട്ടഹസിക്കുന്നു”+ എന്ന്‌ യഹോവ പറയുന്നു.“എന്റെ പേര്‌ നിരന്തരം, ദിവസം മുഴുവൻ, അപമാനത്തിന്‌ ഇരയാകുന്നു.+
6 അതുകൊണ്ട്‌, എന്റെ ജനം എന്റെ പേര്‌ അറിയും;+ഞാനാണു സംസാരിക്കുന്നതെന്ന്‌ അവർ അന്ന്‌ അറിയും.
അതെ, ഞാൻതന്നെ!”
7 സന്തോഷവാർത്തയുമായി വരുകയുംസമാധാനം വിളംബരം ചെയ്യുകയും+ഏറെ മെച്ചമായ ഒന്നിനെക്കുറിച്ച്‌ ശുഭവാർത്ത കൊണ്ടുവരുകയുംരക്ഷയെക്കുറിച്ച്‌ പ്രഖ്യാപിക്കുകയും“നിന്റെ ദൈവം രാജാവായിരിക്കുന്നു!”+ എന്നു സീയോനോടു പറയുകയും ചെയ്യുന്നവന്റെ പാദങ്ങൾ പർവതങ്ങളിൽ എത്ര മനോഹരം!+
8 ശ്രദ്ധിക്കൂ! അതാ, നിന്റെ കാവൽക്കാർ ശബ്ദം ഉയർത്തുന്നു.
അവർ ഒന്നിച്ച്‌ സന്തോഷാരവം മുഴക്കുന്നു,യഹോവ സീയോനെ വീണ്ടും കൂട്ടിച്ചേർക്കുന്നത്‌ അവർ വ്യക്തമായി കാണും.
9 യരുശലേമിന്റെ നാശാവശിഷ്ടങ്ങളേ, ഏകസ്വരത്തിൽ ഉല്ലസിച്ച്‌ സന്തോഷാരവം മുഴക്കുക,+യഹോവ തന്റെ ജനത്തെ ആശ്വസിപ്പിച്ചിരിക്കുന്നു;+ അവൻ യരുശലേമിനെ വീണ്ടെടുത്തിരിക്കുന്നു.+
10 സകല ജനതകളും കാൺകെ യഹോവ തന്റെ വിശുദ്ധകരം തെറുത്തുകയറ്റിയിരിക്കുന്നു;+ഭൂമിയുടെ അതിരുകളെല്ലാം നമ്മുടെ ദൈവത്തിന്റെ രക്ഷാപ്രവൃത്തികൾ* കാണും.+
11 വിട്ടുപോരുവിൻ, വിട്ടുപോരുവിൻ! അവിടെനിന്ന്‌ പുറത്ത്‌ കടക്കുവിൻ,+
അശുദ്ധമായത്‌ ഒന്നും തൊടരുത്‌!+യഹോവയുടെ ഉപകരണങ്ങൾ ചുമക്കുന്നവരേ,+അവളുടെ മധ്യേനിന്ന്‌ പുറത്ത്‌ കടക്കുവിൻ;+ ശുദ്ധിയുള്ളവരായിരിക്കുവിൻ.
12 നിങ്ങൾ പരിഭ്രാന്തരായി പലായനം ചെയ്യേണ്ടി വരില്ല,നിങ്ങൾക്ക്‌ ഓടിപ്പോരേണ്ടിയും വരില്ല.യഹോവ നിങ്ങളുടെ മുമ്പേ പോകും,+ഇസ്രായേലിന്റെ ദൈവം നിങ്ങളുടെ പിൻപടയായിരിക്കും.+
13 എന്റെ ദാസൻ+ ഉൾക്കാഴ്‌ചയോടെ പ്രവർത്തിക്കും.
അവനെ ഉന്നതനാക്കും,അവനെ ഉയർത്തി അത്യന്തം മഹത്ത്വപ്പെടുത്തും.+
14 അവനെ അമ്പരപ്പോടെ നോക്കാൻ അനേകരുണ്ടായിരുന്നു.—കാരണം, അവന്റെ രൂപം മറ്റു മനുഷ്യരുടേതിനെക്കാൾ വികൃതമാക്കിയിരുന്നു;അവന്റെ ആകാരം മനുഷ്യകുലത്തിലുള്ള മറ്റാരുടേതിനെക്കാളും വിരൂപമാക്കിയിരുന്നു.—
15 അതുപോലെ അവനും അനേകം ജനതകളെ+ അന്ധാളിപ്പിക്കും.
രാജാക്കന്മാർ അവന്റെ മുന്നിൽ വായ്‌ തുറക്കില്ല.*+ആരും അവരോട്‌ ഇതുവരെ പറഞ്ഞിട്ടില്ലാത്ത കാര്യങ്ങൾ അവർ കാണും;ഇതുവരെ കേട്ടിട്ടില്ലാത്ത കാര്യങ്ങൾ അവർ ചിന്തിക്കും.+