വാർവിക്ക്‌ പണിസ്ഥ​ല​ത്തെ എല്ലാ കെട്ടി​ട​ങ്ങ​ളും ഇപ്പോൾ ഉപയോ​ഗി​ച്ചു തുടങ്ങി​യി​രി​ക്കു​ന്നു. സെപ്‌റ്റം​ബർ മാസത്തി​ന്റെ തുടക്ക​ത്തോ​ടെ, ബ്രൂക്‌ലി​നിൽ താമസി​ച്ചി​രു​ന്ന നിർമാണ സന്നദ്ധ​സേ​വ​ക​രും മുഴു​സ​മയ സേവക​രും ഉൾപ്പെടെ ഏതാണ്ട്‌ 500 ആളുകൾ വാർവി​ക്കിൽ താമസം തുടങ്ങി​യി​രു​ന്നു.

“യഹോ​വ​യു​ടെ പേരി​നാ​യി ഒരു ജനം” എന്ന പേരി​ലു​ള്ള പ്രദർശന മുറി​യു​ടെ പ്രധാന കവാട​ത്തി​ന്റെ ഭിത്തി​യി​ലു​ള്ള ടൈലി​ന്റെ തിളക്കം പരി​ശോ​ധി​ക്കു​ന്ന ഒരു ജോലി​ക്കാ​രൻ. പഴമ തോന്നും വിധം പെയിന്റ്‌ ചെയ്‌ത ടൈലു​ക​ളാണ്‌ ഇവ. അതു പ്രദർശ​ന​മു​റി​യി​ലെ ചരി​ത്ര​വി​ഷ​യ​ത്തിന്‌ അനു​യോ​ജ്യ​മാ​യ ഒരു അന്തരീക്ഷം ഒരുക്കു​ന്നു.

യഹോ​വ​യു​ടെ സാക്ഷി​ക​ളു​ടെ ഭരണസം​ഘാം​ഗ​മാ​യ സ്റ്റീഫൻ ലെറ്റ്‌ സഹോ​ദ​ര​നാ​യി​രു​ന്നു വാർവിക്കിൽവെച്ച്‌ നടന്ന ആദ്യത്തെ പ്രഭാ​താ​രാ​ധ​ന​യു​ടെ അധ്യക്ഷൻ. അന്ന്‌ ലെറ്റ്‌ സഹോ​ദ​രൻ, വാർവി​ക്കി​ലെ പുതിയ കെട്ടിട സൗകര്യ​ങ്ങൾ നിർമി​ക്കു​ന്ന​തി​നു സഹായിച്ച 27,000-ത്തിലധി​കം വരുന്ന സന്നദ്ധ സേവകർക്കും ഈ നിർമാണ പ്രവർത്ത​ന​ത്തെ വ്യത്യ​സ്‌ത വിധങ്ങ​ളിൽ പിന്തുണച്ച മറ്റു പലർക്കും നന്ദി അറിയി​ച്ചു​കൊണ്ട്‌ ഒരു കത്ത്‌ വായിച്ചു.

ഗൈഡി​ന്റെ സഹായം കൂടാതെ നടന്നു കാണാൻ കഴിയുന്ന മൂന്നു പ്രദർശ​ന​ശാ​ല​ക​ളുണ്ട്‌ ഇവിടെ. അതിൽ ഒന്നിന്റെ മുമ്പി​ലു​ള്ള പ്രവേശന ബോർഡിൽ അക്ഷരങ്ങൾ വെക്കുന്ന ഒരു മരപ്പണി​ക്കാ​രൻ. “യഹോ​വ​യു​ടെ പേരി​നാ​യി ഒരു ജനം” എന്ന പ്രദർശ​ന​ത്തിൽ 1870-കൾ മുതൽ ഇന്നു വരെയുള്ള യഹോ​വ​യു​ടെ സാക്ഷി​ക​ളു​ടെ ആധുനി​ക​കാ​ല ചരിത്രം അടങ്ങി​യി​രി​ക്കു​ന്നു.

റൈറ്റിങ്‌ കമ്മിറ്റി അവരുടെ സഹായി​ക​ളും റൈറ്റിങ്‌ ഡിപ്പാർട്ടുമെന്റിലെ മറ്റ്‌ അംഗങ്ങ​ളും ആയി നടത്തുന്ന ഒരു യോഗം. പുറത്തി​റ​ങ്ങാൻ പോകുന്ന പ്രസി​ദ്ധീ​ക​ര​ണ​ങ്ങ​ളു​ടെ ചിത്രങ്ങൾ വലിയ മോണി​റ്റ​റു​ക​ളിൽ പ്രദർശി​പ്പി​ക്കു​ന്നു. അതോ​ടൊ​പ്പം ഈ മോണി​റ്റ​റു​കൾ വഴി മറ്റു കെട്ടി​ട​ങ്ങ​ളിൽ പ്രവർത്തി​ക്കു​ന്ന ഡിപ്പാർട്ടുമെന്റുകളും ഈ യോഗ​ത്തിൽ പങ്കെടു​ക്കു​ന്നു. വർഷങ്ങൾക്ക്‌ മുമ്പ്‌ സംഭാ​വ​ന​യാ​യി ലഭിച്ച മേശ ബ്രൂക്‌ലി​നിൽനിന്ന്‌ വാർവിക്കിലേക്കു കൊണ്ടു​വ​ന്നി​രി​ക്കു​ന്നു.

കോ-ഓർഡിനേറ്റേഴ്‌സ്‌ കമ്മിറ്റി​യു​ടെ സഹായി​യും അദ്ദേഹ​ത്തി​ന്റെ നേതൃ​ത്വ​ത്തിൻ കീഴിൽ പ്രവർത്തി​ക്കു​ന്ന മറ്റ്‌ അംഗങ്ങ​ളും, ഫിലിപ്പീൻസിൽ ഒരു ദിവസം മുമ്പ്‌ ഉണ്ടായ ഉഗ്രമായ ഹൈമ (ലാവിൻ) ചുഴലി​ക്കാറ്റ്‌ തകർത്തെ​റി​ഞ്ഞ​വ​രെ ഏതു വിധത്തിൽ സഹായി​ക്കാ​മെന്ന കാര്യം ആലോ​ചി​ക്കു​ന്നു. ലോകാ​സ്ഥാ​ന​ത്തു​ള്ള ഡിപ്പാർട്ടുമെന്റുകൾക്ക്‌ വീഡി​യോ കോൺഫ​റൻസ്‌ സംവി​ധാ​നം മുഖേന, ലോക​ത്തെ​ങ്ങു​മു​ള്ള ബ്രാ​ഞ്ചോ​ഫീ​സു​ക​ളു​മാ​യി അടിയ​ന്തി​ര​മാ​യ കാര്യങ്ങൾ വേഗത്തിൽ ചർച്ച ചെയ്യാൻ കഴിയു​ന്നു.

അറ്റകു​റ്റ​പ്പ​ണി നടക്കുന്ന കെട്ടി​ട​ത്തെ പ്രധാന പ്രവേശന വഴിയിൽനിന്ന്‌ വേർതി​രി​ക്കു​ന്നത്‌ ഒരു കുളമാണ്‌. വാർവിക്കിലുള്ള ഈ കുളവും മറ്റുള്ള​വ​യും മഴവെ​ള്ള​ത്തി​ലു​ള്ള മാലി​ന്യ​ങ്ങ​ളും മറ്റു പദാർഥ​ങ്ങ​ളും തടഞ്ഞു​നി​റു​ത്തി മഴവെള്ളം മാത്രം വേർതി​രി​ച്ചെ​ടു​ക്കു​ന്നു. സാധാരണ ഒരു അഴുക്കു​ചാൽ നിർമി​ക്കു​മ്പോൾ വരുന്ന ചെലവി​ന്റെ 50 ശതമാനം മാത്രമേ ഈ കുളത്തി​ന്റെ നിർമാ​ണ​ത്തിന്‌ ആകുന്നു​ള്ളൂ. ഇതു കൂടാതെ അരിച്ച്‌ ശുദ്ധീ​ക​രി​ച്ച വെള്ളം ആ പ്രദേ​ശ​ത്തു​ള്ള നീർച്ചാ​ലു​ക​ളി​ലേക്ക്‌ ഒഴുക്കി വിടു​ന്ന​തു​കൊണ്ട്‌ ഇവയിലെ സസ്യങ്ങ​ളു​ടെ​യും മൃഗങ്ങ​ളു​ടെ​യും ആരോ​ഗ്യം പരിര​ക്ഷി​ക്ക​പ്പെ​ടു​ന്നു.

വണ്ടിയിൽ വന്ന സാധനങ്ങൾ ഇറക്കി​വെ​ക്കു​ന്ന സഹോ​ദ​ര​ങ്ങൾ. ബ്രൂക്‌ലി​നി​ലെ ലോകാ​സ്ഥാ​നത്ത്‌ താമസി​ക്കു​ന്ന​വ​രു​ടെ സാധനങ്ങൾ വാർവിക്കിലുള്ള പുതിയ താമസ​സ്ഥ​ല​ത്തേ​ക്കു മാറ്റു​ന്ന​തി​നാ​യി ഏകദേശം 80 ജോലി​ക്കാർ അവരെ സഹായി​ച്ചു.

മെഷീ​നിൽ കുഴ​ച്ചെ​ടു​ത്ത മാവ്‌ മേശയിൽ എടുത്തു​വെ​ക്കു​ന്ന പാചക​ക്കാർ. ഈ മെഷീ​നിൽ 45 കിലോ​ഗ്രാ​മിൽ അധികം മാവ്‌ ഒറ്റ പ്രാവ​ശ്യം കുഴയ്‌ക്കാ​നാ​കും. മെഷീ​നിൽ കുഴയ്‌ക്കു​ന്ന​തു​കൊണ്ട്‌ ഈ പണി വളരെ എളുപ്പ​വും സുരക്ഷി​ത​വു​മാണ്‌. വാർവിക്ക്‌ ബേക്കറി​യി​ലു​ള്ള ഒരു ഉപകര​ണ​ത്തിന്‌ താപനി​ല​യും ഊഷ്‌മാ​വും ക്രമീ​ക​രി​ച്ചു​കൊണ്ട്‌ പുളി​പ്പി​ക്കൽ പ്രക്രി​യ​യു​ടെ വേഗത കൂട്ടാ​നോ കുറയ്‌ക്കാ​നോ കഴിയും. ഓരോ ആഴ്‌ച​യും നൂറു കണക്കിന്‌ ബ്രെഡ്‌ ഉണ്ടാക്കു​ന്ന​തി​ന്റെ ജോലി​ഭാ​രം കുറയ്‌ക്കാൻ ഈ ഉപകരണം സഹായി​ക്കു​ന്നു.

കെട്ടിട നിർമാണ പ്രവർത്ത​കർ അറ്റകു​റ്റ​പ്പ​ണി നടക്കുന്ന കെട്ടി​ട​ത്തി​നു​ള്ളി​ലെ മാലി​ന്യ​ങ്ങൾ നീക്കുന്നു. ബ്രൂക്‌ലി​നിൽനിന്ന്‌ വ്യത്യ​സ്‌ത​മാ​യി വാർവിക്കിലെ കെട്ടി​ട​ങ്ങൾ എല്ലാം പരസ്‌പ​രം ബന്ധിച്ചി​രി​ക്കു​ന്ന​തു​കൊണ്ട്‌ മാലി​ന്യ​ങ്ങൾ നീക്കു​ന്ന​തിന്‌ കുറച്ച്‌ ആളുക​ളും വണ്ടിക​ളും മാത്രം മതി.

ഒരു ഷർട്ടിന്റെ ചുളിവു മാറ്റാൻ വെള്ളം തളിച്ച്‌ മെഷീ​നിൽ തേച്ചെ​ടു​ക്കു​ന്നു. വാർവിക്കിലുള്ള അലക്കു ഡിപ്പാർട്ടുമെന്റ്‌ ഓരോ ആഴ്‌ച​യി​ലും ശരാശരി 5,000 കിലോ​ഗ്രാ​മി​ല​ധി​കം തുണി​ക​ളും ലിനനും കഴുകു​ന്നു. തുണികൾ തിരി​ച്ച​റി​യു​ന്ന​തി​നു​വേണ്ടി ജോലി ചെയ്യു​ന്ന​വർ അവയിൽ ലേബലു​കൾ പതിപ്പി​ക്കും. അലക്കു​ന്നി​ട​ത്തെ വിവിധ ഇടങ്ങളിൽ ഈ ലേബലു​കൾ സ്‌കാൻ ചെയ്യുന്നു. ഇതിലൂ​ടെ, തുണി വൃത്തി​യാ​ക്കു​ന്ന​തിൽ ഉൾപ്പെ​ട്ടി​രി​ക്കു​ന്ന പ്രക്രി​യ​ക​ളി​ലൂ​ടെ​യെ​ല്ലാം കടന്നു​പോ​യി​ട്ടു​ണ്ടെ​ന്നും ഒടുവിൽ എത്തേണ്ട ഡിപ്പാർട്ടുമെന്റുകളിലും മുറി​ക​ളി​ലും എത്തിയി​ട്ടു​ണ്ടെ​ന്നും ഉറപ്പാ​ക്കു​ന്നു.

പവർഹൗ​സിൽ ഉപയോ​ഗി​ക്കു​ന്ന ബൂം ലിഫ്‌റ്റ്‌ പരി​ശോ​ധി​ക്കു​ക​യും കേടു​പോ​ക്കു​ക​യും ചെയ്യുന്ന ഒരു മെക്കാ​നിക്ക്‌. ഇങ്ങനെ ചെയ്യു​ന്നത്‌ ഈ ഉപകര​ണ​ത്തി​ന്റെ ആയുസ്സ്‌ കൂട്ടു​ക​യും ഉപയോ​ഗി​ക്കു​ന്ന​വ​രു​ടെ സുരക്ഷി​ത​ത്വം ഉറപ്പാ​ക്കു​ക​യും ചെയ്യുന്നു.

“വിശ്വാ​സം പ്രവൃത്തിയിൽ” എന്ന പേരി​ലു​ള്ള പ്രദർശ​ന​ശാ​ല​യി​ലെ ആമുഖ പ്രദർശ​ന​ത്തി​നു​വേ​ണ്ടി​യുള്ള കമ്പ്യൂട്ടർ ആപ്ലി​ക്കേ​ഷ​ന്റെ പ്രോ​ഗ്രാ​മി​ലു​ളള തെറ്റുകൾ കണ്ടുപി​ടിച്ച്‌ തിരു​ത്തു​ന്ന ഒരു കമ്പ്യൂട്ടർ വിദഗ്‌ധൻ.

1903-ൽ നിർമിച്ച ഒരു സൈക്കിൾ “യഹോ​വ​യു​ടെ പേരി​നാ​യി ഒരു ജനം” എന്ന പേരി​ലു​ള്ള പ്രദർശ​ന​ശാ​ല​യിൽ വെക്കു​ന്ന​തി​നാ​യി മരപ്പണി​ക്കാർ മിനു​ക്കു​പ​ണി​കൾ നടത്തുന്നു. സംഭാ​വ​ന​യാ​യി ലഭിച്ച ഈ സൈക്കിൾ വാർവിക്കിലുള്ള ജോലി​ക്കാർ സൂക്ഷ്‌മ​ത​യോ​ടെ പരിര​ക്ഷി​ക്കു​ന്നു. ബൈബിൾവിദ്യാർഥികൾ (യഹോ​വ​യു​ടെ സാക്ഷികൾ മുമ്പ്‌ ഇങ്ങനെ​യാണ്‌ അറിയ​പ്പെ​ട്ടി​രു​ന്നത്‌.) ബൈബിൾസ​ന്ദേ​ശം പ്രചരി​പ്പി​ക്കു​ന്ന​തി​നു​വേണ്ടി സൈക്കിൾപോ​ലു​ള്ള യാത്രാ​മാർഗ​ങ്ങൾ ഉപയോ​ഗി​ച്ചി​രു​ന്നു. അവരുടെ ത്യാഗ​ങ്ങ​ളെ​യും പരി​ശ്ര​മ​ങ്ങ​ളെ​യും ഈ സൈക്കിൾ നന്നായി ചിത്രീ​ക​രി​ക്കു​ന്നു.

“സൃഷ്ടിപ്പിൻ ഫോട്ടോ നാടക”ത്തോടു ബന്ധപ്പെട്ട സാധനങ്ങൾ പ്രദർശി​പ്പി​ക്കു​ന്ന​തി​നു​വേണ്ടി ചില്ലു​കൂ​ടു​കൾ സ്ഥാപി​ക്കു​ന്ന ജോലി​ക്കാർ. ആ നാടക​ത്തിൽ ബൈബി​ളി​നെ അടിസ്ഥാ​ന​പ്പെ​ടു​ത്തി​യ വിവര​ങ്ങ​ളു​ടെ ചലിക്കുന്ന ചിത്ര​ങ്ങ​ളും സ്ലൈഡു​ക​ളും പ്രദർശി​പ്പി​ച്ചി​രു​ന്നു. 1914-ൽ ആണ്‌ ആദ്യം ഇത്‌ പ്രദർശി​പ്പി​ച്ചത്‌. ഏതാണ്ട്‌ 90 ലക്ഷം ആളുകൾ ആ വർഷം ഈ നാടകം കണ്ടു.

ചരി​ത്ര​രേ​ഖ​കൾ സൂക്ഷി​ക്കു​ന്ന​വ​രും ഒരു ഗ്രാഫിക്‌ കലാകാ​രി​യും 1544-ൽ പുറത്തി​റ​ങ്ങി​യ സൂറിച്ച്‌ ലത്തീൻ ബൈബി​ളി​ന്റെ പതിപ്പ്‌ “ബൈബി​ളും ദിവ്യ​നാ​മ​വും” എന്ന പ്രദർശ​ന​ശാ​ല​യിൽ വെക്കു​ന്ന​തി​നു​വേ​ണ്ടി ഒരുക്കു​ന്നു. ബൈബി​ളിൽ യഹോവ എന്ന ദിവ്യ​നാ​മം കാണാൻ കഴിയുന്ന ഭാഗമാണ്‌ ചുവന്ന അമ്പ്‌ അടയാ​ള​ത്തിൽ രേഖ​പ്പെ​ടു​ത്തി​യി​രി​ക്കു​ന്നത്‌. ബൈബി​ളു​കൾ പെട്ടെന്നു കീറി​പ്പോ​കാൻ സാധ്യ​ത​യു​ള്ള​തു​കൊണ്ട്‌ പല മുൻക​രു​ത​ലു​കൾ എടുത്താണ്‌ അവ സംരക്ഷി​ക്കു​ന്നത്‌. ഉദാഹ​ര​ണ​ത്തിന്‌, പേജുകൾ പോളി​സ്റ്റർ ഫിലി​മു​കൾ ഒട്ടിച്ച്‌ ഭദ്രമാ​യി സൂക്ഷി​ക്കു​ന്നു. പ്രദർശ​ന​ശാ​ല ഊഷ്‌മാ​വും താപനി​ല​യും ക്രമ​പ്പെ​ടു​ത്താ​നാ​കും വിധമാണ്‌ സജ്ജീക​രി​ച്ചി​രി​ക്കു​ന്നത്‌. കൂടാതെ ഫൈബർ ഒപ്‌റ്റിക്ക്‌ പ്രകാശം അനു​യോ​ജ്യ​മാ​യ വിധത്തിൽ ക്രമീ​ക​രി​ച്ചി​രി​ക്കു​ന്നു. ഇവയെ​ല്ലാം ലോല​മാ​യ പേജുകൾ നശിച്ചു​പോ​കാ​തെ സൂക്ഷി​ക്കാൻ സഹായി​ക്കു​ന്നു.

ഗൈഡു​ക​ളോ​ടൊ​പ്പം എത്തിയ സന്ദർശകർ വാർവിക്ക്‌ സമുച്ച​യ​ത്തി​ന്റെ മനോ​ഹ​ര​മാ​യ കാഴ്‌ച 23 മീറ്റർ (75 അടി) ഉയരമുള്ള ഒരു ഗോപു​ര​ത്തിൽനിന്ന്‌ വീക്ഷി​ക്കു​ന്നു. 2017 ഏപ്രിൽ 3 മുതൽ, വാർവി​ക്കി​ലു​ള്ള സൗകര്യ​ങ്ങ​ളും ഗൈഡു​ക​ളു​ടെ സഹായം കൂടാതെ കാണാൻ കഴിയുന്ന പ്രദർശ​ന​ശാ​ല​ക​ളും സന്ദർശി​ക്കു​ന്ന​തി​നു​ള്ള ക്രമീ​ക​ര​ണം തുടങ്ങി​യി​രി​ക്കു​ന്നു. വാർവിക്ക്‌ ടൂറി​നാ​യി നമ്മുടെ വെബ്‌​സൈ​റ്റിൽ ലഭ്യമാ​യി​രി​ക്കു​ന്ന ഓൺ​ലൈൻ റിസർവേ​ഷൻ സംവി​ധാ​നം ഉപയോ​ഗിച്ച്‌ മുന്നമേ ബുക്ക്‌ ചെയ്യേ​ണ്ട​താണ്‌. അതിനാ​യി വെബ്‌​സൈ​റ്റിൽ ഞങ്ങളെ​ക്കു​റിച്ച്‌ > ഓഫീ​സു​കൾ/സന്ദർശനം എന്ന ഭാഗം കാണുക.

ചരി​ത്ര​രേ​ഖ​കൾ സൂക്ഷി​ക്കു​ന്ന ഒരാൾ 1611-ലെ ജയിംസ്‌ രാജാ​വി​ന്റെ ഭാഷാ​ന്ത​രം ബൈബി​ളി​ന്റെ വിരള​മാ​യ ആദ്യ പതിപ്പ്‌ പ്രദർശ​ന​ശാ​ല​യി​ലെ ചില്ലു​കൂ​ട്ടിൽ വെക്കുന്നു. ഓരോ​ന്നും വെക്കാൻ പറ്റിയ വിധത്തി​ലാണ്‌ വാർവി​ക്കി​ലെ സഹോ​ദ​ര​ങ്ങൾ ചില്ലു​കൂ​ടു​കൾ ഉണ്ടാക്കി​യി​രി​ക്കു​ന്നത്‌.

ഒരു ഗ്രാഫിക്‌ കലാകാ​രി പ്രദർശ​ന​ത്തി​നാ​യി സ്റ്റാൻഡിൽ ഒരു തൊപ്പി വെക്കുന്നു. ഒരു നൂറ്റാണ്ടു മുമ്പ്‌ യഹോ​വ​യു​ടെ സാക്ഷികൾക്കു നേതൃ​ത്വം കൊടു​ത്തി​രു​ന്ന ജോസഫ്‌ എഫ്‌. റഥർഫോർഡിന്റെ തൊപ്പി​യാണ്‌ അത്‌. “യഹോ​വ​യു​ടെ പേരി​നാ​യി ഒരു ജനം” എന്ന പ്രദർശ​ന​ശാ​ല​യി​ലെ ഈ ഭാഗം, ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ന്ന​തി​നാ​യി ആദ്യകാ​ല​ത്തെ സാക്ഷികൾ ചെയ്‌ത പരി​ശ്ര​മ​ങ്ങൾ ചിത്രീ​ക​രി​ക്കു​ന്നു.

ഓഡി​യോ റെക്കോർഡിങ്‌ ടീമിന്റെ സഹായ​ത്തോ​ടെ ഒരു വായന​ക്കാ​രൻ “ബൈബി​ളും ദിവ്യ​നാ​മ​വും” എന്ന പ്രദർശ​ന​ശാ​ല​യോ​ടു ബന്ധപ്പെട്ട കാര്യങ്ങൾ വിവരി​ക്കു​ന്നു. ബ്രൂക്‌ലി​നിൽനിന്ന്‌ വാർവിക്കിലേക്കു റെക്കോർഡിങ്‌ ബൂത്തും ഉപകര​ണ​ങ്ങ​ളും കൊണ്ടു​വന്ന്‌ ഒരാഴ്‌ച കഴിഞ്ഞ​പ്പോൾത്ത​ന്നെ റെക്കോർഡിങ്‌ സ്റ്റുഡി​യോ പ്രവർത്ത​ന​സ​ജ്ജ​മാ​യി. ഈ സ്റ്റുഡി​യോ​യി​ലാണ്‌ (പ്രധാന സം​പ്രേ​ക്ഷ​ണം പാറ്റേർസണിലുള്ള വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ലാണ്‌ നടക്കു​ന്നത്‌.) പുതിയ ലോക ഭാഷാ​ന്ത​രം ബൈബിൾ, വീക്ഷാ​ഗോ​പു​രം, ഉണരുക!, jw.org സൈറ്റിൽ വരുന്ന ലേഖനങ്ങൾ, മറ്റു ഓഡി​യോ പ്രസി​ദ്ധീ​ക​ര​ണ​ങ്ങൾ എല്ലാം റെക്കോർഡ്‌ ചെയ്യു​ന്നത്‌.

3 ഡി ഫോട്ടോ പ്രദർശ​ന​ശാ​ല​യിൽ വെക്കാൻ പോകുന്ന ഒരു ചിത്രം പെയിന്റ്‌ ചെയ്യുന്ന ഒരു ജോലി​ക്കാ​രി. 19-ാം നൂറ്റാ​ണ്ടി​ന്റെ അവസാ​ന​ത്തിൽ ജീവി​ച്ചി​രു​ന്ന ബൈബിൾവിദ്യാർഥികളുടെ ചരി​ത്ര​പ്രാ​ധാ​ന്യ​മുള്ള ഫോ​ട്ടോ​ക​ളു​ടെ പ്രദർശ​ന​മാണ്‌, “യഹോ​വ​യു​ടെ പേരി​നാ​യി ഒരു ജനം” എന്ന പ്രദർശ​ന​ശാ​ല​യു​ടെ ഈ വിഭാ​ഗ​ത്തിൽ ഉള്ളത്‌.

യഹോ​വ​യു​ടെ കൂട്ടു​കാ​രാ​കാം എന്ന പരമ്പര​യി​ലെ ഡേവി​ഡി​ന്റെ രൂപത്തിന്‌ ഒരു കലാകാ​രി നിറം കൊടു​ക്കു​ന്നു. യഹോ​വ​യു​ടെ സാക്ഷികൾ കുട്ടി​കൾക്കു​വേ​ണ്ടി വികസി​പ്പി​ച്ചി​രി​ക്കു​ന്ന വീഡി​യോ​ക​ളും മറ്റും പ്രദർശി​പ്പി​ച്ചി​രി​ക്കുന്ന ഗ്യാല​റി​യിൽ ഡേവി​ഡി​ന്റെ ഈ രൂപവും വെക്കും.

“യഹോ​വ​യു​ടെ പേരി​നാ​യി ഒരു ജനം” എന്ന ഭാഗത്തു വെക്കാ​നു​ള്ള ബോർഡു​ക​ളും ഫോ​ട്ടോ​ക​ളും ഒരു മരപ്പണി​ക്കാ​രൻ മുറിച്ച്‌ ഭംഗി​വ​രു​ത്തു​ന്നു. ഇവി​ടെ​യു​ള്ള മൂന്നു മ്യൂസി​യ​ങ്ങ​ളു​ടെ പണിക്കാ​യി 250-ലധികം പേർ തുടക്കം​മു​തൽ അവസാ​നം​വ​രെ സഹായി​ച്ചു. കമ്പ്യൂട്ടർ പ്രോ​ഗ്രാം ചെയ്യു​ന്ന​വർ, പ്ലാനുകൾ വരയ്‌ക്കു​ന്ന​വർ, ഇലക്‌ട്രീ​ഷ്യ​ന്മാർ, വീഡി​യോ എടുക്കു​ന്ന​വർ, കലാകാ​ര​ന്മാർ തുടങ്ങി​യ​വർ ഇതിൽ ഉൾപ്പെ​ടു​ന്നു.