“ചില സമയത്ത്‌ എനിക്കു നാവിനെ നിയ​ന്ത്രി​ക്കാൻ പറ്റും. പക്ഷേ ചില​പ്പോൾ തലച്ചോ​റി​ന്റെ സഹായം​കൂ​ടാ​തെ വായ തന്നെ സംസാ​രി​ക്കു​ന്ന​താ​യി എനിക്കു തോന്നാ​റുണ്ട്‌.”—ജെയിംസ്‌.

 “ടെൻഷ​ന​ടിച്ച്‌ ഇരിക്കു​മ്പോൾ ഞാൻ ചിന്തി​ക്കാ​തെ സംസാ​രി​ക്കും. അല്ലാത്ത​പ്പോൾ സാധാ​ര​ണ​യെ​ക്കാൾ കൂടുതൽ സംസാ​രി​ക്കും. ചുരു​ക്കി​പ്പ​റ​ഞ്ഞാൽ എപ്പോ​ഴും ഞാൻ കുളമാ​ക്കും.”—മാരി.

 “നാവും ഒരു തീയാണ്‌” എന്നും “ചെറി​യൊ​രു തീപ്പൊ​രി മതി വലി​യൊ​രു കാടു കത്തിന​ശി​ക്കാൻ” എന്നും ബൈബിൾ പറയുന്നു. (യാക്കോബ്‌ 3:5, 6) നിങ്ങളു​ടെ സംസാരം നിങ്ങളെ കുഴപ്പ​ത്തി​ലാ​ക്കാ​റു​ണ്ടോ? അങ്ങനെ​യാ​ണെ​ങ്കിൽ ഈ ലേഖനം നിങ്ങൾക്കു​ള്ള​താണ്‌.

•  ഞാൻ ‘ബെല്ലും ബ്രേക്കും’ ഇല്ലാതെ സംസാ​രി​ക്കു​ന്നത്‌ എന്തു​കൊ​ണ്ടാണ്‌?

•  നാവിനെ മെരു​ക്കാൻ

•  സമപ്രാ​യ​ക്കാർ പറയു​ന്നത്‌

 കുറവു​കൾ. ബൈബിൾ പറയുന്നു: “നമ്മളെ​ല്ലാം പലതി​ലും തെറ്റി​പ്പോ​കു​ന്ന​വ​രാ​ണ​ല്ലോ. വാക്കു പിഴയ്‌ക്കാത്ത ആരെങ്കി​ലു​മു​ണ്ടെ​ങ്കിൽ അയാൾ ശരീരത്തെ മുഴുവൻ കടിഞ്ഞാ​ണിട്ട്‌ നിയ​ന്ത്രി​ക്കാൻ കഴിയുന്ന പൂർണ​മ​നു​ഷ്യ​നാണ്‌.” (യാക്കോബ്‌ 3:2) കുറവു​കൾ ഉള്ളതു​കൊണ്ട്‌ നമുക്കു നടക്കു​മ്പോൾ ചുവടു മാത്രമല്ല, സംസാ​രി​ക്കു​മ്പോൾ വാക്കും പിഴയ്‌ക്കും.

 “എല്ലാം തികഞ്ഞ തലച്ചോ​റും നാവും എനിക്ക്‌ ഇല്ലാത്ത​തു​കൊണ്ട്‌ അതിന്റെ മേൽ എനിക്കു പൂർണ​നി​യ​ന്ത്ര​ണ​മു​ണ്ടെന്നു പറയു​ന്നത്‌ മണ്ടത്തര​മാ​യി​രി​ക്കും.”—അന്ന.

 അമിത​സം​സാ​രം. “സംസാരം കൂടി​പ്പോ​യാൽ ലംഘനം ഉണ്ടാകാ​തി​രി​ക്കില്ല” എന്നു ബൈബിൾ പറയുന്നു. (സുഭാ​ഷി​തങ്ങൾ 10:19) ഒരുപാ​ടു സംസാ​രി​ക്കു​ക​യും കുറച്ച്‌ കേൾക്കു​ക​യും ചെയ്യു​ന്നവർ ബുദ്ധി​മു​ട്ടി​പ്പി​ക്കുന്ന കാര്യങ്ങൾ പറഞ്ഞു​കൊണ്ട്‌ മറ്റുള്ള​വരെ വിഷമി​പ്പി​ക്കാ​നുള്ള സാധ്യത കൂടു​ത​ലാണ്‌.

 “സംസാ​രി​ക്കു​ന്നവർ എപ്പോ​ഴും മിടു​ക്ക​രാ​ക​ണ​മെ​ന്നില്ല. ഭൂമി​യിൽ ജീവി​ച്ചി​രു​ന്നി​ട്ടു​ള്ള​തിൽവെച്ച്‌ എറ്റവും മിടു​ക്ക​നാ​യി​രു​ന്നു യേശു. ചില സമയത്ത്‌ ആ യേശു​പോ​ലും മിണ്ടാ​തി​രു​ന്നി​ട്ടുണ്ട്‌.”—ജുലിയ.

 അധി​ക്ഷേ​പി​ക്കു​ന്നത്‌. “ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌” എന്നു ബൈബിൾ പറയുന്നു. (സുഭാ​ഷി​തങ്ങൾ 12:18) ചിന്തി​ക്കാ​തെ​യുള്ള സംസാ​ര​ത്തിന്‌ ഒരു ഉദാഹ​ര​ണ​മാണ്‌ അധി​ക്ഷേപം. അതായത്‌ കുത്തു​വാ​ക്കു​കൾ പറഞ്ഞു​കൊണ്ട്‌ മറ്റുള്ള​വരെ കൊച്ചാ​ക്കു​ന്നത്‌. ഇങ്ങനെ അധി​ക്ഷേ​പി​ക്കു​ന്നവർ “ഞാൻ ഒരു തമാശ​യ്‌ക്കു പറഞ്ഞതാണ്‌” എന്നു പറയാ​റുണ്ട്‌. എന്നാൽ മറ്റുള്ള​വരെ നാണം കെടു​ത്തു​ന്നത്‌ അങ്ങനെ ചിരി​ച്ചു​വി​ടാൻ പറ്റുന്ന ഒരു കാര്യമല്ല. “അസഭ്യ​സം​സാ​ര​വും ഹാനി​ക​ര​മായ എല്ലാ കാര്യ​ങ്ങ​ളും” ഉപേക്ഷി​ക്കാ​നാ​ണു ബൈബിൾ പറയു​ന്നത്‌.—എഫെസ്യർ 4:31.

 “എനിക്കു വിറ്റടി​ക്കു​ന്ന​തും തമാശ പറയു​ന്ന​തും ഇഷ്ടമാണ്‌. പക്ഷേ ചില​പ്പോൾ അത്‌ അധി​ക്ഷേ​പ​മാ​യി​പ്പോ​കും. മിക്ക​പ്പോ​ഴും എനിക്ക്‌ ഇങ്ങനെ അബദ്ധം പറ്റാറുണ്ട്‌.”—ഒക്‌സാന.

 നാവിനെ മെരു​ക്കു​ന്നത്‌ അത്ര എളുപ്പ​മുള്ള കാര്യമല്ല. എന്നാൽ ഇക്കാര്യ​ത്തിൽ സഹായി​ക്കുന്ന ചില ബൈബിൾത​ത്ത്വ​ങ്ങ​ളുണ്ട്‌. ഉദാഹ​ര​ണ​ത്തിന്‌ പിൻവ​രു​ന്നവ ശ്രദ്ധിക്കൂ.

 “പറയാ​നു​ള്ളതു . . . മനസ്സിൽ പറഞ്ഞിട്ട്‌ മിണ്ടാ​തി​രി​ക്കുക.”—സങ്കീർത്തനം 4:4.

 ചില​പ്പോൾ ഏറ്റവും നല്ല മറുപടി മൗനമാണ്‌. ലോറ എന്ന ചെറു​പ്പ​ക്കാ​രി ഇങ്ങനെ പറയുന്നു: “ദേഷ്യം വന്നാൽ ഞാൻ ആളാകെ മാറും. പക്ഷേ, മനസ്സിൽ തോന്നിയ ദേഷ്യം അപ്പോൾ കാണി​ക്കാ​ഞ്ഞത്‌ എത്ര നന്നാ​യെന്നു പിന്നെ എനിക്കു തോന്നും.” കുറച്ച്‌ നേരം മിണ്ടാ​തി​രു​ന്നാൽ അബദ്ധം പറയു​ന്നത്‌ ഒഴിവാ​ക്കാൻ കഴിയും.

 “നാവ്‌ ഭക്ഷണം രുചി​ച്ചു​നോ​ക്കു​ന്ന​തു​പോ​ലെ ചെവി വാക്കു​കളെ പരി​ശോ​ധി​ച്ചു​നോ​ക്കി​ല്ലേ?”—ഇയ്യോബ്‌ 12:11.

 എന്തെങ്കി​ലും പറയു​ന്ന​തി​നു മുമ്പ്‌ പിൻവ​രുന്ന ചോദ്യ​ങ്ങൾ ഉപയോ​ഗിച്ച്‌ അതിനെ വിലയി​രു​ത്തു​ന്നെ​ങ്കിൽ പിന്നീട്‌ ഉണ്ടാ​യേ​ക്കാ​വുന്ന ദുഃഖങ്ങൾ ഒഴിവാ​ക്കാൻ നിങ്ങൾക്കു കഴിയും.

•   ഇതു സത്യമാ​ണോ? പറഞ്ഞാൽ ക്രൂര​ത​യാ​യി​പ്പോ​കു​മോ? പറയേണ്ട ആവശ്യ​മു​ണ്ടോ?—റോമർ 14:19.

•   ആരെങ്കി​ലും എന്നോ​ടാണ്‌ ഇതു​പോ​ലെ പറയു​ന്ന​തെ​ങ്കിൽ എനിക്ക്‌ എന്തു തോന്നും?—മത്തായി 7:12.

•   കേൾക്കുന്ന ആളിന്റെ കാഴ്‌ച​പ്പാ​ടി​നെ മാനി​ക്കു​ന്ന​താ​ണോ ഇത്‌?—റോമർ 12:10.

•   ഇതു പറയാ​നുള്ള പറ്റിയ സമയം ഇതാണോ?—സഭാ​പ്ര​സം​ഗകൻ 3:7.

 “താഴ്‌മ​യോ​ടെ മറ്റുള്ള​വരെ നിങ്ങ​ളെ​ക്കാൾ ശ്രേഷ്‌ഠ​രാ​യി കാണുക.”—ഫിലി​പ്പി​യർ 2:3.

 ഈ ഉപദേശം മറ്റുള്ള​വ​രെ​ക്കു​റിച്ച്‌ നല്ല രീതി​യിൽ ചിന്തി​ക്കാൻ പ്രേരി​പ്പി​ക്കും. അത്‌ സംസാ​രി​ക്കു​ന്ന​തി​നു മുമ്പ്‌ ചിന്തി​ക്കാ​നും നാവ്‌ അടക്കേ​ണ്ടി​ടത്തു നാവ്‌ അടക്കാ​നും സഹായി​ക്കും. ഇനി മുറി​പ്പെ​ടു​ത്തുന്ന എന്തെങ്കി​ലും നേരത്തേ പറഞ്ഞി​ട്ടു​ണ്ടെ​ങ്കിൽത്തന്നെ എത്രയും പെട്ടെന്നു ക്ഷമ ചോദി​ക്കാൻ താഴ്‌മ നിങ്ങളെ സഹായി​ക്കും. (മത്തായി 5:23, 24) അതു​കൊണ്ട്‌ നാവിനെ മെരു​ക്കുന്ന കാര്യ​ത്തിൽ മെച്ച​പ്പെ​ടാൻ നിങ്ങൾക്കു തീരു​മാ​നിച്ച്‌ ഉറയ്‌ക്കാം.