Божјето Царство е влада што се наоѓа на небото. Исус им рекол на своите следбеници да се молат тоа да дојде затоа што ќе воспостави праведност и мир на Земјата. Ниту една човечка влада не може потполно да ги отстрани насилството, неправдите и болестите, но Божјето Царство може и еден ден навистина ќе го стори тоа. Бог го избрал својот Син, Исус, да биде Цар на тоа Царство. А од Исусовите следбеници, Јехова избрал една група што ќе владее заедно со Исус. (Прочитај Лука 11:2; 22:28-30.)

Наскоро, Божјето Царство ќе ги отстрани сите оние што се против Божјата влада. Затоа, кога се молиме да дојде Божјето Царство, ние бараме Божјата влада да ги замени сите човечки влади. (Прочитај Даниел 7:13, 14; Откровение 11:15, 18.)

Исус е идеален Цар затоа што е сочувствителен. Како Божји Син, тој има моќ да им помага на сите оние што го молат Бог за помош. (Прочитај Псалм 72:8, 12-14.)

Божјето Царство ќе биде за доброто на сите оние што искрено се молат тоа да дојде и што живеат во склад со Божјата волја. Зошто не дознаеш што вели Библијата за Божјето Царство? (Прочитај Лука 18:16, 17; Јован 4:23.)